ഭരണഘടനയില് വിശ്വസിക്കാത്ത, പുരുഷന്മാരുടെ വിശ്വാസത്തെയും വികാരത്തെയും മാത്രം മാനിക്കുന്ന സ്ത്രീവിരുദ്ധ പാര്ട്ടിയായി രാജ്യം കണ്ട ഏറ്റവും വലിയ രാഷ്ട്രീയപ്രസ്ഥാനമായ കോണ്ഗ്രസ് അധപ്പതിക്കുന്നെന്ന് മുഖ്യധാര മാധ്യമങ്ങളുടെ രൂക്ഷവിമര്ശനം, ശബരിമല സമരത്തില് നിന്ന് കോണ്ഗ്രസ് പിന്നോട്ട്...
ഭരണഘടനയില് വിശ്വസിക്കാത്ത, പുരുഷന്മാരുടെ വിശ്വാസത്തെയും വികാരത്തെയും മാത്രം മാനിക്കുന്ന സ്ത്രീവിരുദ്ധ പാര്ട്ടിയായി രാജ്യം കണ്ട ഏറ്റവും വലിയ രാഷ്ട്രീയപ്രസ്ഥാനമായ കോണ്ഗ്രസ് അധപ്പതിക്കുന്നെന്ന് മുഖ്യധാരാ മാധ്യമങ്ങള് നിലപാട് സ്വീകരിച്ചതോടെ ശബരിമല യുവതി പ്രവേശനത്തിനെതിരായ നിലപാടില് നിന്ന് സംസ്ഥാന നേതൃത്വം പിന്നോട്ട്. മാധ്യമങ്ങളുടെ അജണ്ട പ്രഖ്യാപിക്കുന്ന കവര് സ്റ്റോറിയും പറയാതെ വയ്യായും കോണ്ഗ്രസിനെ അതിരൂക്ഷമായി വിമര്ശിക്കുകയും സുപ്രീംകോടതി വിധി നടപ്പാക്കാനൊരുങ്ങുന്ന പിണറായി വിജയന് സര്ക്കാരിന് ഉറപ്പ പിന്തുണ നല്കുകയും ചെയ്തു. സുപ്രീംകോടതി വിധി സ്വാഗതം ചെയ്ത ഹൈക്കമാന്ഡ് കെ.പി.സി.സിയുടെ നിലപാടിനോട് പൂര്ണമായും പച്ചക്കൊടി കാട്ടിയിട്ടില്ല.
പാര്ലമെന്റില് 33 ശതമാനം സ്ത്രീ സംവരണം വേണമെന്നും തുല്യനീതി വേണമെന്നും വാദിക്കുന്ന കോണ്ഗ്രസ് സ്ത്രീ വിരുദ്ധതയ്ക്ക് കൂട്ടുനില്ക്കുന്നെന്ന പ്രതീതി ദേശീയതലത്തില് ഉണ്ടാക്കുമോ എന്ന് ഹൈക്കമാന്ഡ് ഭയക്കുന്നു. സുപ്രീംകോടതി വിധി സ്വാഗതം ചെയ്ത കൊല്ലം ഡി.സി.സി പ്രസിഡന്റ് അഡ്വ. ബിന്ദു കൃഷ്ണ നിലപാട് മാറ്റണമെന്ന് ജില്ലയിലെ ഒരുകൂട്ടം മുതിര്ന്ന നേതാക്കള് ആവശ്യപ്പെട്ടതും അവരെ സമ്മര്ദ്ദത്തിലാക്കിയതും പൊതുസമൂഹത്തില് വ്യാപക പ്രതിഷേധത്തിന് ഇടയാക്കിയിട്ടുണ്ട്. ഇന്ദിരാഗാന്ധിയേയും സോണിയാ ഗാന്ധിയേയും പോലെ ശക്തരായ വനിതാ നേതാക്കള് നയിച്ച കോണ്ഗ്രസ് പ്രസ്ഥാനം സ്ത്രീവിരുദ്ധനിലപാടുമായി മുന്നോട്ട് പോകുന്നതിനെതിരെ പാര്ട്ടിയില് തന്നെ പ്രതിഷേധമുണ്ട്.
ആര്ത്തവം അശുദ്ധിയാണെന്ന് സംസ്ഥാന കോണ്ഗ്രസ് വര്ക്കിംഗ് പ്രസിഡന്റ് കെ.സുധാകരന് നടത്തിയ വാര്ത്താസമ്മേളനം സ്ത്രീവിരുദ്ധമാണെന്ന് പരക്കെ ആക്ഷേപമുണ്ട്. പ്രദേശികമായ വികാരങ്ങള്ക്ക് വഴങ്ങി കോണ്ഗ്രസിന്റെ വിശാലമായ കാഴ്ചപ്പാടിന് വിരുദ്ധനിലപാട് സ്വീകരിച്ചാല് ഭാവിയില് അതിന് വലിയവില നല്കേണ്ടിവരുമെന്ന് ചില നേതാക്കളെങ്കിലും പറയുന്നുണ്ട്. വിധി വന്ന ദിവസം പ്രതിപക്ഷനേതാവ് രമേശ് ചെന്നിത്തലയും മുന്മുഖ്യമന്ത്രി ഉമ്മന്ചാണ്ടിയും സ്വാഗതം ചെയ്തു. എന്നാല് സര്ക്കാരിനെതിരെ ജനങ്ങള് തിരിഞ്ഞതോടെ ഇരുവരും നിലപാട് മാറ്റി. പത്തനംതിട്ട ഡി.സി.സിയുടെ നേതൃത്വത്തില് ഉപവാസ സമരം നടത്തുകയും ചെയ്തു.
മതാന്ധതയിലൂടെയും സ്ത്രീവിരുദ്ധനിലപാടുകളിലൂടെയും രാജ്യത്തെ പിന്നോട്ട് നയിക്കുന്ന ബി.ജെ.പി സര്ക്കാരിനെ പുറത്താക്കാന് നടക്കുന്ന കോണ്ഗ്രസ് ശബരിമല വിധിയെ എതിര്ക്കുന്നതിലൂടെ ഭരണഘടനയ്ക്കെതിരെ യുദ്ധംപ്രഖ്യാപിച്ചിരിക്കുകയാണ് എന്ന് വേണം മനസിലാക്കാന് എന്നാണ് പറയാതെ വയ്യായില് ഉയര്ന്ന പ്രധാന ആക്ഷേപം. നാല് വോട്ടിന് വേണ്ടി ചെന്നിത്തല ജനങ്ങളെ വഞ്ചിക്കുകയാണെന്നും ഇതിന് മുമ്പും ഇത്തരം വിധികള് ഉണ്ടായിട്ടുണ്ടെന്നും കവര് സ്റ്റോറിയില് സിന്ധുസൂര്യകുമാര് പറഞ്ഞു.
വിമര്ശനം ശക്തമായതോടെ കോണ്ഗ്രസ് ശബരിമല വിഷയത്തില് നിന്ന് പതിയെ തലയൂരാനുള്ള നീക്കം തുടങ്ങി. അതിന്റെ ഭാഗമായാണ് ഇന്ന് റാഫേല് ഇടപാടില് അഴിമതി ആരോപിച്ച് കോണ്ഗ്രസ് രാജ്ഭവന് മാര്ച്ച് നടത്തിയത്. റിവ്യൂ ഹര്ജി നല്കുമെന്ന് പറഞ്ഞ കോണ്ഗ്രസ് നേതാവ് അജയ് തറയില് അടക്കം ഇപ്പോള് മിണ്ടുന്നുമില്ല.
https://www.facebook.com/Malayalivartha
