കേരള പോലീസ് തകര്ക്കുന്നു... ഇതെവിടെത്തെ ന്യായമെന്ന് ചോദിക്കേണ്ട; ജനപ്രതിനിധികളുടെ കേസ് ഉടന് തീര്പ്പാക്കണമെന്ന സുപ്രീം കോടതിയുടെ ഉത്തരവില് വെട്ടിലായത് മന്ത്രിമാര് ഉള്പ്പെടെയുള്ള നേതാക്കള്
കഴിഞ്ഞ ദിവസത്തെ സുപ്രീം കോടതി വിധിയോടെ മന്ത്രിമാര് ഉള്പ്പെടെയുള്ള നിരവധി നേതാക്കള് കുടുക്കിലേക്ക് പോകുകയാണ്. കെ. സുരേന്ദ്രന് ഇരുമുടിക്കെട്ടുമായി മലയ്ക്ക് കേറാന് വന്നതോടെ കരുതല് തടങ്കലിലായി. പിന്നീട് അതുവരെ കേട്ടിട്ടില്ലാത്ത ഡസണ്കണക്കിന് കേസുകള്. വര്ഷങ്ങള്ക്ക് മുമ്പുള്ള കേസ് വരെ. ഇത്രയും നാള് ഈ പോലീസുകാര് ഉറങ്ങുകയായിരുന്നോ എന്നാണ് ജനത്തിന് മനസിലാകാത്തത്. ഒരാളെ പിടികൂടുമ്പോള് ഉള്ള കേസെല്ലാം ചാര്ത്തുമെന്ന പഴഞ്ചൊല്ലാണ് പോലീസ് നടപ്പിലാക്കുന്നതെന്നാണ് ബിജെപിയുടെ ആരോപണം. 15 കേസില് സുരേന്ദ്രന് അകത്തായപ്പോള് 24 കേസുള്ള മന്ത്രി കടകംപള്ളി സുരേന്ദ്രന് പുറത്താണ്. ഇതോടെയാണ് പോലീസിന്റെ ഇരട്ടത്താപ്പ് വ്യക്തമാകുന്നത്. ഇക്കാര്യത്തില് ബിജെപി പോലും തുറന്ന പോരിലേക്കാണ്.
എംപിമാരും എംഎല്എമാരും പ്രതികളായ കേസുകള് സെഷന്സ് കോടതികള്ക്കും മജിസ്ട്രേട്ട് കോടതികള്ക്കും വീതിച്ചു നല്കി വേഗത്തില് തീര്പ്പാക്കുന്നതിനു കേരളത്തിലും ബിഹാറിലും ആദ്യം നടപടിയെടുക്കാന് സുപ്രീം കോടതി ഉത്തരവ് കേരളത്തിലും പ്രതിഫലിക്കുകയാണ്. മുന് എംപിമാരും എംഎല്എമാരും പ്രതികളായ കേസുകള്ക്കും തുല്യപരിഗണന ലഭിക്കും.
ജനപ്രതിനിധികള് പ്രതികളായ കേസുകള് പരിഗണിക്കുന്നതിന് വിവിധ സംസ്ഥാനങ്ങളിലായി 12 പ്രത്യേക കോടതികള് സ്ഥാപിക്കാന് സുപ്രീം കോടതി കഴിഞ്ഞ വര്ഷം ഉത്തരവിട്ടിരുന്നു. കുറ്റപത്രം നല്കി ഒരു വര്ഷത്തിനകം കേസ് തീര്പ്പാക്കണമെന്ന് 2014ല് നിര്ദേശിച്ചു. ഇതു ഫലം കാണാത്തതിനാലാണ് ചീഫ് ജസ്റ്റിസ് രഞ്ജന് ഗൊഗോയ്, ജഡ്ജിമാരായ സഞ്ജയ് കിഷന് കൗള്, കെ.എം. ജോസഫ് എന്നിവരുടെ ബെഞ്ചിന്റെ പുതിയ ഉത്തരവ്.
ക്രിമിനല് കേസുകളില് ശിക്ഷിക്കപ്പെടുന്നവര്ക്കു തിരഞ്ഞെടുപ്പില് മല്സരിക്കാന് ആജീവനാന്ത വിലക്കു വേണമെന്ന ബിജെപി നേതാവ് അശ്വിനി കുമാര് ഉപാധ്യായയുടെ ഹര്ജിയിലാണ് നടപടി. നിലവിലെ കേസുകളെക്കുറിച്ച് ഹൈക്കോടതികളില്നിന്നു ശേഖരിച്ച കണക്കുകളും, അവ വേഗത്തില് തീര്പ്പാക്കാനുള്ള ശുപാര്ശയും അമിക്കസ് ക്യൂറി വിജയ് ഹന്സാരിയ കോടതിക്കു നല്കി.
