അസ്ഹിഷ്​ണുത പൂണ്ടവരാണ്​ സ്വാമി സന്ദീപാനന്ദഗിരിയുടെ ആശ്രമം ആക്രമിച്ചതെന്ന്​ മുഖ്യമന്ത്രി പിണറായി വിജയൻ. ആത്മീയതയെ ദുർവ്യഖ്യാനം ചെയ്ത് രാഷ്ട്രീയമായി ദുരുപയോഗിക്കുന്നവരെ തുറന്ന്​ കാട്ടുകയാണ്​ സ്വാമി ചെയ്​തതെന്നും അദ്ദേഹം പറഞ്ഞു​.

വിയോജന അഭിപ്രായങ്ങളെയും വിരുദ്ധാഭിപ്രായങ്ങളെയും ആശയ തലത്തിലാണ് നേരിടേണ്ടത്. അതിന് കഴിയാതെ വരുമ്പോഴാണ് കായികമായ അക്രമങ്ങളിലേക്ക് കടക്കുന്നത്​. നിയമം കൈയിലെടുക്കാൻ ഒരു കൂട്ടരെയും അനുവദിക്കി​ല്ല. സ്വാമി സന്ദീപാനന്ദഗിരിയുടെ ആശ്രമത്തിന്​ നേരെ ആക്രമണമുണ്ടായ സംഭവത്തിൽ കർശന നടപടിയുണ്ടാകുമെന്നും മുഖ്യമന്ത്രി കൂട്ടിച്ചേർത്തു.