അന്താരാഷ്​ട്ര ആഭ്യന്തര വിമാനയാത്രകളിൽ ലഗേജുകൾ​ കർശന പരിശോധനക്ക്​ വിധേയമാക്കാൻ അമേരിക്കൻ വ്യോമയാന ഏജൻസി നീക്കം തുടങ്ങി. സെൽ ഫോണിനെക്കാൾ വലിയ എല്ലാ ഇലക്​ട്രോണിക്​ ഉപകരണങ്ങളെല്ലാം സ്​കാനിങ്ങിന്​ വിധേയമാക്കാനാണ്​ തീരുമാനം.ഇന്ത്യൻ വിമാനത്താവളങ്ങളിലേതു പോ ലെ ഇനി മുതൽ അമേരിക്കയിലും ടാബ്​ലെറ്റും ലാപ്​ടോപ്പും ബാഗുകളിൽ നിന്ന്​ പുറത്തെടുത്ത്​ പ്രത്യേകം ട്രേയിൽ സ്​ക്രീനിങ്ങിനായി നിക്ഷേപിക്കണം. ഇതുവരെ ലാപ്​ടോപ്പ്​ പോലെ വലിയ ഇലക്​ട്രോണിക്​ ഉപകരണങ്ങൾ മാത്രം പ്രത്യേകം സ്​ക്രീനിങ്ങിന്​ വിധേയമാക്കിയാൽ മതിയായിരുന്നു. ഐ പാഡും മറ്റും ബാഗിൽ തന്നെ സൂക്ഷിക്കാൻ അനുവാദമുണ്ടായിരുന്നു. അതാണ്​ ഇപ്പോൾ എടുത്തുമാറ്റിയിരിക്കുന്നത്​വിമാനയാത്രയിലെ ലാപ്​ടോപ്പ്​ നിരോധനം അമേരിക്ക എടുത്തു കളഞ്ഞത്​ ഇൗയടുത്താണ്​. യാത്രക്കായി​ കൊണ്ടുവരാവുന്ന വസ്​തുക്കളിൽ മാറ്റമൊന്നുമില്ല. എന്നാൽ കൂടുതൽ സുരക്ഷാ പരിശോധനക്ക്​ വിധേയരാകേണ്ടി വരുമെന്ന്​ അമേരിക്കൻ വ്യോമയാന ഏജൻസിയായ ട്രാൻസ്​പോർട്ടേഷൻ സെക്യൂരിറ്റി അഡ്​മിനിസ്​ട്രേഷൻ അറിയിച്ചു.ലോസ്​ ആഞ്ചൽസ്​ ഇൻറർ നാഷണൽ വിമാനത്താവളത്തിൽ അടക്കം ഇൗ സംവിധാനം പരീക്ഷിച്ച്​ വിജയിച്ചിട്ടുണ്ട്​. വരും ആഴ്​ചകളിൽ അമേരിക്കയിലെ മുഴുവൻ വിമാനത്താവളങ്ങളിലും സംവിധാനം കൊണ്ടുവരുമെന്ന്​ ടി.എസ്​.എ അറിയിച്ചു.