പുതുക്കിയ ഓട്ടോറിക്ഷാ യാത്രാനിരക്കിന്റെ പട്ടിക മോട്ടോര്‍ വാഹന വകുപ്പ് പുറത്തിറക്കി. പുതിയ നിരക്ക് അനുസരിച്ച് മീറ്ററുകളില്‍ മാറ്റം വരുത്താന്‍ നടപടി തുടങ്ങിയിണ്ട്. അതിനാല്‍ പഴയ മീറ്ററിലെ നിരക്ക് നോക്കി പുതിയ നിരക്ക് കണ്ടെത്തുകയാണു പലരും.
കുറഞ്ഞ നിരക്ക് 20 രൂപയാണ്. എന്നാല്‍, മുന്‍പ് കുറഞ്ഞ നിരക്കായ 15 രൂപ നല്‍കി ഒന്നേകാല്‍ കിലോമീറ്റര്‍ സഞ്ചരിച്ചിരുന്നെങ്കില്‍ ഇനി 20 രൂപയ്ക്ക് ഒന്നര കിലോമീറ്റര്‍ യാത്ര ചെയ്യാം. ഒന്നര കിലോമീറ്റര്‍ കഴിഞ്ഞുള്ള ഓരോ 100 മീറ്ററിനും ഒരു രൂപ വീതം നല്‍കണം. നേരത്തേ 50 പൈസ വീതം കൂട്ടിയിരുന്ന മീറ്റര്‍ ഇനി ഒരു രൂപ വീതമാണു കൂട്ടുക.
* രാത്രി 10നും പുലര്‍ച്ചെ അഞ്ചിനും മധ്യേ മീറ്റര്‍ ചാര്‍ജിന്റെ 50% കൂടി അധികം നല്‍കണം.
* രാവിലെ അഞ്ചിനും രാത്രി പത്തിനും മധ്യേ ഒരു വശത്തേക്കു മാത്രമുള്ള യാത്രയ്ക്ക് മീറ്റര്‍ ചാര്‍ജിനു പുറമെ, മീറ്റര്‍ ചാര്‍ജില്‍ നിന്ന് 20 രൂപ കുറച്ചുള്ള തുകയുടെ 50% അധികം നല്‍കണം.
* തിരുവനന്തപുരം, കൊല്ലം, കൊച്ചി, തൃശൂര്, കോഴിക്കോട് കോര്‍പറേഷനുകളിലും കണ്ണൂര്‍, പാലക്കാട്, കോട്ടയം നഗരങ്ങളിലും പകല്‍ സമയത്ത് മീറ്റര്‍ ചാര്‍ജ് മാത്രം നല്കിയാല്‍ മതി.
* എല്ലായിടത്തും ഇരുവശത്തേക്കുമുള്ള യാത്രയ്ക്ക് മീറ്റര്‍ ചാര്‍ജ് മാത്രം നല്‍കിയാല്‍ മതി.
* വെയ്റ്റിങ് ചാര്‍ജ് ഓരോ 15 മിനിറ്റിനും 10 രൂപ നിരക്കില്‍(ഒരു ദിവസം പരമാവധി 250 രൂപ വരെ) നല്‍കണം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha