വനിതാമതിലിന് സര്ക്കാര് ഖജനാവില് നിന്ന് പണം ചെലവഴിക്കാനുള്ള സര്ക്കാര് നീക്കംപാളി, പ്രതിഷേധം ശക്തമായതോടെ വനിതാ സംഘടനകള് പണം സമാഹരിക്കുമെന്നും സ്ത്രീശാക്തീകരണത്തിനാണ് 50 കോടി ചെലവഴിക്കുന്നതെന്നും മുഖ്യമന്ത്രിയും ധനമന്ത്രിയും വിശദീകരിച്ചു
വനിതാമതിലിന് സര്ക്കാര് ഖജനാവില് നിന്ന് പണം ചെലവഴിക്കാനുള്ള സര്ക്കാര് നീക്കംപാളി. നാടിന്റെ നാനാഭാഗത്ത് നിന്നും എതിര്പ്പുകള് ഉയര്ന്നതോടെ സര്ക്കാര് പണം വേണ്ടെന്നും വനിതാ സംഘടനകള് സ്വന്തംനിലയില് പണം സമാഹരിക്കുമെന്നും പറഞ്ഞ് മുഖ്യമന്ത്രി പിണറായി വിജയും ധനമന്ത്രി തോമസ് ഐസക്കും തടിതപ്പി.
അപ്പോള് ഹൈക്കോടതിയില് കൊടുത്ത സത്യവാങ്മൂലത്തില് വനിതാശാക്തീകരണത്തിനുള്ള തുകയില് നിന്ന് 50 കോടി ചെലവഴിക്കുമെന്ന് പറഞ്ഞതോ? അത് തെറ്റായ വ്യാഖ്യാനമായിരുന്നെന്ന് ധനമന്ത്രി വിശദമാക്കി. ഇതോടെ മതിലിന് മുകളില് വീഴാനിരുന്ന വിവാദം തണുപ്പിക്കാനായി.
വനിതാമതില് പണം ഖജനാവില് നിന്ന് ഈടാക്കില്ലെന്ന് മുഖ്യമന്ത്രി പിണറായി വിജയനും വ്യക്തമാക്കി. ബജറ്റില് നീക്കി വച്ച 50 കോടി സര്ക്കാര് പദ്ധതികള്ക്കാണെന്നും അതില് നിന്ന് ഒരു രൂപ പോലും എടുക്കില്ലെന്നും മുഖ്യമന്ത്രിയും വ്യക്തമാക്കി. സെക്രട്ടേറിയറ്റ് എംപ്ളോയീസ് അസോസിയേഷന് വനിതാ സബ് കമ്മിറ്റിയുടെ ആഭിമുഖ്യത്തില് നടത്തിയ നവോത്ഥാന സദസ്സ് ഉദ്ഘാടനം ചെയ്യുകയായിരുന്നു അദ്ദേഹം.
വനിത സംഘടനകള്ക്കും യുവജനസംഘടനകള്ക്കും സ്വന്തം നിലയില് പണം സമാഹരിക്കുന്നതിന് കഴിയുമെന്നും അവര്ക്കതിന് പ്രാപ്തിയുണ്ടെന്നും ധനമന്ത്രി തോമസ് ഐസക് ട്വിറ്ററിലൂടെ പ്രതികരിച്ചു.
വനിതാ മതില് പണിയാന് സര്ക്കാര് പണം ചെലവഴിക്കില്ലെന്ന് മുഖ്യമന്ത്രി പിണറായി വിജയന് ആദ്യമേ വ്യക്തമാക്കിയതാണെന്നും ധനമന്ത്രി പറഞ്ഞു. വനിതാ സംഘടനകള് നാട്ടില് നിന്ന് പണം ശേഖരിക്കും. ആദ്യമായല്ല അവര് ഇത്തരം പരിപാടികള് നടത്തുന്നതെന്നും അദ്ദേഹം വ്യക്തമാക്കി. സര്ക്കാര് പണം ചെലവഴിക്കുമെന്ന് കോടതിയില് സത്യവാങ്മൂലം നല്കിയതോടെ വ്യാപകമായ പ്രതിഷേധമാണ് ഉണ്ടായത്. പിണറായി സര്ക്കാര് വര്ഗീയ മതിലാണ് സംഘടിപ്പിക്കുന്നതെന്ന് പ്രതിപക്ഷ നേതാവ് രമേശ് ചെന്നിത്തല കഴിഞ്ഞ ദിവസം ആരോപിച്ചിരുന്നു. 50 കോടി ചെലവഴിക്കുന്നത് പറഞ്ഞത് തെന്ന അഴിമതിയാണ്. സ്ത്രീ സുരക്ഷ ഉറപ്പാക്കാന് ചെലവഴിക്കുന്ന പണം മതിലിന് വേണ്ടി വകമാറ്റുന്നത് അംഗീകരിക്കില്ല. ഇത് ജനങ്ങളോടുള്ള വെല്ലുവിളിയെന്നും ചെന്നിത്തല ചൂണ്ടിക്കാട്ടിയിരുന്നു.
പ്രളയത്തില് തകര്ന്നടിഞ്ഞ ആയിരങ്ങള് അലയുമ്പോള് വനിതാമതില് പണിയാന് 50 കോടി മുടക്കുന്നത് ധാര്മികമായി ശരിയല്ലെന്ന് സാംസ്കാരിക പ്രവര്ത്തകര് ഉള്പ്പെടെ വിലയിരുത്തിയിരുന്നു. പലര്ക്കും അത്യാവശ്യം നല്കേണ്ട പതിനായിരം രൂപ പോലും ഇതുവരെ വിതരണം ചെയ്തിട്ടില്ലെന്നും പ്രളയബാധിത പ്രദശങ്ങളിലുള്ളവര് പറയുന്നു. പലരും വാടകവീടുകളില് പോലും കഴിയാനാവാത്ത അവസ്ഥയിലാണ്. അങ്ങനെയുള്ള സാഹചര്യം നിലനില്ക്കെ 50 കോടി മുടക്കി എന്ത് നവോത്ഥാനം നടപ്പാക്കാനാണ് സര്ക്കാര് ഒരുങ്ങുന്നതെന്ന് കോടതിയും ചോദിച്ചിരുന്നു. ഇതെല്ലാം തിരിച്ചടിയാണെന്ന് മനസിലാക്കിയാണ് സര്ക്കാര് , സത്യവാങ്മൂലത്തിലെ വ്യാഖ്യാന- ത്തില് പിടിച്ച് തടിതപ്പിയത്.
https://www.facebook.com/Malayalivartha
