ഗാസയില്‍ ഒരാഴ്ച നീണ്ട ആക്രമണത്തിനു ശേഷം ഈജിപത് മുന്നോട്ട് വെച്ച വെടനിര്‍ത്തല്‍ നിര്‍ദേശം ഇസ്രയേല്‍ അംഗീകരിച്ചു. മന്ത്രിസഭാ യോഗത്തിനു ശേഷം പ്രധാനമന്ത്രി ബെഞ്ചമിന്‍ നെതന്യാഹുവിന്റെ ഓഫീസ് അറിയിച്ചതാണിത്. ഗാസാ അതിര്‍ത്തികള്‍ തുറന്നു. രണ്ട് ദിവസത്തിനകം കെയ്‌റോയില്‍ അനുരജ്ഞന ചര്‍ച്ച നടത്താനും ഇസ്രയേല്‍ സമ്മതിച്ചു. താല്‍ക്കാലിക വെടിനിര്‍ത്തല്‍ ഇന്നു രാവിലെ ഒമ്പതു മുതല്‍ നിലവില്‍ വന്നു. യുദ്ധം ഒഴിവാക്കണമെന്നും വെടിനിര്‍ത്തല്‍ പ്രഖ്യാപിക്കണമെന്നും ഈജിപ്ത് ഇരു വിഭാഗങ്ങളോടും ആവശ്യപ്പെട്ടിരുന്നു.

എന്നാല്‍ ഈജിപ്തിന്റെ നിര്‍ദേശം ഹമാസ് തള്ളി. വെനിടിര്‍ത്തല്‍ നിര്‍ദേശത്തിന്റെ വിശദാംശങ്ങള്‍ തങ്ങള്‍ക്ക് ലഭിച്ചിട്ടില്ലെന്ന് ഹമാസ് വ്യക്തമാക്കി. ഗാസാ ഉപരോധം അവസാനിപ്പിക്കുക, അതിര്‍ത്തികള്‍ തുറന്നുകൊടുക്കുക എന്നീ ഉപാധികള്‍ അംഗീകരിച്ചാല്‍ മാത്രം വെടിനിര്‍ത്തലാവാമെന്നാണ് ഹമാസ് നിലപാട്. ഹൃസ്വകാല വെടിനിര്‍ത്തല്‍ കരാര്‍ സ്വീകാര്യമല്ലെന്നും ഹമാസ് വ്യക്തമാക്കി. ശത്രുക്കള്‍ക്കെതിരായുള്ള പോരാട്ടം കൂടുതല്‍ ശക്തമാക്കുമെന്നും ഹമാസിന്റെ സായുധ വിഭാഗമായ ഇസ്സുദ്ദീന്‍ ഖസം ബ്രിഗേഡ്‌സ് തങ്ങളുടെ വെബ്‌സൈറ്റിലൂടെ അറിയിച്ചു. അതേസമയം വെടിനിര്‍ത്തല്‍ തീരുമാനത്തെ പലസ്തീന്‍ പ്രസിഡന്റ് മഹമൂദ് അബ്ബാസ് സ്വാഗതം ചെയ്തു. ഗാസയില്‍ ഒരാഴ്ച നീണ്ട ഇസ്രയേലിന്റെ വ്യോമാക്രമണത്തില്‍ മരിച്ചവരുടെ എണ്ണം 180 കവിഞ്ഞു. ഇസ്രായേല്‍ നല്‍കിയ മുന്നറിയിപ്പിനെ തുടര്‍ന്ന് ആയിരക്കണക്കിന് പേരാണ് ഗാസയില്‍ നിന്നും പലായനം ചെയ്തത്. വടക്കന്‍ ഗാസയില്‍ 1700 പലസ്തീനികള്‍ അഭയം തേടിയതായാണ് യുഎന്‍ കണക്കുകള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha