നിയമിച്ച് പത്തു ദിവസത്തിനുള്ളിൽ തന്നെ വൈറ്റ് ഹൗസ് കമ്മ്യൂണിക്കേഷൻസ് വിഭാഗം തലവൻ ആന്‍റണി സ്‌കാരമൂച്ചിയെ യു.എസ്​ പ്രസിഡൻറ്​ ഡോണൾഡ് ട്രംപ് പുറത്താക്കി. വൈറ്റ് ഹൗസിലെ ഉന്നത ഉദ്യോഗസ്ഥർക്കെതിരെ നടത്തിയ മോശം പരാമർശങ്ങളെ തുടർന്നാണ് നടപടി.

പുതിയ ചീഫ് ഓഫ് സ്റ്റാഫ് ആയി ജോൺ കെല്ലി ചുമതലയേറ്റു.ന്യൂയോര്‍ക്കിലെ ഫിനാന്‍ഷ്യറും ദീര്‍ഘകാലമായി ഡൊണാള്‍ഡ് ട്രംപിനെ പിന്തുണക്കുന്ന വ്യക്തിയുമാണ് സ്​കാരമോച്ചി. എന്നാൽ പ്രസിഡൻറ്​ മാത്രമാണ്​ ത​ന്റെ ചിഫ്​ എന്ന സ്​കാരമോച്ചിയുടെ നിലപാട്​ മറ്റ്​ ജീവനക്കാർക്ക്​ അസ്വസ്​ഥതയുണ്ടാക്കിയിരുന്നു. അതിനിടെ, ഒരു മാഗസിനു നൽകിയ അഭിമുഖത്തിൽ വൈറ്റ്​ ഹൗസിശല ഉന്നത ഉദ്യോഗസ്​ഥർക്കെതിരെ മോശം പരാമർശം നടത്തിയതും ജീവനക്കാരുടെ അനിഷ്​ടത്തിനിടയാക്കി.

വിവാദ നായകനായതോടെ സ്​കാരമോച്ചിയുടെ ഭാവിയെ കുറിച്ച്​ ട്രംപ്​ വൈറ്റ്​ ഹൗസ്​ ഉദ്യോഗസ്​ഥരോട്​ അഭിപ്രായം അന്വേഷിക്കുകയും അത്​ പുറത്തേക്കുള്ള വഴി തെളിക്കുകയുമായിരുന്നു.

നേരത്തെ, ആൻറണി സ്കാരാമോച്ചിയെ കമ്മ്യൂണിക്കേഷന്‍ ഡയറക്ടറായി നിയമിച്ചതിൽ പ്രതിഷേധിച്ച്​​ വൈറ്റ്​ ഹൗസ്​ ;വക്താവും യു.എസ് പ്രസ് സെക്രട്ടറിയുമായിരുന്ന സീന്‍ സ്പൈസര്‍ രാജി വെച്ചിരുന്നു. സ്​കാരമോച്ചിയുടെ  നിയമനം വൻ അബദ്ധമാണെന്നായിരുന്നു​ സ്​പൈസറുടെ നിലപാട്​.