പ്രവാസിയിൽ നിന്ന് നിലമ്പൂർ എം എൽ എ പണം തട്ടിയ കേസ് ക്രൈം ബ്രാഞ്ചിന് തന്നെ . കോഴിക്കോട് സ്വദേശിയായ പ്രവാസി എൻജിനിയറിൽ നിന്ന് പി വി അൻവർ എം എൽ എ 50 ലക്ഷം രൂപ തട്ടിയ കേസിലാണ് ക്രൈം ബ്രാഞ്ച് അന്വേഷിക്കാൻ കോടതി ഉത്തരവ് . ക്രൈം ബ്രാഞ്ച് അന്വേഷണത്തിന് എതിരായുള്ള പി വി അൻവർ നൽകിയ പുന:പരിശോധന ഹർജി ഹൈകോടതി തള്ളികൊണ്ടാണ് ഉത്തരവ് . പുനർപരിശോധന നടത്തുന്നതിനുള്ള കാരണങ്ങൾ ഹർജിയിലില്ല എന്ന് ചൂണ്ടിക്കാട്ടിയാണ് കോടതി ഹർജി തള്ളിയത്.

ക​ർ​ണാ​ട​ക​യി​ലെ ക്വാ​റി ബി​സി​ന​സി​ൽ പ​ങ്കാ​ളി​യാ​ക്കാ​മെ​ന്നു പ​റ​ഞ്ഞു പ​ണം ത​ട്ടി​യെ​ന്ന പ​രാ​തി​യി​ൽ തു​ട​ർ​ന​ട​പ​ടി ഉ​ണ്ടാ​യി​ല്ലെ​ന്നാ​രോ​പി​ച്ചാണ് സ​ലിം ഹൈ​ക്കോ​ട​തി​യെ സ​മീ​പിച്ചത്. മ​ഞ്ചേ​രി പോ​ലീ​സ് ര​ജി​സ്റ്റ​ർ ചെ​യ്ത കേ​സി​ൽ
ക്രൈം​ബ്രാ​ഞ്ചി​ന്‍റെ സാമ്പത്തിക കു​റ്റാ​ന്വേ​ഷ​ണ വി​ഭാ​ഗം അ​ന്വേ​ഷി​ക്ക​ണ​മെ​ന്നും ഇ​തി​നാ​യി ഒ​രു മാ​സ​ത്തി​ന​കം ഡി​ജി​പി ഉ​ത്ത​ര​വ് ഇ​റ​ക്ക​ണ​മെ​ന്നും ഹൈ​ക്കോ​ട​തി ന​വം​ബ​റി​ൽ വി​ധി​ച്ചി​രു​ന്നു.

രാഷ്ട്രീയസമ്മർദം മൂലം മഞ്ചേരി പൊലീസിന്‍റെ അന്വേഷണം തൃപ്തികരമല്ലെന്ന് ചൂണ്ടിക്കാട്ടിയാണ് പരാതിക്കാരൻ മലപ്പുറം പാണക്കാട് സ്വദേശി സലീം നടുത്തൊടി ഹർജി സമർപ്പിച്ചത്.
ക​ഴി​ഞ്ഞ വ​ർ​ഷം ഡി​സം​ബ​റി​ൽ ര​ജി​സ്റ്റ​ർ ചെ​യ്ത കേ​സി​ൽ അ​ന്വേ​ഷ​ണം പൂ​ർ​ത്തി​യാ​യി​ല്ലെ​ന്നും യോ​ഗ്യ​ത​യും പ്രാ​പ്തി​യു​മു​ള്ള ഉ​ദ്യോ​ഗ​സ്ഥ​ന് അ​ന്വേ​ഷ​ണം കൈ​മാ​റാ​ൻ ഡി​ജി​പി​ക്ക് നി​ർ​ദേ​ശം ന​ൽ​ക​ണ​മെ​ന്നു​മായിരുന്നു ഹ​ർ​ജി​ക്കാ​ര​ന്‍റെ ആ​വ​ശ്യം.

ഇതിനെതിരെയാണ് അന്‍വര്‍ പുന:പരിശോധന ഹർജി നല്‍കിയത്. എന്നാല്‍ പുന:പരിശോധന നടത്തുന്നതിനുള്ള കാരണങ്ങൾ ഇല്ലെന്ന് ചൂണ്ടിക്കാട്ടി ഹര്‍ജി കോടതി തളളുകയായിരുന്നു.