മുതലയുടെ ആക്രമണത്തില് മാധ്യമപ്രവര്ത്തകന് കൊല്ലപ്പെട്ടു
മുതലയുടെ ആക്രമണത്തില് കൊല്ലപ്പെട്ട യുവമാധ്യമപ്രവര്ത്തകന്റെ മൃതദേഹം കണ്ടെത്തി. ശ്രീലങ്കയുടെ തലസ്ഥാനമായ കൊളംബോയില് നിന്നും 360 കിലോമീറ്ററകലെ പനാമയിലെ മണലിലെ കുഴിയില് നിന്നുമാണ് 24കാരനായ ബ്രിട്ടീഷ് മാദ്ധ്യമ പ്രവര്ത്തകനായ പോള് മക്ലാന്റെ മൃതദേഹം കണ്ടെത്തിയത്. ബീച്ചില് അവധി ആഘോഷിക്കാനെത്തിയ മക്ലാനെ വ്യാഴാഴ്ചയാണ് കാണാതായത്
മുതലയുടെ ആക്രമണത്തിലാണ് ഇയാള് കൊല്ലപ്പെട്ടതെന്ന് വിശ്വസിക്കുന്നുവെന്നും എന്നാല് പോസ്റ്റ്മോര്ട്ടം റിപ്പോര്ട്ട് വന്നതിന് ശേഷം മാത്രമേ കൂടുതല് എന്തെങ്കിലും പറയാന് സാധിക്കുകയുള്ളുവെന്നും പൊലീസ് വ്യക്തമാക്കി. മക്ലാന്റെ കാലില് ആറോ ഏഴോ മുറിവുകളുണ്ടായിരുന്നെന്നും പൊലീസ് കൂട്ടിച്ചേര്ത്തു.
ബ്രിട്ടീഷ് മാധ്യമമായ ഫിനാന്ഷ്യല് ടൈം ഇലെ ജീവനക്കാരനായിരുന്ന മക്ലാന് സുഹൃത്തുക്കള്ക്കൊപ്പം അവധി ആഘോഷിക്കാനാണ് ശ്രീലങ്കയിലെത്തിയത്. പ്രാഥമികാവശ്യങ്ങള് നിറവേറ്റുന്നതിനായി പോയ സമയത്താണ് അപകടമുണ്ടായത്. ഏറെ നേരമായിട്ടും മക്ലന് തിരിച്ച് വരാത്തതിനെ തുടര്ന്ന് സുഹൃത്തുക്കള് പൊലീസിനെ അറിയിക്കുകയായിരുന്നു. പിന്നീട് നാവികസേനയുമായി ചേര്ന്ന് നടത്തിയ അന്വേഷണത്തിലാണ് മകലാന്റെ മൃതദേഹം കണ്ടെത്തിയത്. ഈ മാസമാദ്യം മുതലയുടെ ആക്രമണത്തില് ഇവിടെ ഒരു ആനയക്ക് ഗുരുതര പരിക്കേറ്റിരുന്നു.
https://www.facebook.com/Malayalivartha
