എല്.ഡി.എഫിലും യു.ഡി.എഫിനും നിന്ന് തൊഴുത്തില് കുത്തിനടത്തി പെരുവഴിയിലായ പി.സി ജോര്ജ്ജ് എന്.ഡി.എ പാളയത്തിലേക്ക് അടുക്കുന്നു... അവിടെ അടിയുണ്ടാക്കി എന്ന് അടിച്ച്പിരിയുമെന്ന് കാത്തിരുന്ന് കാണാം
എല്.ഡി.എഫിനും യു.ഡി.എഫിനും സഹിക്കവയ്യാതെ കുടിയിറക്കിവിട്ട പി.സി ജോര്ജ്ജ് അവസാനം എന്.ഡി.എ പാളയത്തിലേക്ക് ചേക്കേറുന്നു. അതിന് മുന്നോടിയായി നടന്ന ചര്ച്ചയെ തുടര്ന്ന് ഇന്ന് നിയമസഭയില് ബി.ജെ.പി എം.എല്.എ ഒ.രാജഗോപാലിനൊപ്പം പി.സി ജോര്ജ്ജ് ഇരിപ്പിടം ഉറപ്പിച്ചു. ഞങ്ങള് ബ്രദേഴ്സാണെന്നും അയ്യപ്പഭക്തര്ക്ക് വേണ്ടി നിലകൊള്ളുമെന്നുമാണ് പൂഞ്ഞാര് എം.എല്.എയായ പി.സി ജോര്ജ്ജ് പറയുന്നത്.
ഇതിനെതിരെ സോഷ്യല്മീഡിയയില് കമന്റുകളും ട്രോളുകളും നിറയുകയാണ്. ബ്രദേഴ്സ് എന്ന് അടിച്ചുപിരിയുമെന്നാണ് പ്രധാനചോദ്യം. സാധാരണ എങ്ങും നിലയുറപ്പിക്കുന്ന സ്വഭാവമല്ല പി.സിയുടേത്. എവിടെ ചേക്കേറുന്നോ അവിടെ അടിയുണ്ടാക്കി അടിച്ച് പിരിയുന്നതാണ് പി.സി സ്റ്റൈല്.
എല്.ഡി.എഫിലായിരുന്നപ്പോള് പി.സി വി.എസിന്റെ വലംകയ്യായിരുന്നു. അന്ന് വി.എസ്- പിണറായി പോര് രൂക്ഷമായിരുന്ന കാലമാണ്. വി.എസിനൊപ്പം നിന്ന് പിണറായിയുടെ കുതികാല്വെട്ടാന് തുടങ്ങിയ പി.സിയോട് ഇനി ഒരറിയിപ്പുണ്ടാകുന്നത് വരെ എല്.എഡി.എഫ് യോഗത്തിന് വരേണ്ടെന്ന് സി.പി.എം സെക്രട്ടറിയായിരുന്ന പിണറായി പറഞ്ഞു. അതോടെ യു.ഡി.എഫിലേക്ക് ചേക്കേറാന് തീരുമാനിച്ചു. അതിന്റെ ഭാഗമായി മൂന്ന് കേരളാകോണ്ഗ്രസുകളുടെ ലയനം നടന്നു.
പി.ജെ.ജോസഫിന്റെയും പി.സി ജോര്ജ്ജിന്റെയും പാര്ട്ടികള് കേരളാ കോണ്ഗ്രസ് മാണിയില് ലയിച്ചു. യു.ഡി.എഫ് സര്ക്കാരില് പി.സി ചീഫ് വിപ്പുമായി. മുഖ്യമന്ത്രി ഉമ്മന്ചാണ്ടിയുടെ വിശ്വസ്ഥനുമായി. രണ്ടാളുടെ ഭൂരിപക്ഷവുമായി സര്ക്കാരിനെ കൊണ്ടുപോകാന് ഉമ്മന്ചാണ്ടി ബുദ്ധിമുട്ടിയപ്പോഴാണ് സി.പി.എം എം.എല്.എയായ സെല്വരാജിനെ രാജിവെപ്പിച്ച് യു.ഡി.എഫ് സ്ഥാനാര്ത്ഥിയാക്കി മത്സരിപ്പിച്ച് വിജയിപ്പിച്ചതിന്റെ പ്രധാനകണ്ണി പി.സി ആയിരുന്നു.
എന്നാല് കേരളാകോണ്ഗ്രസില് നിന്ന് മാണിക്കെതിരെ പി.സി ജോര്ജ്ജ് പാരവയ്ക്കാന് തുടങ്ങി. പിന്നീട് സോളാര് കേസില് ഉമ്മന്ചാണ്ടിക്കെതിരെ തിരിഞ്ഞു. ഉമ്മന്ചാണ്ടിയും സരിതയും കോട്ടയത്ത് ഒരു സ്വകാര്യചടങ്ങില് പങ്കെടുക്കുന്നതിന്റെ ഫോട്ടോ പി.സി കൈരളി ചാനലിന് നല്കി. സോളാര് കേസ് അടക്കം അട്ടിമറിക്കാന് അന്നത്തെ ഡി.ജി.പി ബാലസുബ്രഹ്മണ്യം ശ്രമിക്കുന്നെന്ന ആക്ഷേപവും നടത്തി. സോളാര് കേസിനെ സംബന്ധിച്ച വിവരങ്ങള് ബി.ജെ.പി നേതാവ് കെ.സുരേന്ദ്രന് ചോര്ത്തി നല്കിയതും പി.സി ആയിരുന്നു. സരിത ജയിലില് നിന്നെഴുതിയ കത്തില് ജോസ് കെ.മാണിയുടെ പേരുണ്ടെന്ന് വെളിപ്പെടുത്തുകയും അതിലൂടെ അദ്ദേഹത്തെ തകര്ക്കാന് പി.സി ശ്രമിക്കുന്നെന്ന് മനസിലായതോടെയാണ് കെ.എം മാണി ജോര്ജ്ജുമായി അകന്നത്.
പാര്ട്ടിക്കെതിരെ തിരിഞ്ഞ പി.സിയെ ചീഫ് വിപ്പ് സ്ഥാനത്ത് നിന്ന് നീക്കണമെന്ന് കെ.എം മാണി മുഖ്യമന്ത്രിയോട് ആവശ്യപ്പെട്ടു. എന്നാല് രാജിയില്ലെന്നും പുറത്താക്കട്ടെ എന്നും പി.സി വാശി പിടിച്ചു. അങ്ങനെ പി.സിയെ മുഖ്യമന്ത്രി മാറ്റി. പിന്നീട് തോമസ് ഉണ്ണിയാടന് ചീഫ് വിപ്പായി. തുടര്ന്ന് രണ്ട് മുന്നണികളുമായും സഹകരിക്കാതെ പി.സി ഒറ്റയ്ക്ക് കഴിഞ്ഞ നിയമസഭാ തെരഞ്ഞെടുപ്പ് നേരിട്ട് വിജയിച്ചു. ലോക്സഭാ തെരഞ്ഞെടുപ്പ് അടുത്ത വേളയില് മകന് ഷോണിനെ എന്.ഡി.എ സ്ഥാനാര്ത്ഥിയായി മത്സരിപ്പിക്കാനാണ് ഇ്പ്പോള് ബി.ജെ.പിക്കൊപ്പം ഒട്ടിയിരിക്കുന്നത്. എന്നാല് ഇത് എപ്പോ അടിച്ച് പിരിയുമെന്ന് കാത്തിരുന്ന് കാണാം.
https://www.facebook.com/Malayalivartha
