ബ്രിക്സ് വികസന ബാങ്ക് രൂപീകരിക്കാന് ഉച്ചകോടിയില് തീരുമാനമായി; പ്രഥമ പ്രസിഡന്റ് ഇന്ത്യാക്കാരന്
ലോകബാങ്കിന് ബദലായി വികസനബാങ്കും കരുതല് നിക്ഷേപവും രൂപവത്കരിക്കാന് ബ്രിക്സ് രാജ്യ തലവന്മാരുടെ യോഗത്തില് തീരുമായി. ബ്രിക്സ് വികസന ബാങ്ക് രൂപീകരിക്കാന് ബ്രസീലില് ചേരുന്ന ബ്രിക്സ് ഉച്ചകോടിയില് തീരുമാനമായി. 5,000 കോടി ഡോളര് മൂലധനവുമായി തുടങ്ങുന്ന ബാങ്കിന്റെ പ്രഥമ പ്രസിഡന്റ് ഇന്ത്യയില് നിന്നും ബോര്ഡ് ചെയര്മാന് ബ്രസീലില് നിന്നുമാവും. ചൈനയിലെ ഷാംഗ്ഹായി കേന്ദ്രമാക്കിയാവും ബാങ്ക് ആരംഭിക്കുകയെന്ന് ബ്രിക്സ് ഉച്ചകോടിക്കിടെ ബ്രസീലിയന് പ്രസിഡന്റ് ദില്മ റൂസഫ് പ്രഖ്യാപിച്ചു. ബാങ്കിന്റെ ആഫ്രിക്കന് മേഖല ദക്ഷിണാഫ്രിക്ക കേന്ദ്രമായി പ്രവര്ത്തിക്കും.
ബ്രിക്സ് രാജ്യങ്ങളുടെ തുല്യമായ ഓഹരി പങ്കാളിത്തത്തോടെ ആരംഭിക്കുന്ന വികസന ബാങ്ക് ലോക ബാങ്കിന് ബദലാകുമെന്നാണ് സൂചന. ബ്രിക്സ് ബാങ്ക് ചര്ച്ചകള് കഴിഞ്ഞ വര്ഷത്തെ ഉച്ചകോടിയില് തന്നെ ആരംഭിച്ചിരുന്നു. 2016-ല് ബാങ്ക് പ്രവര്ത്തനം ആരംഭിക്കുമെന്നാണ് കരുതുന്നത്. ബ്രിക്സ് ബാങ്ക് ആസ്ഥാനത്തിനായി ശക്തമായി രംഗത്തുണ്ടായിരുന്ന ഇന്ത്യയെ മറികടന്നാണ് ചൈന ആസ്ഥാനം സ്വന്തമാക്കിയത്.
റഷ്യന് പ്രസിഡന്റ് വ്ളാഡിമിര് പുഡിന്, ചൈനീസ് പ്രസിഡന്റ് ഷി ചിന്പിംഗ്, ഇന്ത്യന് പ്രധാനമന്തി നരേന്ദ്ര മോദി, ദക്ഷിണാഫ്രിക്കന് പ്രസിഡന്റ് ജേക്കബ് സുമ എന്നിവര് ചേര്ന്ന് വികസന ബാങ്ക് സംബന്ധിച്ച് അന്തിമ പ്രഖ്യാപനം നടത്തും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
