ഡെമോക്രാറ്റിക് റിപ്പബ്ലിക് ഓഫ് കോംഗോയില്‍ എബോള രോഗം വീണ്ടും സ്ഥിരീകരിച്ചു. പടിഞ്ഞാറന്‍ പ്രദേശമായ ബിക്കോറോയില്‍ രണ്ടു പേര്‍ മരിച്ചത് എബോള മൂലമാണെന്ന് ആരോഗ്യമന്ത്രാലയം അറിയിച്ചു. 

എബോളബാധ തടയാന്‍ വിദഗ്ധസംഘത്തെ മേഖലയിലേക്ക് നിയോഗിച്ചു. 2014-15 കാലത്ത് പടിഞ്ഞാറന്‍ ആഫ്രിക്കയില്‍ എബോള പടര്‍ന്നുപിടിച്ചപ്പോള്‍ ഏകദേശം 11,000 പേരാണ് മരിച്ചത്. ഗ്വിനിയ, സിയേറ ലിയോണ്‍, ലൈബീരിയ എന്നിവിടങ്ങളിലായിരുന്നു എബോള പടര്‍ന്നത്.