ഐ.എസ് ഭീകരരെ ജയിക്കാന്‍ 30 വര്‍ഷമെങ്കിലും വേണ്ടിവരുമെന്ന് മുന്‍ യു.എസ്. സൈനികമേധാവി ലിയോണ്‍ പനേറ്റ വിമര്‍ശിച്ചു. യു.എസ്.എ ടുഡേയില്‍ പ്രസിദ്ധീകരിച്ച ലേഖനത്തിലാണ് മുന്‍സൈനികത്തലവന്‍ ഒബാമയെ നിശിതമായി വിമര്‍ശിച്ചത്. കഴിഞ്ഞ മൂന്നുവര്‍ഷങ്ങളില്‍ അമേരിക്ക പ്രസിഡന്റ് ഒബാമയെടുത്ത തീരുമാനങ്ങളിലെ പോരായ്മയാണ് ഇറാഖിലേയും സിറിയയിലേയും ഇസ്ലാമിക് സ്‌റ്റേറ്റ് ഭികരരെ അമര്‍ച്ച ചെയ്യുന്നത് നീട്ടിക്കൊണ്ടുപോയതെന്ന് ലിയോണ്‍ പനേറ്റ കുറ്റപ്പെടുത്തി.

2011ല്‍ ഇറാഖില്‍നിന്ന് യു.എസ് സേനയെ പിന്‍വലിക്കാനുള്ള ഒബാമയുടെ തീരുമാനം തെറ്റായിരുന്നെന്ന് അദ്ദേഹം അഭിപ്രായപ്പെട്ടു. ഇറാഖിലും സിറിയയിലും തീവ്രവാദ പ്രവര്‍ത്തനത്തിനെതിരെ ശക്തമായ തീരുമാനങ്ങളെടുത്ത് നഷ്ടപ്പെട്ട വിശ്വാസ്യത നേടിയെടുക്കാനുള്ള അവസരമാണ് ഒബാമയ്ക്കിപ്പോള്‍ ലഭിച്ചിട്ടുള്ളതെന്നും പനേറ്റ പറഞ്ഞു. തന്റെ പുതിയ പുസ്തകം \'വര്‍ത്തി ഫൈറ്റസ്; എ മെമ്മൊയര്‍ ഓഫ് ലീഡര്‍ഷിപ്പ് ഇന്‍ വാര്‍ ആന്‍ഡ് പീസ്\' പ്രകാശനവുമായി ബന്ധപ്പെട്ടാണ് അദ്ദേഹത്തിന്റെ അഭിപ്രായപ്രകടനം.

എന്നാല്‍ സിറിയയില്‍ ഐസിസിനെ നേരിടാന്‍ വനിതകളും യുദ്ധരംഗത്തേക്ക് ഇറങ്ങിയിരിക്കുകയാണ്. തുര്‍ക്കിയുമായി അതിര്‍ത്തി പങ്കിടുന്ന കൊബാനിയിലാണ് ഗ്രനേഡുകളും തോക്കുകളുമായി വീട്ടമ്മമാരും നിരത്തിലിറങ്ങിയത്. ഇവിടെ ഐഎസ് ഭീകരരും കുര്‍ദ് സൈന്യവും തമ്മിലുള്ള പോരാട്ടം തുടരുകയാണ്.

പ്രധാനനഗരമായ കൊബേനില്‍ പ്രവേശിച്ച ഭീകരര്‍, കുര്‍ദ് സൈന്യവുമായി നേരിട്ടുളള പോരാട്ടമാണ് ഇപ്പോള്‍ നടത്തുന്നത്. കിഴക്കന്‍ മേഖലയിലെ ജില്ലകളില്‍ നിയന്ത്രണം ഏറ്റെടുത്ത ഭീകരര്‍ വന്‍ കെട്ടിടങ്ങള്‍ക്ക് മുകളിലും ഉയര്‍ന്നപ്രദേശങ്ങളിലും തങ്ങളുടെ പതാകകള്‍ ഉയര്‍ത്തി. ഇവിടെ നിന്ന് ആയിരക്കണക്കിനു പേരാണ് തുര്‍ക്കി അതിര്‍ത്തിയിലേക്ക് പലായനം ചെയ്യുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha