ആലപ്പാടിനെ തകര്ത്തത് ഖനനമല്ല, സുനാമി !!; കരിമണല് ഖനനത്തിനെതിരായ ജനകീയ സമരത്തെ തള്ളി മന്ത്രി ഇ.പി. ജയരാജന്
ആലപ്പാട് കരിമണല് ഖനനത്തിനെതിരായ സമരത്തെ തള്ളി മന്ത്രി ഇ.പി. ജയരാജന് രംഗത്ത്. ആലപ്പാടിനെ തകര്ത്തത് ഖനനമല്ല, സുനാമിയാണ്. ഖനനം നിര്ത്തിവയ്ക്കില്ലെന്നും ജയരാജന് പറഞ്ഞു.
ആലപ്പാട്ടെ വിഷയത്തില് വിവാദത്തിനും സമരത്തിനുമുള്ള ഒരു സാഹചര്യവുമില്ല.ഇവിടെ ഖനനം നിര്ത്തിയാല് പിന്നെ തുടങ്ങാനാകില്ല. തീരം സംരക്ഷിക്കാന് കടല്ഭിത്തിയുണ്ട്. ഖനനം പ്രശ്നമുണ്ടാക്കിയാല് അത് പരിഹരിക്കും. ജനങ്ങളുടെ സഹകരണത്തോടെയാണ് ഖനനമെന്നും മന്ത്രി പറഞ്ഞു.
ആലപ്പാട് ഖനനം നടത്തുന്ന ഇന്ത്യന് റെയര് എര്ത്ത്സ് ലിമിറ്റഡിനെതിരെ (ഐആര്ഇ) മുമ്ബ് ഒരു പരാതിയും ഉയര്ന്നിട്ടില്ല. ഐആര്ഇയും കെഎഏംഎംഎല്ലും ഒരിക്കലും പൂട്ടില്ല. കെഎച്ച്എംഎല് എംഡിയുടെ റിപ്പോര്ട്ടില് ആലപ്പാട് പ്രശ്നമുള്ളതായി പരാമര്ശമില്ല. മലപ്പുറത്തുള്ള ചിലരാണ് ചര്ച്ചകളില് ആലപ്പാടിനെക്കുറിച്ച് പറയുന്നതെന്നും മന്ത്രി കുറ്റപ്പെടുത്തി.
അതേസമയം അലപ്പാട്ടെ ജനങ്ങള്ക്കിടയിലുള്ള ആശങ്ക അകറ്റാന് ഐആര്ഇ തയാറാകണമെന്ന് സിപിഎം കൊല്ലം ജില്ലാ സെക്രട്ടറി എസ് സുദേവന് ആവശ്യപ്പെട്ടു. വ്യവസ്ഥകള് പാലിക്കാനുള്ള ഉത്തരവാദിത്തം ഐആര്ഇക്കാണെന്ന് ചൂണ്ടികാട്ടിയ സിപിഎം കരാര് വ്യവസ്ഥകള് ഐആര്ഇ പാലിക്കണമെന്നും ആവശ്യപ്പെട്ടു. ലാഭ വിഹിതത്തില് നിന്ന് പ്രാദേശിക വികസനം നടത്താന് ഐആര്ഇ തയാറായില്ല. ഐആര്ഇയുടെ ഉത്തരവാദിത്വം കേന്ദ്ര സര്ക്കാരിനാണെന്നും ജനങ്ങളുടെ ആശങ്ക അകറ്റാന് നടപടി വേണമെന്നും സിപിഎം കൊല്ലം ജില്ലാ സെക്രട്ടറി എസ് സുദേവന് ആവശ്യപ്പെട്ടു.
https://www.facebook.com/Malayalivartha
