കേരളം ചുട്ടുപൊള്ളുന്നു... വരുംദിനങ്ങളിലും കേരളത്തിലെ താപനില ശരാശരി 40 ഡിഗ്രിയില് തുടരുമെന്നാണ് കാലാവസ്ഥാ പ്രവചനങ്ങള്. മുന്വര്ഷങ്ങളെക്കാള് റിക്കാര്ഡ് നിലയിലേക്കാണ് സംസ്ഥാനത്ത് ഓരോ ദിവസവും താപനില ഉയര്ന്നുകൊണ്ടിരിക്കുന്നത്...
കഠിനമായ പകര്ച്ചവ്യാധികള്ക്കു പുറമേ സൂര്യതാപത്തിനുള്ള സാധ്യതയും ഏറെക്കൂടുതലാണ്. കൃഷി, വെള്ളം എന്നിവയെ നിലവിലെ പകല്ച്ചൂട് സാരമായി ബാധിച്ചുകഴിഞ്ഞു. ഭക്ഷ്യ വിളകള് ഉണങ്ങിക്കരിയുന്നതിനൊപ്പം നാണ്യവിളകളില് ഫലം കുറയാനും ഇത് കാരണമാകുന്നു.
അടുത്ത ഒരു മാസംകൂടി വേനല്ച്ചൂട് തുടരുമെന്നിരിക്കെ സംസ്ഥാനത്തെ താപനില 45 ഡിഗ്രി വരെ ഉയരാവുന്ന സാഹചര്യമാണ് നിലവിലുള്ളത്. കേരളത്തില് മുന്പ് രേഖപ്പെടുത്തിയ 42 ഡിഗ്രിയെന്ന് റിക്കാര്ഡ് വരുംദിവസങ്ങളില് മറി കടക്കുമെന്ന് വ്യക്തമാണ്. രാജ്യത്തു തന്നെ ഏറ്റവും ഉയര്ന്ന ചൂടിലേക്കാണ് കേരളത്തിന്റെ പിടിവിട്ട പോക്ക്. കനത്ത മഴയും കനത്ത പ്രളയവും എന്നതുപോലെ അതികഠിനമായ ചൂടിന്റെ പിടിയിലാണ് സംസ്ഥാനത്തെ 14 ജില്ലകളും. സംസ്ഥാമത്തെ 10 ജില്ലകളിലും പകല് താപനില 38 ഡിഗ്രി സെല്ഷ്യസില് എത്തിക്കഴിഞ്ഞാതായാണ് കണക്കുകള് സൂചിപ്പിക്കുന്നത. കഴിഞ്ഞ മൂന്നുവര്ഷത്തേക്കാളും ഇത്തവണ ഫെബ്രുവരിയില് കൂടുതല് ചൂടാണ അനുഭവപ്പെട്ടുകൊണ്ടിരിക്കുന്നത്.
പാലക്കാട ജില്ലയിലെ എരിമയൂരില് കഴിഞ്ഞ ദിവസം 41 ഡിഗ്രി സെല്ഷ്യസ ചൂടാണ രേഖപ്പെടുത്തിയത. ഈ വര്ഷം അനുഭവപ്പെട്ടതില് ഏറ്റവും ഉയര്ന്ന താപനിലയാണിത. രാത്രിയും പകലും കാലാവസ്ഥയിലുണ്ടാകുന്ന മാറ്റം വടക്കു ഭാഗത്തു നിന്നുള്ള ആന്റി സൈക്ലോണിക് സര്ക്കുലേഷന്റെ ഫലമായാണെന്ന് വിദഗധര് വിലയിരുത്തുന്നു. കൊല്ലം ജില്ലയിലെ പുനലൂരിലും താപനില 41 ഡിഗ്രിയിലേക്ക് ഉയര്ന്നുകഴിഞ്ഞതോടെ തെക്കന്കേരളം രാവും പകലും ചുട്ടുപൊള്ളുന്ന സ്ഥിതിയിലാണ്. കേരളത്തില് ഏറ്റവും ഉയര്ന്ന താപനില രേഖപ്പെടുന്ന സ്ഥലങ്ങള് പാലക്കാടും പുനലൂരുമാണ്.
