നാല് ദിവസത്തെ വിദേശ സന്ദര്‍ശനത്തിന്റെ ഭാഗമായി പ്രധാനമന്ത്രി നരേന്ദ്രമോദി പാലസ്തീനിലെത്തി. ഉച്ചയോടെ റാമള്ള വിമാനത്താവളത്തിലെത്തിയ മോദിക്ക് ഊഷ്മള സ്വീകരണമാണ് ലഭിച്ചത്. ചരിത്രപരമായ സന്ദർശനമാണിതെന്ന് മോദി ട്വിറ്ററിൽ കുറിച്ചു. ആദ്യമായാണ് ഇന്ത്യൻ പ്രധാനമന്ത്രി പലസ്തീൻ സന്ദർശിക്കുന്നത്.

പലസ്തീന്‍ ലിബറേഷന്‍ ഓര്‍ഗനൈസേഷന്‍ നേതാവായിരുന്ന യാസര്‍ അറാഫത്തിന്റെ സ്മൃതി കുടീരത്തിലെത്തി പുഷ്പ ചക്രം അര്‍പ്പിച്ച മോദി പ്രസിഡന്റ് മഹ്മൂദ് അബ്ബാസുമായി ഉഭയ കക്ഷി ചര്‍ച്ചയും നടത്തും. തുടർന്ന് ഏകദേശം അഞ്ചോളം കരാറിൽ ഇന്ത്യയും പലസ്തീനും ഒപ്പുവെക്കും.

പലസ്തീന്‍ സന്ദർശനത്തിന് ശേഷം വൈകിട്ട് ആറരക്ക് മോദി യു.എ.ഇ സന്ദര്‍ശനത്തിനായി പുറപ്പെടും. മോദിയെ കിരീടവകാശി വിമാനത്താവളത്തില്‍ സ്വീകരിക്കും. യു.എ.ഇക്കു ശേഷം ഒമാനും സന്ദര്‍ശിച്ച്‌ തിങ്കളാഴ്ച മോദി ഇന്ത്യയിലേക്ക് മടങ്ങും.