നൈജീരിയയില്‍ 260ലധികം ബൊക്കോ ഹറാം തീവ്രവാദികള്‍ കീഴടങ്ങിയതായി നൈജീരിയന്‍ മിലിറ്ററി. ബൊക്കോ ബറാം നേതാവായ അബുബക്കര്‍ ശേഖൗവിനെ സൈന്യം കൊലപ്പെടുത്തിയതായും സൈനീക വക്താവ്‌ അറിയിച്ചു. മെയ്‌ഡുഗിരിയുടെ വടക്ക്‌ കിഴക്കന്‍ പ്രദേശത്ത്‌ വച്ച്‌ നൈജീരിയന്‍ സേനയുടെ ആക്രമണത്തെ തുടര്‍ന്ന്‌ ബൊക്കോ ഹറാമിന്‌ കനത്ത നാശനഷ്ടം സംഭവിച്ചിരുന്നു. ചൊവ്വാഴ്‌ച 135 ബൊക്കോ ഹറാം അംഗങ്ങള്‍ ബോര്‍ണോ സംസ്ഥാനത്തെ ബിയുവില്‍ ആയുധം വച്ച്‌ കീഴടങ്ങിയതായാണ്‌ സൈന്യം വ്യക്തമാക്കിയത്‌. 133 പേര്‍ വടക്ക്‌ കിഴക്കന്‍ നൈജീരിയയുടെ മറ്റ്‌ പല പ്രദേശങ്ങളിലുമായും കീഴടങ്ങിയിട്ടുണ്ട്‌.

പാശ്ചാത്യ വിദ്യാഭ്യാസം തടയപ്പെട്ടിരിക്കുന്നുയെന്നാണ്‌ ബൊക്കോ ഹറാം എന്ന അറബി വാക്കിന്റെ അര്‍ത്ഥം. ഇവര്‍ പാശ്ചാത്യ വിദ്യാഭ്യാസം നല്‍കുന്ന പല സ്‌കൂളുകളിലും കോളേജുകളിലുമാണ്‌ ആക്രമണം നടത്തുന്നത്‌. കഴിഞ്ഞ ഏപ്രലിലാണ്‌ ബോര്‍ണോ സംസ്‌ഥാനത്തെ ചിക്കോബില്‍ നിന്നും ബൊക്കോ ഹറാം തീവ്രവാദികള്‍ 200 സ്‌കൂള്‍ വിദ്യാര്‍ത്ഥിനികളെ തട്ടികൊണ്ടുപോയത്‌.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha