രണ്ടാനമ്മയുടെ പീഡനം സഹിക്കാന്‍ വയ്യാതെയാണ് 17 കാരിയായ പെണ്‍കുട്ടി ബീഹാറില്‍ നിന്നും നാട് വിട്ടത്. എത്തപ്പെട്ടതോ മുംബൈയിലും. പരസഹായമില്ലാതെ മുംബൈ തെരുവിലൂടെ അലയുകയായിരുന്നു പെണ്‍കുട്ടി. പെണ്‍കുട്ടിയെ കണ്ട പോലീസുകാരന്‍ കാര്യം അന്വേഷിച്ചു. തന്റെ സത്യാവസ്ഥ പെണ്‍കുട്ടി ദയനീയമായി വിവരിച്ചു. പെണ്‍കുട്ടിയോട് സഹതാപം കാണിച്ച പോലീസുകാരന്‍ സഹായിക്കാമെന്നേറ്റു. യൂണിഫോമിലല്ലാത്ത അയാള്‍ പോലീസുകാരനാണെന്ന് പെണ്‍കുട്ടി അറിഞ്ഞിരുന്നില്ല.
തുടര്‍ന്ന് പെണ്‍കുട്ടിയെ ചുവന്ന തെരുവില്‍ വിറ്റു. വര്‍ഷങ്ങളോളം പീഡനം സഹിച്ചു. ഒടുവില്‍ അവിടെ നിന്ന് രക്ഷപ്പെടുകയും വിവാഹം കഴിച്ച് ജീവിച്ചു. ഒരു കുട്ടിയുമുണ്ടായി. എന്നാല്‍ ഭാര്യയുടെ പഴയകാല കഥകള്‍ അറിഞ്ഞ ഭര്‍ത്താവ് അവരെ ഉപേക്ഷിച്ച് പോയി. അതോടെ അവര്‍ക്ക് മകനെ വളര്‍ത്താനായി പഴയ ജോലിയിലേക്ക് തന്നെ തിരികെ പോരേണ്ടി വന്നു.
ഇതിനിടെ പോലീസ് റെയ്ഡില്‍ ഇവര്‍ പിടിക്കപ്പെട്ടു. അപ്പോഴാണ് റെയ്ഡില്‍ പങ്കെടുത്ത പോലീസുകാരില്‍ പണ്ട് തന്നെ ഈ തൊഴിലിലേക്ക് തള്ളിവിട്ട ആളുമുണ്ടെന്ന് മനസിലായത്. പഴയ പരിചയം പുതുക്കി പോലീസുകാരന്‍ വീണ്ടും അവരെ സമീപിച്ചു. ഇത്തവണ പോലീസുകാരന്‍ അവരെ മൃഗീയമായി പീഡിപ്പിച്ചു. ഇതോടെ യുവതി പ്രതികാരം ചെയ്യാന്‍ തീരുമാനിച്ചു. ചേരിയിലേക്ക് പോലീസുകാരനെ വിളിച്ചു വരുത്തി കഴുത്ത് ഞെരിച്ച് കൊല്ലുകയായിരുന്നു.
പോലീസ് പിടിയിലായ യുവതി റിമാന്‍ഡിലാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha