മിമിക്രി കാണിക്കും കൊലയാളികൾ ! ; തിമിംഗലങ്ങൾക്ക് മനുഷ്യശബ്ദം അനുകരിക്കാൻ കഴിവുണ്ടെന്നതിന് തെളിവുമായി ഗവേഷകർ
ലോകത്തിലെ ഏറ്റവും വലിയ ജീവി വർഗം ആണ് നീല തിമിംഗലങ്ങൾ. എന്നാൽ ഏറ്റവും വലുത് എന്നതിലുപരി മികച്ച കലാ കാരൻ എന്ന പദവി കൂടി കരസ്ഥമാക്കിയിരിക്കുകയാണ് ഇവർ. സംഭവം എന്താണെന്നല്ലേ?...കടലിലെ കൊലയാളികളായ തിമിംഗലങ്ങൾ മികച്ച മിമിക്രി തരണങ്ങളാണെന്നതാണ് പുതിയ കണ്ടെത്തൽ.
ഡോള്‍ഫിനുകള്‍ അടക്കമുള്ള സഹജീവികളുടേയും മനുഷ്യന്റേയും ശബ്ദങ്ങള്‍ അനുകരിക്കാന്‍ ഈ തിമിംഗലങ്ങള്‍ക്കു കഴിയുമെന്നു കണ്ടെത്തിയത് സെന്റ് ആന്‍ഡ്രൂസ് സര്‍വകലാശാലയിലെ ഗവേഷകരാണ്.
മനുഷ്യന്റെ ശബ്ദം അനുകരിക്കുന്ന ജീവികള്‍ വളരെ കുറച്ചു മാത്രമേയുള്ളൂ. ഈ ഗണത്തില്‍ തിമിംഗലങ്ങളും ഉള്‍പ്പെടുമെന്നത് ഏറെക്കാലത്തെ നിരീക്ഷണങ്ങള്‍ക്കൊടുവിൽ പഠനത്തിനു നേതൃത്വം നല്‍കിയ പ്രൊഫ. ജോസപ് കോള്‍ പറഞ്ഞു.
ഇന്ത്യയിലെ കോഷിക് എന്ന ആനയ്ക്ക് മനുഷ്യശബ്ദം അനുകരിക്കാന്‍ കഴിയുമെന്ന് നേരത്തെ കണ്ടെത്തിയിരുന്നു. കുറച്ചു കാലം മുൻപ് കടലിന്റെ അടിത്തട്ടില്‍ നിന്നു റെക്കോഡു ചെയ്ത ചില ശബ്ദരേഖകളില്‍ നിന്നാണ് തിമിംഗലങ്ങളുടെ അനുകരണശേഷിയെക്കുറിച്ച്‌ സംശങ്ങളുണ്ടായത്.
ഫ്രാന്‍സിലെ അക്വേറിയത്തില്‍ ജീവിക്കുന്ന വിക്കി എന്നു വിളിപ്പേരുള്ള പെണ്‍തിമിംഗലത്തിന്റെ അനുകരണശേഷിയാണ് ഗവേഷകര്‍ തെളിവായി അവതരിപ്പിക്കുന്നത്. ഹലോ, വണ്‍ ടൂ ത്രീ, ബൈ ബൈ തുടങ്ങിയ വാക്കുകള്‍ വിക്കി നന്നായി അനുകരിക്കും.
വിക്കിയുടെ അക്വേറിയത്തില്‍ത്തന്നെയാണ് മോന എന്ന മൂന്നു വയസുകാരി കുഞ്ഞുമുള്ളത്. മോനയുടെ കരച്ചിലും മറ്റും വിക്കി നന്നായി അനുകരിച്ച്‌ ആവര്‍ത്തിക്കും. മറ്റു ജീവികളുടെ ചലനങ്ങള്‍ പകര്‍ത്താനുള്ള തിമിംഗലങ്ങള്‍ക്കുള്ള കഴിവ് നേരത്തേ ഗവേഷകര്‍ തിരിച്ചറിഞ്ഞിരുന്നു.
വീഡിയോ കാണുക...
https://www.facebook.com/Malayalivartha
