ശബരിമല യുവതീപ്രവേശനത്തില് ബി.ജെ.പി അധ്യക്ഷന് അമിത്ഷാ ശക്തമായ നിലപാട് സ്വീകരിച്ചതോടെ പ്രശ്നത്തില് പിറകോട്ട് വലിഞ്ഞിരുന്ന വിശ്വാസികള് പൂര്വാധികം ശക്തിയോടെ സമരരംഗത്തേക്ക് വീണ്ടുമെത്തുന്നു
ശബരിമല യുവതീപ്രവേശനത്തില് ബി.ജെ.പി അധ്യക്ഷന് അമിത്ഷാ ശക്തമായ നിലപാട് സ്വീകരിച്ചതോടെ പ്രശ്നത്തില് പിറകോട്ട് വലിഞ്ഞിരുന്ന വിശ്വാസികള് പൂര്വാധികം ശക്തിയോടെ സമരരംഗത്തേക്ക് വീണ്ടുമെത്തുന്നു. സുപ്രീംകോടതിക്കെതിരെ വരെ അമിത്ഷാ ആഞ്ഞടിച്ചാച്ച് അമിത്ഷാ ഭക്തര്ക്കും വിശ്വാസികള്ക്കും ആത്മവിശ്വാസം പകര്ന്നത്. മാത്രമല്ല എന്.എസ്.എസിനും ബി.ജെ.പിക്കും ഒപ്പം വിശ്വാസികള് അണിനിരക്കണമെന്നും ആഹ്വാനം ചെയ്തു. നിലയ്ക്കലില് നാമജപം നടത്തിയ 13 സ്ത്രീകള്ക്കെതിരെ ജാമ്യമില്ലാ കുറ്റംചുമത്തിയതോടെ വനിതകളെല്ലാം ഭീതിയിലായിരുന്നു. ഭക്തകള്ക്കെതിരായ വിഷയത്തില് അമിത് ഷായും എന്.എസ്.എസും ശക്തമായ നിലപാട് അറിയിച്ചതോടെ സ്ത്രീകള്ക്കെതിരെ നടപടി വേണ്ടെന്ന് സംസ്ഥാന സര്ക്കാരും തീരുമാനിച്ചു.
ശബരിമല അക്രമത്തില് വിദ്യാര്ത്ഥികള് ഉള്പ്പെടെ നിരവധി പേര് റിമാന്ഡിലാണ് ധാരാളം പേര് അറസ്റ്റിലായ ശേഷം ജാമ്യവും നേടി. പൊതുമുതല് നശിപ്പിച്ചതിന് മൂന്ന് ലക്ഷം മുതല് 13 ലക്ഷം വരെ പിഴ ഈടാക്കാതെ പലര്ക്കും ജാമ്യംകിട്ടാത്ത സ്ഥിതിയും ഉണ്ടായി. ഇതോടെ ബി.ജെ.പി- ആര്.എസ്.എസ് പ്രവര്ത്തകര് അങ്കലാപ്പിലായി. സംസ്ഥാന അധ്യക്ഷന് ശ്രീധരന്പിള്ള നിയമസഹായം പ്രഖ്യാപിച്ചെങ്കിലും അത് എല്ലാവര്ക്കും ലഭ്യമാക്കുക എന്നത് അപ്രാപ്യമായിരുന്നു. എന്നാല് ഇന്ന് കേന്ദ്രനേതൃത്വം തന്നെ നിലപാട് വ്യക്തമാക്കുകയും എന്ത് വന്നാലും ഭക്തര്ക്കൊപ്പം നില്ക്കുമെന്ന് ഉറപ്പ് നല്കുകയും ചെയ്തതോടെ വിശ്വാസി സമൂഹത്തിന് വലിയ ആശ്വാസമായി.
അമിത്ഷായുടെ ഉറപ്പ് വന്നതോടെ കോടതി വിധി നടപ്പാക്കാന് കേന്ദ്രസേനയെ ഇറക്കാനുള്ള സംസ്ഥാന സര്ക്കാരിന്റെ നീക്കത്തിനും തിരിച്ചടിയായി. നവംബര് അഞ്ചിന് നടതുറക്കുമ്പോള് പ്രശ്നങ്ങളുണ്ടായാല് കേന്ദ്രസേനയെ വിന്യസിക്കണമെന്ന് ആവശ്യപ്പെട്ട് കേന്ദ്രസര്ക്കാരിനെ സമീപിക്കാന് മുഖ്യമന്ത്രി പിണറായി വിജയന് ഉള്പ്പെടെ തീരുമാനിച്ചിരുന്നതായി റിപ്പോര്ട്ടുകളുണ്ടായിരുന്നു. സംസ്ഥാന പൊലീസിനെ കൊണ്ട് മാത്രം സുരക്ഷ ശക്തമാക്കാന് കഴിയില്ലെന്നും ആക്ഷേപമുണ്ട്. എന്ത് വില കൊടുത്തും ഭക്തരുടെ വികാരങ്ങള് സംരക്ഷിക്കുമെന്ന ഉറപ്പ് സ്ത്രികള് ഉള്പ്പെടെയുള്ള വിശ്വാസികള്ക്കും തന്ത്രിക്കും പന്തളം കൊട്ടാരം അധികൃതര്ക്കും വലിയ ആശ്വാസമാണ് നല്കുന്നത്.
https://www.facebook.com/Malayalivartha