കേരളത്തില് മാത്രമല്ല രാജസ്ഥാന്, ഗുജറാത്ത് ഉള്പ്പെടെയുള്ള ഈ സംസ്ഥാനങ്ങളില് താപനില അതിവേഗം ഉയരുകയാണ്. ഗുജറാത്ത്, മഹാരാഷ്ട്ര, തെലങ്കാന, ഒഡീഷ, മധ്യപ്രദേശ്, ഛത്തീസ്ഗഡ് എന്നിവിടങ്ങളില് പരമാവധി താപനില 38 ഡിഗ്രി സെല്ഷ്യസ് വരെ രേഖപ്പെടുത്തിയിരിക്കുന്നു. എപ്രില്, മേയ് മാസങ്ങളില് ഡല്ഹി ഉള്പ്പെടെ വടക്കന് സംസ്ഥാനങ്ങളിലെ പകല്ച്ചൂട് 50 ഡിഗ്രിക്കു മുകളിലായിരിക്കുമെന്നാണ് നിലവില് കാലാവസ്ഥാ വിദഗ്ധരുടെ നിരീക്ഷണം. കാലാവസ്ഥാ വ്യതിയാനം ഏറ്റവുമധികം ബാധിച്ചിരിക്കുന്ന രാജ്യങ്ങളൊന്നായി ഇന്ത്യ മാറുകയാണ്. കേരളം പോലൊരു ചെറിയ സംസ്ഥാനത്തുവരെ കാലാവസ്ഥയിലുണ്ടായിരിക്കുന്ന മാറ്റം വലിയ പ്രത്യാഘാതങ്ങള്ക്ക് കാരാണമാകും.
മേഘാലയ, അസം, ആന്ധ്രാപ്രദേശ് , ഹിമാചല് പ്രദേശ്, ഉത്തരാഖണ്ഡ്, പശ്ചിമ ബംഗാള്, സിക്കിം, ജമ്മു കശ്മീര് എന്നിവിടങ്ങളില് നേരിയ മഴയ്ക്ക് സാധ്യതയുണ്ട് എന്നാണ് സൂചന. എന്നാല് ഈ മഴയ്ക്കു പിന്നാലെ ഇതേ സംസ്ഥാനങ്ങളില് ചൂട് കുത്തനെ കൂടാനുള്ള സാഹചര്യമാണ് നിലവിലുള്ളത്.ഡല്ഹി, യുപി, ഹരിയാന-പഞ്ചാബ്, ജാര്ഖണ്ഡ്, ബിഹാര്, രാജസ്ഥാന് തുടങ്ങി പല സംസ്ഥാനങ്ങളിലും താപനില തുടര്ച്ചയായി വര്ദ്ധിച്ചുകൊണ്ടിരിക്കുന്നതിനാല് അവിടെ ഇക്കൊല്ലത്തെ തണുപ്പ് അവസാനിച്ചതായാണ് വിലയിരുത്തല്.
സാധാരണയായി ഫെബ്രുവരി മാസത്തില് ഇത്രയധികം ചൂട് ഉണ്ടാകാറില്ല. ഹോളിക്ക് ശേഷമാണ് ചൂടിന്റെ പ്രഭാവം ദൃശ്യമാവുക. എന്നാല് ഇപ്പോള് മുതല് ചൂട് അതിന്റെ നിറം കാണിച്ചു തുടങ്ങിയിരിയ്ക്കുകയാണ്.
ഇന്ത്യയുടെ പടിഞ്ഞാറന് വടക്കുപടിഞ്ഞാറന് ഭാഗങ്ങളില് താപനിലയില് അസാധാരണമായ വര്ധനയാണ് രേഖപ്പെടുത്തിയത്. തിങ്കളാഴ്ച ഡല്ഹിയില് ഏറ്റവും കൂടിയ താപനിലയാണ് രേഖപ്പെടുത്തിയത് . 17 വര്ഷത്തിനിടെ രാജ്യതലസ്ഥാനത്ത് ഏറ്റവും ചൂടേറിയ ദിനം കൂടിയായിരുന്നു. 33.6 ഡിഗ്രി സെല്ഷ്യസ് താപനിലയാണ് ഡല്ഹിയില് രേഖപ്പെടുത്തിയത്.
ഗുജറാത്തിലെ അഹമ്മദാബാദില് 30 വര്ഷത്തിനിടെ ആദ്യമായി 38 ഡിഗ്രി സെല്ഷ്യസ് താപനില രേഖപ്പെടുത്തി. പഞ്ചാബ്, ഹരിയാന, ചണ്ഡീഗഡ്, ഡല്ഹി എന്നിവിടങ്ങളിലെ ഏറ്റവും കൂടിയ താപനില 28 മുതല് 33 ഡിഗ്രി സെല്ഷ്യസ് വരെ എത്തിയിട്ടുണ്ട്. ഇത് സാധാരണ താപനിലയേക്കാള് 5 മുതല് 9 ഡിഗ്രി കൂടുതലാണ് എന്ന് കാലാവസ്ഥാ നിരീഷണ വകുപ്പ് പറയുന്നു.ഹോളിക്ക് മുമ്പായി വരും ദിവസങ്ങളില് രാജ്യ തലസ്ഥാനത്ത് താപനില 33 ഡിഗ്രി സെല്ഷ്യസ് വരെ ഉയരാന് സാധ്യതയുണ്ടെന്നും കാലാവസ്ഥാ വകുപ്പ് പറയുന്നു.
https://www.facebook.com/Malayalivartha