സ്ത്രീപ്രവേശനത്തെ ചൊല്ലി ശബരിമലയിലും പമ്പയിലും നിലയ്ക്കലിലും ഉണ്ടായ സംഘര്ഷങ്ങളില് പൊലിസ് അറസ്റ്റ് ചെയ്തവരുടെ എണ്ണം 2,825 കടക്കവെ എന്.എസ്.എസ്. ജനറല് സെക്രട്ടറി ജി. സുകുമാരന് നായരുടെ ശക്തമായ താക്കീതിന് മുമ്പില് സര്ക്കാര് പിന്നോട്ട്; നാമജപ ഘോഷ യാത്രയില് അറസ്റ്റില്ല എന്നതിന് പിന്നില്...
നാമജപം നടത്തുന്നവരെ അറസ്റ്റ് ചെയ്യുന്നതിനെതിരെ വ്യാപക പ്രതിഷേധം തുടരവെ സര്ക്കാര് നിലപാട് മയപ്പെടുത്തുന്നു. പ്രതിഷേധം നടത്തുന്നവരെ അറസ്റ്റ് ചെയ്യുന്നത് അടിയന്തരാവസ്ഥയെയാണ് ഓര്മ്മിപ്പിക്കുന്നതെന്ന എന്എസ്എസ് ജനറല് സെക്രട്ടറി ജി. സുകുമാരന് നായരുടെ പ്രസ്ഥാവനയും ഏറെ സ്വാധീനിച്ചു. ഇതോടെ പൊടുന്നനെ ഉന്നത കേന്ദ്രത്തിലേക്ക് സന്ദേശം ചെന്നു.
സ്ത്രീപ്രവേശനത്തെ ചൊല്ലി ശബരിമലയിലും പമ്പയിലും നിലയ്ക്കലിലും ഉണ്ടായ സംഘര്ഷങ്ങളില് പൊലിസ് അറസ്റ്റ് ചെയ്തവരുടെ എണ്ണം 2,825 ആയി. ഇതില് 126 പേര് മാത്രം റിമാന്ഡിലായപ്പോള് മറ്റെല്ലാവര്ക്കും ജാമ്യം ലഭിച്ചു. അറസ്റ്റ് ചെയ്യുന്നവരില് അക്രമ സംഭവങ്ങളില് നേരിട്ട് പങ്കാളികളായ വരെ മാത്രം റിമാന്ഡ് ചെയ്താല് മതിയെന്നും ബാക്കിയുള്ളവരെ സ്റ്റേഷന് ജാമ്യത്തില് വിട്ടയക്കണമെന്നും ഡി.ജി.പി നിര്ദേശം നല്കിയിരുന്നു.
നാമജപ ഘോഷയാത്രയിലും പ്രാര്ഥന യോഗങ്ങളിലും ജാഥകളിലും പങ്കെടുത്ത സ്ത്രീകള്ക്കെതിരെ നടപടി വേണ്ടെന്ന് ഡി.ജി.പി എല്ലാ എസ്.പിമാര്ക്കും നിര്ദേശം നല്കി. എന്നാല് കേസെടുക്കണമെന്നും നിര്ദേശമുണ്ട്. അക്രമങ്ങളുമായി ബന്ധപ്പെട്ട് ഇതുവരെ 495 കേസുകള് രജിസ്റ്റര് ചെയ്തിട്ടുണ്ട്. കലാപശ്രമം നിരോധനാജ്ഞ ലംഘിച്ച് സംഘംചേരല്, പൊതുമുതല് നശിപ്പിക്കല്, പൊലിസിനെ ആക്രമിക്കല്, ഉദ്യോഗസ്ഥരെ കൃത്യനിര്വഹണത്തില്നിന്നു തടയല് എന്നീ വകുപ്പുകള് ചുമത്തിയാണ് മിക്ക കേസുകളും.
ശബരിമലയിലെ സ്ത്രീപ്രവേശനവുമായി ബന്ധപ്പെട്ടുണ്ടായ സംഘര്ഷങ്ങളില് പൊലിസ് നടപടി കടുപ്പിച്ചതിനു പിന്നാലെ കൂട്ട അറസ്റ്റിനെതിരെ കേരള ഹൈക്കോടതി ഇന്നലെ വിമര്ശനമുന്നയിച്ചിരുന്നു. ഈ സാഹചര്യത്തിലാണ് കൃത്യമായ തെളിവുകളുടെ അടിസ്ഥാനത്തില് മാത്രം കേസ് എടുത്താല് മതിയെന്ന് ഡി.ജി.പി നിര്ദേശം നല്കിയത്.
https://www.facebook.com/Malayalivartha