കേരള, ബിഹാര് ഹൈക്കോടതികള് ഉടന് നടപടിയെടുക്കണമെന്നാണ് കേടതി ഉത്തരവ്. നടപടി റിപ്പോര്ട്ട് സുപ്രീം കോടതി 14നു പരിഗണിക്കും.
ന്മകേസുകളുടെ പുരോഗതി, കുറ്റപത്രം നല്കുന്നതും കുറ്റം ചുമത്തുന്നതും വൈകുന്നതിന്റെ കാരണങ്ങള് എന്നിവ എല്ലാ മാസവും 2 സംസ്ഥാനത്തെയും കീഴ്ക്കോടതികള് ഹൈക്കോടതിക്കു നല്കണം.
ന്മവധശിക്ഷയോ ജീവപര്യന്തം തടവോ ലഭിക്കാവുന്ന കേസുകള്ക്ക് മുന്ഗണന നല്കണം.
അതേസമയം റിമാന്ഡില് കഴിയുന്ന കെ സുരേന്ദ്രനെതിരായ കേസുകള് പിന്വലിക്കുക, ശബരിമലയിലെ അടിസ്ഥാന സൗകര്യങ്ങള് വര്ദ്ധിപ്പിക്കുക തുടങ്ങിയ ആവശ്യങ്ങള് ഉന്നയിച്ച് ബിജെപി ജനറല് സെക്രട്ടറി എ എന് രാധാകൃഷ്ണന് സെക്രട്ടേറിയേറ്റിന് മുന്നില് നടത്തുന്ന നിരാഹാര സമരം മൂന്നാം ദിവസത്തിലേക്ക് കടന്നു. രാധാകൃഷ്ണന് പിന്തുണയുമായി മുതിര്ന്ന നേതാക്കള് സമരപ്പന്തലില് എത്തിക്കൊണ്ടിരിക്കുകയാണ്.
മന്ത്രി കടകംപള്ളി സുരേന്ദ്രന്റെ പേരില് 27 കേസുകളാണ് നിലവിലുള്ളതെന്നാണ് നിരാഹാരം കിടക്കുന്ന ബിജെപി നേതാവ് എ.എന്. രാധാകൃഷ്ണന് പറയുന്നത്. 12 എണ്ണത്തിന് വാറന്റുണ്ട്. മന്ത്രി ഇ.പി ജയരാജന്റെ പേരിലും കേസുകള് നിലവിലുണ്ട്. കൂടാതെ എംഎല്എമാരായ എം.സ്വരാജ്, സി.ദിവാകരന് എന്നിവരൊക്കെ വിവിധ കേസുകളില് പ്രതികളാണ്. എന്തുകൊണ്ട് ഇവരെയൊന്നും അറസ്റ്റ് ചെയ്യുന്നില്ലെന്നു രാധാകൃഷ്ണന് ചോദിച്ചു.
കേസുകളും വാറന്റുകളും ഉള്ളതുകൊണ്ടാണ് കെ.സുരേന്ദ്രനെ അറസ്റ്റ് ചെയ്ത് അനിശ്ചിതകാലത്തേക്കു തടവില് പാര്പ്പിച്ചിരിക്കുന്നതെന്നാണ് മുഖ്യമന്ത്രിയുടെ വിശദീകരണം. അങ്ങനെയെങ്കില് മുഖ്യമന്ത്രിയുടെ പേരില് എറണാകുളം കോടതിയില് നാലു കേസുകള് ഉണ്ട്. രണ്ടെണ്ണത്തിനു വാറന്റും പുറപ്പെടുവിച്ചിട്ടുണ്ട്. മുഖ്യമന്ത്രിയുടെ ന്യായമനുസരിച്ചു അദ്ദേഹത്തെ അറസ്റ്റ് ചെയ്യേണ്ടതാണ്. അതിന് ഡിജിപിക്ക് ധൈര്യമില്ലെങ്കില് അദ്ദേഹം കുപ്പായം ഊരി എകെജി സെന്ററില് പണി എടുക്കണം എന്നുമാണ് രാധാകൃഷ്ണന്റെ വിമര്ശനം.
അതേസമയം ഉന്നയിച്ച ആവശ്യങ്ങള് 15 ദിവസത്തിനുള്ളില് അംഗീകരിച്ചില്ലെങ്കില് സമരം ശക്തമാക്കുമെന്ന് ബിജെപി നേതൃത്വം വ്യക്തമാക്കി. ശബരിമലയിലെ നിരോധനാജ്ഞ ശനിയാഴ്ചവരെ നീട്ടി.
https://www.facebook.com/Malayalivartha
