ശബരിമലയിലെ അക്രമസംഭവങ്ങളുടെ പശ്ചാത്തലത്തില് കേന്ദ്ര ആഭ്യന്തരമന്ത്രാലയത്തില് നിന്ന് ഉള്പ്പെടെയുള്ള ഉദ്യോഗസ്ഥര് അതീവരഹസ്യമായി ശബരിമലയില് എത്തി, കലാപ സാധ്യത, യുവതീപ്രവേശനം അടക്കമുള്ള വിഷയങ്ങള് പരിശോധിച്ച ശേഷം ഇവര് കേന്ദ്രത്തിന് റിപ്പോര്ട്ട് നല്കും
തുലാമാസ പൂജകള്ക്ക് ശബരിമല നടതുറന്നപ്പോഴുണ്ടായ അക്രമസംഭവങ്ങളുടെ പശ്ചാത്തലത്തില് കേന്ദ്ര ആഭ്യന്തരമന്ത്രാലയത്തില് നിന്നുള്ള ഉദ്യോഗസ്ഥര് അതീവരഹസ്യമായി ഇന്ന് ശബരിമലയിലെത്തി. കോട്ടയം, പത്തനംതിട്ട ജില്ലാ കളക്ടര്മാരെ പോലും അറിയിക്കാതെയാണ് സന്ദര്ശനം. സ്ഥിതിഗതികള് പരിശോധിച്ച് വിലയിരുത്തിയ ശേഷം ഇവര് ആഭ്യന്തരമന്ത്രാലയത്തിന് റിപ്പോര്ട്ട് നല്കും. ആഭ്യന്തരവകുപ്പിലെ സീനിയര് സെക്രട്ടറി ഉള്പ്പെടെ വിവിധ വകുപ്പുകളിലെ ഉദ്യോഗസ്ഥര് സംഘത്തിലുണ്ട്.
സന്നിധാനത്തെയും ശബരിമലയിലെയും പമ്പയിലെയും നിലയ്ക്കല് അടക്കമുള്ള പ്രദേശങ്ങളിലെ സ്ഥിതിഗതികള്, പ്രതിഷേധം, ക്രമസമാധാന പ്രശ്നങ്ങള്, സര്ക്കാരും പൊലീസും അത് നേരിടാന് എടുത്ത നടപടികള്, കലാപ സാധ്യത എന്നിവ സംബന്ധിച്ച് കേന്ദ്ര സംഘം റിപ്പോര്ട്ട് തയ്യാറാക്കും. സുപ്രീംകോടതി വിധി നടപ്പാക്കുമ്പോള് ക്രമസമാധാന പ്രശ്നങ്ങള് ഉണ്ടാകുമെന്നും. തീവ്രസ്വഭാവമുള്ള ഇടത് സംഘടനകളും പുരോഗമന വനിതാ സംഘടനകളും യുവതീപ്രവേശത്തെ എതിര്ക്കുന്ന ഭക്തരും അവിടെ പ്രതിഷേധം നടത്തും. അതിനാല് ക്രമസമാധാനം പാലിക്കാന് നിരോധനാ യഞ്ജം അടക്കമുള്ള നടപടികള് സ്വീകരിക്കണമെന്ന് കേന്ദ്രആഭ്യന്തരമന്ത്രാലയം കേരള, കര്ണാടക, തമിഴ്നാട് ചീഫ് സെക്രട്ടറിമാര്ക്ക് കത്തയച്ചിരുന്നു.
ക്രമസമാധാനം നിലനിര്ത്താന് എല്ലാനിയമനടപടികളും സ്വീകരിക്കണം. അക്രമസംഭവങ്ങളുണ്ടാകാന് പാടില്ല. സമൂഹമാധ്യമങ്ങളിലൂടെ അടക്കം വ്യാജപ്രചരണങ്ങള് നടത്തി അക്രമങ്ങള്ക്ക് മുതിര്ന്നേക്കാം അതിനാല് അക്രമസംഭവങ്ങള് ഉണ്ടാകില്ലെന്ന് ഉറപ്പുവരുത്തണമെന്നും കേന്ദ്ര ആഭ്യന്തരമന്ത്രാലയം അയച്ച കത്തില് പറയുന്നു.
https://www.facebook.com/Malayalivartha
