ഓരോ പ്രവാസിയുടേയും രക്തം തിളപ്പിച്ച് മോഡി കത്തിക്കയറി… ഗാന്ധിജി സ്വാതന്ത്യ സമരത്തില് പങ്കാളിയാക്കിയതു പോലെ വികസനത്തില് ജനങ്ങളെയാകെ പങ്കാളിയാക്കും
29 SEPTEMBER 2014 09:25 AM IST
മലയാളി വാര്ത്ത.
നവരാത്രി ദിന ആശംസകള് നേര്ന്നുകൊണ്ടാണ് മോഡി പ്രസംഗം ആരംഭിച്ചത്. ഇന്ത്യക്കാരെപ്പോലെ പ്രവാസികളും ഏറെ പ്രതീക്ഷ വയ്ക്കുന്നു എന്നറിയാം. ഈ സര്ക്കാര് നൂറ് ശതമാനവും അത് നിറവേറ്റും. നിര്ഭാഗ്യവശാല് വികസനത്തിന്റെ ഉത്തരവാദിത്വം ഇതുവരെ സര്ക്കാരിനായിരുന്നു. ഇനിയത് ജനങ്ങള്ക്ക് കൂടിയുള്ളതാണ്. നിങ്ങള് നിരാശപ്പെടുന്നത് യാതൊന്നും ചെയ്യില്ല. ഇരുപത്തിയൊന്നാം നൂറ്റാണ്ടിന്റെ നേതൃത്വം ഏറ്റെടുക്കാന് ഭാരതത്തിന് കഴിയുമെന്ന് നീണ്ട കരഘോഷത്തിനിടയില് മോഡി പറഞ്ഞു. അമേരിക്കയിലെ ഇന്ത്യന് വംശജര്ക്ക് ആജീവനാന്ത വീസ നല്കും. ലോക്സഭ തെരഞ്ഞെടുപ്പില് വോട്ടു ചെയ്യാന് സാധിച്ചില്ലെങ്കിലും, ഫലമറിയാന് ഉറങ്ങാതെ കാത്തിരുന്നവരാണ് അമേരിക്കയിലെ ഇന്ത്യക്കാരെന്നും മോഡി പറഞ്ഞു. പ്രവാസികള്ക്ക് വോട്ടവകാശം ഉറപ്പു വരുത്തുമെന്നും അദ്ദേഹം കൂട്ടിച്ചേര്ത്തു. മറ്റു ലോകരാജ്യങ്ങള്ക്കില്ലാത്ത മൂന്നു സവിശേഷതകള് ഇന്ത്യക്കുണ്ട്- ജനാധിപത്യം, 35 വയസില് താഴെയുള്ളവര്ക്കുള്ള മുന്തൂക്കം, വലിയ കമ്പോളം. ഈ മൂന്നു ശക്തികളും ഒരുമിച്ചു ചേര്ത്താല് രാജ്യത്തിനു ലോകത്തില് സ്വന്തമായ ഇടം പിടിച്ചെടുക്കാനാകും. ഇന്ത്യയിലെ യുവാക്കളുടെ കഴിവുകള് വര്ധിപ്പിച്ചു ലോകത്തിനാകെത്തന്നെ തൊഴില്ശക്തി പ്രദാനം ചെയ്യാന് ഭാരതത്തിനാകുമെന്നും അതു സാധ്യമാക്കുമെന്നും മോഡി പറഞ്ഞു. ന്യൂയോര്ക്ക്, സൗത്ത് കരോലിന, മെരിലാന്ഡ് എന്നീ സംസ്ഥാനങ്ങളിലെ ഗവര്ണര്മാരും നിരവധി കോണ്ഗ്രസ് അംഗങ്ങളും പരിപാടിയില് പങ്കെടുത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
