ഇറാഖിലെ അക്രമങ്ങളും നശീകരണവും ദൈവത്തിനും മനുഷ്യത്വത്തിനും എതിരാണെന്നു ഫ്രാന്‍സിസ്‌ മാര്‍പാപ്പ. സെന്റ്‌ പീറ്റേഴ്‌സ്‌ ചത്വരത്തിലെ പ്രസംഗത്തിനിടെ ഇറാഖില്‍ പീഡനം അനുഭവിക്കുന്നവര്‍ക്കുവേണ്ടി പാപ്പ മൗനം ആചരിക്കുകയും പ്രാര്‍ത്ഥിക്കുകയും ചെയ്‌തു. `ക്രിസ്‌ത്യാനികള്‍ ഉള്‍പ്പെടെ ആയിരക്കണക്കിനു പേര്‍ ഇറാഖില്‍ പീഡിപ്പിക്കപ്പെടുന്നു. അനേകര്‍ക്കു വീടുവിട്ടു പലായനം ചെയ്യേണ്ടിവരുന്നു. കുഞ്ഞുങ്ങള്‍ വിശപ്പുകൊണ്ടു മരിക്കുന്നു. സ്‌ത്രീകളെ തട്ടിക്കൊണ്ടുപോകുന്നു. കൂട്ടക്കൊലകളും അക്രമങ്ങളും അഴിഞ്ഞാടുന്നു. ഇതെല്ലാം ദൈവത്തെയും മനുഷ്യത്വത്തെയും വേദനിപ്പിക്കുന്നു- മാര്‍പാപ്പ പറഞ്ഞു.
ഇറാഖില്‍ യസീദി മതന്യൂനപക്ഷത്തെ ഐഎസ്‌ഐഎസ്‌ വിമതര്‍ നടത്തിയ കൂട്ടക്കൊലയില്‍ 500 പേര്‍ കൊല്ലപ്പെട്ടു. കൂട്ടക്കൊലപേടിച്ച്‌ സ്‌ത്രീകളും കുട്ടികളുമടങ്ങുന്ന 20,000 പേര്‍ സിന്‍ജാര്‍ പര്‍വതനിരകളില്‍ അഭയം തേടിയിരിക്കുകയാണ്‌. യസീദികളുടെ പരമ്പരാഗത വാസസ്‌ഥലമായ സിന്‍ജാറില്‍ പലസ്‌ഥലങ്ങളും വിമതരുടെ കയ്യിലായതിനെ തുടര്‍ന്നാണ്‌ സ്‌ത്രീകളും കുട്ടികളുമടക്കമുള്ളവര്‍ സിന്‍ജാര്‍ പര്‍വതനിരകളില്‍ അഭയം തേടിയത്‌. യസീദികള്‍ പിശാചിനെ ആരാധിക്കുന്നവരാണെന്ന്‌ ആരോപിച്ചാണ്‌ വിമതര്‍ ഇവരെ കൂട്ടക്കൊലചെയ്യാന്‍ തുനിയുന്നത്‌. മലമുകളില്‍ അഭയം തേടിയവര്‍ക്ക്‌ യുഎസ്‌ വിമാനങ്ങള്‍ ഇതുവരെ 52,000 ഭക്ഷണപായ്‌ക്കറ്റുകളും 10,600 ഗ്യാലന്‍ കുടിവെള്ളവും എത്തിച്ചു കൊടുക്കുന്നുണ്ട്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha