ഫ്രഞ്ച് പ്രസിഡന്റ് ഇമ്മാനുവല് മാക്രോണിന്റെ തൊഴില് നയ പരിഷ്കരണങ്ങള്ക്കെതിരെ മെയ് ദിനത്തില് പാരീസില് നടന്ന പ്രതിഷേധറാലിയില് വന് സംഘര്ഷം
ഫ്രഞ്ച് പ്രസിഡന്റ് ഇമ്മാനുവല് മാക്രോണിന്റെ തൊഴില് നയ പരിഷ്കരണങ്ങള്ക്കെതിരെ മെയ് ദിനത്തില് പാരീസില് നടന്ന പ്രതിഷേധറാലിയില് വന് സംഘര്ഷം. പ്രതിഷേധക്കാര് പൊലീസുമായി ഏറ്റുമുട്ടുകയായിരുന്നു. കടകള്ക്കും വാഹനങ്ങള്ക്കും നേരെ പ്രതിഷേധക്കാര് വ്യാപകമായി ആക്രമണം അഴിച്ചുവിട്ടു. പ്രതിഷേധക്കാരെ പിരിച്ചു വിടാന് പൊലീസ് ടിയര് ഗ്യാസും ജലപീരങ്കിയും പ്രയോഗിച്ചു.
സംഘര്ഷത്തെ തുടര്ന്ന് 200 പേരെ പൊലീസ് അറസ്റ്റ് ചെയ്തു. പൊലീസുകാര് ഉള്പ്പെടെ 4 പേര്ക്ക് ഗുരുതര പരിക്കേറ്റു. സമാധാനപരമായി നടന്ന റാലിയില് തീവ്ര ഇടതുപക്ഷ സംഘടനയായ ബ്ലാക്ക് ബ്ലോക്സ് നുഴഞ്ഞു കയറി അക്രമം നടത്തുകയായിരുന്നെന്നാണ് സര്ക്കാര് വിശദീകരണം.
അതേസമയം സമാധാനപരമായി നടന്ന റാലിക്ക് നേരെ പൊലീസ് അതിക്രമം കാണിച്ചെന്നാണ് പ്രതിഷേധക്കാര് ആരോപിക്കുന്നത്. 1200 പേര് മുഖം മൂടി ധരിച്ചുകൊണ്ടാണ് പ്രകടനം നടത്തതിയതെന്നും ആത്മാര്ഥമായാണ് റാലിയെങ്കില് എന്തിനു മുഖം മൂടി ധരിച്ചുവെന്നും സര്ക്കാര് വക്താവ് ചോദിച്ചു. ഫ്രാന്സിന്റെ നിരവധി ഭാഗങ്ങളില് പ്രതിഷേധം ശക്തമായിരുന്നു.
https://www.facebook.com/Malayalivartha
