സംസ്ഥാനത്ത് സാമൂഹിക സുരക്ഷ പെന്ഷന്റെ ആനുകൂല്യം അനര്ഹര് വ്യാപകമായി കൈപ്പറ്റുന്നതായി ധനകാര്യ വകുപ്പിന്റെ കണ്ടെത്തല്, മരിച്ചവരെ പെന്ഷനില് നിന്ന് ഒഴിവാക്കാന് പഞ്ചായത്ത്, നഗരസഭ, കോര്പറേഷന് സെക്രട്ടറിമാര് സത്വരനടപടി എടുക്കണമെന്ന് ധനവകുപ്പിന്റെ കര്ശന നിര്ദ്ദേശം
സംസ്ഥാനത്ത് സാമൂഹിക സുരക്ഷ പെന്ഷന്റെ ആനുകൂല്യം അനര്ഹര് വ്യാപകമായി കൈപ്പറ്റുന്നതായി ധനകാര്യ വകുപ്പിന്റെ കണ്ടെത്തല്. അനര്ഹരെ ഒഴിവാക്കാന് തദ്ദേശസ്ഥാപനങ്ങള് നടപടിയെടുക്കാത്തതിനാല് സര്ക്കാറിന് വന് സാമ്പത്തിക നഷ്ടമാണ് ഉണ്ടാകുന്നത്. ഇക്കാര്യത്തില് അടിയന്തര നടപടി ആവശ്യപ്പെട്ട് ധനകാര്യ വകുപ്പ് സെക്രട്ടറി എല്ലാ തദ്ദേശസ്ഥാപന സെക്രട്ടറിമാര്ക്കും സര്ക്കുലര് അയച്ചു. ഇന്ഫര്മേഷന് കേരള മിഷന് വികസിപ്പിച്ച 'സേവന' സോഫ്റ്റ്വെയര് ഉപയോഗിച്ചാണ് തദ്ദേശസ്ഥാപനങ്ങള് സാമൂഹിക സുരക്ഷ പെന്ഷന് വിതരണം ചെയ്യുന്നത്. ഗുണഭോക്താക്കള് മരിച്ചിട്ടും അനന്തരാവകാശികള് പെന്ഷന് കൈപ്പറ്റുക, വിധവ പെന്ഷന് ലഭിക്കുന്നവര് പുനര്വിവാഹ ശേഷവും ആനുകൂല്യം കൈപ്പറ്റുക, യഥാര്ഥ വയസ്സ് മറച്ചുവെച്ച് ഡോക്ടറുടെ സര്ട്ടിഫിക്കറ്റ് ഹാജരാക്കി പെന്ഷന് അര്ഹത നേടുക തുടങ്ങിയ ക്രമക്കേടുകളാണ് കണ്ടെത്തിയത്.
ഈ സാഹചര്യത്തില് വയസ്സ് തെളിയിക്കുന്ന ഡോക്ടറുടെ സര്ട്ടിഫിക്കറ്റിന്റെ അടിസ്ഥാനത്തില് പെന്ഷന് അനുവദിക്കേണ്ടെന്നാണ് തീരുമാനം. പ്രായംതെളിയിക്കാന് സ്കൂള് സര്ട്ടിഫിക്കറ്റ് അടക്കം രേഖകളുടെ അഭാവത്തില് ആധാര് ഉപയോഗിക്കാമെന്നും പട്ടികവര്ഗ അപേക്ഷകര്, കിടപ്പ് രോഗികള്, 80 വയസ്സ് കഴിഞ്ഞവര് എന്നിവര്ക്ക് ആധാര് ഉള്പ്പെടെ മറ്റുരേഖകള് ഇല്ലെന്ന് തദ്ദേശ സ്ഥാപന സെക്രട്ടറിക്ക് ബോധ്യപ്പെടുന്നപക്ഷം ഡോക്ടറുടെ സര്ട്ടിഫിക്കറ്റ് പരിഗണിക്കാമെന്നുമാണ് നിര്ദേശം.
മരിച്ചവരുടെയും പുനര്വിവാഹം ചെയ്യുന്നവരുടെയും വിവരങ്ങള് അംഗന്വാടി, ആശ വര്ക്കര്മാന് വഴി ശേഖരിച്ച് അതത് മാസം ഡാറ്റബേസില്നിന്ന് ഒഴിവാക്കണമെന്ന് തദ്ദേശസ്ഥാപന സെക്രട്ടറിമാര്ക്ക് കര്ശന നിര്ദേശം നല്കിയിരുന്നു.
എന്നാല്, ചിലയിടങ്ങളില് വിവരങ്ങള് ഒഴിവാക്കാതെ അനര്ഹര്ക്ക് പെന്ഷന് നല്കിവരുകയാണെന്ന് ധനകാര്യ എക്സ്പന്റെിച്ചര് സെക്രട്ടറി അയച്ച സര്ക്കുലറില് പറയുന്നു. എന്നാല്, എത്രപേര് അനര്ഹമായി പെന്ഷന് കൈപ്പറ്റിയെന്നോ എത്രരൂപ ഇതിലൂടെ നഷ്ടമായെന്നോ സര്ക്കാര് വെളിപ്പെടുത്തിയിട്ടില്ല.
മരിച്ചവരെ പെന്ഷനില്നിന്ന് ഒഴിവാക്കാന് പഞ്ചായത്ത്, നഗരസഭ, കോര്പറേഷന് സെക്രട്ടറിമാര് സത്വരനടപടി എടുക്കണം. സോഫ്റ്റ്വെയര് വിവരങ്ങള് പരിശോധിച്ച് അനര്ഹരെ 15 ദിവസത്തിനകം ഒഴിവാക്കിയില്ലെങ്കില് പെന്ഷന് ഇന്ഫര്മേഷന് കേരള മിഷന്വഴി സര്ക്കാര്തന്നെ റദ്ദാക്കും.
പെന്ഷന് വിതരണം ചെയ്യുന്ന സഹകരണ സ്ഥാപനങ്ങള് മരിച്ചവരുടെ വിവരങ്ങള് ഓരോ വിതരണത്തിനുശേഷവും ബന്ധപ്പെട്ട തദ്ദേശസ്ഥാപനങ്ങളെ അറിയിക്കണം.
"
https://www.facebook.com/Malayalivartha
