മുന്‍ സൗത്ത് ആഫ്രിക്കന്‍ ഡൊമസ്റ്റിക് ക്രിക്കറ്റര്‍ ഡിയോണ്‍ തല്‍ജാര്‍ഡിനെ മാനഭംഗ കേസില്‍ അറസ്റ്റ് ചെയ്തു. യുവതിയെ പത്ത് വര്‍ഷത്തോളം 150 തവണയോളം ക്രൂരമായി ബലാത്സംഗം ചെയ്തതിനാണ് ഇയാളെ അറസ്റ്റ് ചെയ്ത് 18 വര്‍ഷത്തെ കഠിനതടവിന് ശിക്ഷിച്ചത്.

വലം കൈയ്യന്‍ പേസ് ബോളറായ തല്‍ജാര്‍ഡ് 1993 മുതല്‍ 1999 വരെയുള്ള കാലയളവിലാണ് ഇയാള്‍ സൗത്ത് ആഫ്രിക്കന്‍ ക്രിക്കറ്റിന് വേണ്ടി കളിച്ചിട്ടുള്ളത്.

യുവതിയെ കൈകാലുകള്‍ കട്ടിലില്‍ കെട്ടിയിട്ട് ക്രൂരമായി ബലാത്സംഗം ചെയ്യുന്നതും കഴുത്തില്‍ പിടിച്ച് ശ്വാസതടസം സൃഷ്ടിക്കുന്നതും ഇയാളുടെ പതിവായിരുന്നു.

ഒരു തവണ ആത്മഹത്യ ചെയ്യാന്‍ ഒരുങ്ങിയ യുവതി ആ ശ്രമം ഉപേക്ഷിച്ചാണ് രണ്ടും കല്‍പ്പിച്ച് പോലീസില്‍ പരാതി നല്‍കിയത്.

2002 മുതല്‍ 2012 വരെയുള്ള പത്ത് വര്‍ഷങ്ങളിലായാണ് ഇയാള്‍ യുവതിയെ തുടര്‍ച്ചയായി മാനഭംഗപ്പെടുത്തിയത്. 47കാരനായ താല്‍ജാര്‍ഡിനെ കോടതി 18 വര്‍ഷത്തെ ജയില്‍ ശിക്ഷയ്ക്ക് വിധിക്കുകയായിരുന്നു.