ഉത്തരകൊറിയ-ദക്ഷിണകൊറിയ പ്രതിസന്ധികളിൽ മഞ്ഞുരുകുന്നു. ദക്ഷിണകൊറിയൻ പ്രസിഡന്‍റ് മുണ്‍ജേ ഇന്നിനെ ഉത്തരകൊറിയയിലേക്ക് പ്രസിഡന്‍റ് കിം ജോംഗ് ഉൻ ക്ഷണിച്ചു. കിം ജോംഗ് ഉന്നിന്‍റെ സഹോദരി കിം യോ ജോംഗാണ് മുണ്‍ ജേ ഇന്നിനെ ക്ഷണിച്ചിരിക്കുന്നത്.

വിന്‍റർ ഒളിന്പിക്സിൽ പങ്കെടുക്കാൻ എത്തിയ ഉത്തരകൊറിയൻ പ്രതിനിധികൾക്ക് മുണ്‍ജേ ഒരുക്കിയ ഉച്ചവിരുന്നിലാണ് ക്ഷണം. കിം ജോംഗ് ഉന്നിന്‍റെ ക്ഷണം മുണ്‍ ജേ സ്വീകരിച്ചതായാണ് സൂചന. ഈ വർഷം അവസാനം മൂണ്‍ ജേ പ്യോഗ്യാംഗ് സന്ദർശിക്കുമെന്നാണ് വിവരം. വിന്‍റർ ഒളിന്പിക്സിൽ പങ്കെടുക്കുന്നതിനായി ഉ​​​ത്ത​​​ര​​​കൊ​​​റി​​​യ​​​ൻ രാ​​​ഷ്‌ട്രത്ത​​​ല​​​വ​​​ന്‍റെ പ​​​ദ​​​വി​​​യു​​​ള്ള കിം ​​​യോം​​​ഗ് നാമിന്‍റെ നേതൃത്വത്തിൽ 22 പേരാണ് ദക്ഷിണകൊറിയ സന്ദർശിക്കുന്നത്.