ശബരിമല സ്ത്രീ പ്രവേശന വിഷയത്തിൽ പ്രതിഷേധിച്ച് കേരളത്തിലെ ജനങ്ങൾ തെരുവിലിറങ്ങുമ്പോൾ അവർക്ക് പിന്തുണ നൽകി പത്തനംതിട്ട മാടമണ്‍ വടശ്ശേരിക്കരയിലെ സ്ത്രീകളും. അയ്യപ്പന് ശരണം വിളിച്ചുകൊണ്ട് സ്ത്രീകളും തെരുവിലിറങ്ങിയതോടെ നാമജപ യാത്ര ഭക്തി സാന്ദ്രമായി. മാടമണ്‍ തെരുവുകൾ ഭക്ത ജനങ്ങളെ കൊണ്ട് നിറഞ്ഞു.

പലയിടത്തും പ്രതിഷേധം സമാധാനപരമായാണ് നടക്കുന്നത്. അക്രമണമോ പൊതുമുതൽ നശിപ്പിക്കലോ ഒന്നും തന്നെ റിപ്പോർട്ട് ചെയ്തിട്ടില്ല. വ്യത്യസ്തമായ രീതിയിലാണ് പല പ്രതിഷേധങ്ങളും അരങ്ങേറുന്നത്.നിലയ്ക്കലിലെ സമരപന്തലിൽ രാത്രി ഉറക്കമൊഴിച്ച് അയ്യപ്പഭക്തർ പ്രതിഷേധവുമായി രംഗത്ത് ഉണ്ട്. ശബരിമല യുവതീ പ്രവേശന വിഷയത്തിൽ സുപ്രീം കോടതി വിധിക്കെതിരെ പ്രതിഷേധം ശക്തമാകുന്ന സാഹചര്യത്തിൽ പമ്പയിലും നിലയ്ക്കലും, സര്‍ക്കാര്‍ നിരോധനാജ്ഞ പ്രഖ്യാപിക്കാനൊരുങ്ങുന്നതായി റിപ്പോർട്ട്. സ്ത്രീകളെ പ്രവേശിപ്പിക്കാതിരിക്കാന്‍ ഇപ്പോള്‍ ഹൈന്ദവ സംഘടനകളുടെ നേതൃത്വത്തില്‍ നിലയ്ക്കലില്‍ ശബരിമല ആചാര സംരക്ഷണ സമിതിയുടെ നേതൃത്വത്തില്‍ പര്‍ണശാല കെട്ടി ശരണ മന്ത്ര കൂട്ടായ്മ നടത്തുകയാണ്.