അ​ഫ്ഗാ​നി​സ്ഥാ​നി​ലെ കാ​ബൂ​ളി​ൽ താ​ലി​ബാ​ൻ ഭീ​ക​ര​രു​ടെ റോ​ക്ക​റ്റ് ആ​ക്ര​മ​ണ​ത്തി​ൽ​നി​ന്നും ഇ​ന്ത്യ​ൻ വി​മാ​നം തലനാരിഴയ്ക്ക് രക്ഷപെട്ടു. കാ​ബൂ​ളി​ലെ ഹ​മീ​ദ് ക​ർ‌​സാ​യി വി​മാ​ന​ത്താ​വ​ള​ത്തി​ൽ​നി​ന്നും ഡ​ൽ​ഹി​യി​ലേക്കുള്ള വി​മാ​ന​മാ​ണ് അ​പ​ക​ട​ത്തി​ൽ​നി​ന്നും ര​ക്ഷ​പെ​ട്ട​ത്. 180 യാ​ത്ര​ക്കാ​രാണ് വിമാനത്തിലുണ്ടായിരുന്നത്. വി​മാ​നം പു​റ​പ്പെ​ടാ​ൻ തുടങ്ങുമ്പോഴായിരുന്നു ആ​ക്ര​മ​ണം.

യാ​ത്ര​ക്കാ​രെ​യും ജീ​വ​ന​ക്കാ​രെ​യും സു​ര​ക്ഷി​ത​രാ​യി വി​മാ​ന​ത്താ​വ​ള​ത്തി​ലേ​ക്കു മാ​റ്റിയിട്ടുണ്ട്. സം​ഭ​വ​ത്തെ തു​ട​ർ​ന്ന് കാ​ബൂ​ളി​ൽ​നി​ന്നു​ള്ള എ​ല്ലാ വി​മാ​ന​ങ്ങ​ളും വൈ​കി. വി​മാ​ന​ത്തി​നു കേ​ടു​പാ​ടു​ക​ളൊ​ന്നും സം​ഭ​വി​ച്ചി​ല്ലെ​ന്നും യാ​ത്ര​ക്കാ​ർ സു​ര​ക്ഷി​ത​രാ​ണെ​ന്നും സ്പൈ​സ് ജെ​റ്റ് വ​ക്താ​വ് അ​റി​യി​ച്ചു. വി​മാ​ന​ത്താ​വ​ള​ത്തി​നു നേ​ർ​ക്ക് നി​ര​വ​ധി റോ​ക്ക​റ്റു​ക​ളാ​ണ് ഭീ​ക​ര​ർ പ്ര​യോ​ഗി​ച്ച​ത്. വി​മാ​ന​ത്താ​വ​ള​ത്തി​നു സ​മീ​പ​ത്തു​ള്ള വീ​ട്ടി​ലാ​ണ് ഒ​രു റോ​ക്ക​റ്റ് പ​തി​ച്ച​ത്. സ്ഫോ​ട​ന​ത്തി​ൽ അ​ഞ്ചു പേ​ർ​ക്ക് പ​രി​ക്കേ​റ്റു.

യു​എ​സ് പ്ര​തി​രോ​ധ സെ​ക്ര​ട്ട​റി ജിം ​മാ​റ്റി​സി​നെ ല​ക്ഷ്യം​വ​ച്ചാ​യി​രു​ന്നു ആ​ക്ര​മ​ണ​മെ​ന്ന് താ​ലി​ബാ​ൻ അ​റി​യി​ച്ചു. മാ​റ്റി​സ് വി​മാ​നം ഇ​റ​ങ്ങി മ​ണി​ക്കൂ​റു​ക​ൾ​ക്കു​ള്ളി​ലാ​യി​രു​ന്നു ആ​ക്ര​മ​ണം. മാ​റ്റി​സും നാ​റ്റോ സെ​ക്ര​ട്ട​റി ജ​ന​റ​ൽ ഷാ​ൻ​സ് സ്റ്റോ​ൾ​ട്ട​ൻ​ബ​ർ​ഗും അ​ഫ്ഗാ​ൻ പ്ര​സി​ഡ​ന്‍റ് അ​ഷ്റ​ഫ് ഗ​നി​യു​മാ​യി കൂ​ടി​ക്കാ​ഴ്ച ന​ട​ത്തു​ന്പോ​ഴാ​ണ് കാ​ബൂ​ൾ വി​മാ​ന​ത്താ​വ​ള​ത്തി​ൽ റോ​ക്ക​റ്റു​ക​ൾ പ​തി​ച്ച​ത്. കാ​ബൂ​ൾ വി​മാ​ന​ത്താ​വ​ള​ത്തി​ന്‍റെ സൈ​നി​ക മേ​ഖ​ല​യി​ലാ​ണു റോ​ക്ക​റ്റ് ആ​ക്ര​മ​ണം ന​ട​ത്തി​യ​തെ​ന്നും പെ​ന്‍റ​ഗ​ൺ മേ​ധാ​വി മാ​റ്റി​സി​ന്‍റെ വി​മാ​ന​മാ​യി​രു​ന്നു ല​ക്ഷ്യ​മെ​ന്നും താ​ലി​ബാ​ൻ വ​ക്താ​വ് സ​ബി​ബു​ള്ള മു​ജാ​ഹി​ദ് ട്വീ​റ്റു ചെ​യ്തു.