ഇന്ന് ലോക തപാല്‍ ദിനം,എന്നാല്‍ ഈ ദിനത്തില്‍ എല്ലാവേരയും ഏറെ ഞെട്ടിച്ചു കൊണ്ട് വര്‍ക്കലയിലെ പോസ്റ്റ് വുമണിന് തിങ്കളാഴ്ച ഒരു സമ്മാന പൊതി ലഭിച്ചു. അപ്രതീക്ഷിതമായി ലഭിച്ച പൊതിയില്‍ എന്തെന്നറിയാന്‍ വളരെയേറെ ആകാംഷയോടെ തുറന്നു നോക്കിയപ്പോള്‍ കണ്ടത് അതില്‍ വിഷ പാമ്പ്. വര്‍ക്കല പോസ്‌റ്റോഫീസിലെ പോസ്റ്റ് വുമണ്‍ കിളിത്തട്ടുമുക്ക് പാര്‍വതി മന്ദിരത്തില്‍ അനിലാ ലാലിന്റെ പേരെഴുതി കാര്‍ഡ് ബോര്‍ഡ് പെട്ടിയിലെ പാത്രത്തിലാണ് ജീവനുള്ള പാമ്പിനെ വച്ചിരുന്നത്.

കഴിഞ്ഞ ദിവസമാണ് അനിലാ ലാലിനെ അഭിസംബോധന ചെയ്ത് ഭീഷണിക്കത്തും പാമ്പിനൊപ്പം പെട്ടിയിലാക്കി വച്ചിരുന്നത്. ഭീഷണികത്തില്‍ പുളിച്ച തെറി എഴുതിയിരുന്നു. ബോക്‌സില്‍ അനിലാ ലാലിന്റെ പേരുള്ളതിനാല്‍ ജീവനക്കാര്‍ അവരെത്തന്നെ അറിയിച്ചു. അനിലയെത്തിയെങ്കിലും സഹജീവനക്കാരനാണ് പക്ഷേ പെട്ടി തുറന്നത്.ചുരുട്ട വിഭാഗത്തില്‍പ്പെട്ട പാമ്പാണ് പാത്രത്തിലുണ്ടായിരുന്നത്. ചുരുണ്ടിരുന്നതിനാല്‍ പുറത്തുചാടിയില്ല. കുഞ്ഞു പാമ്പായിരുന്നു. തുടര്‍ന്ന് അനിലാ ലാല്‍ പോലീസിനു പരാതി നല്‍കി. പോസ്‌റ്റോഫീസില്‍ സമ്മാന പൊത്തികൊണ്ടുവെച്ച ആളെ കണ്ടെത്താനുള്ള ശ്രമത്തിലാണ് പോലീസ്.