നരേന്ദ്ര മോദി ബുദ്ധിപരമായ നീക്കം നടത്തിയപ്പോള് മുസ്ലീം ലീഗല്ലാതെ ഒരു പാര്ട്ടിയുടെയും നാവ് പൊങ്ങിയില്ല; കേന്ദ്രസര്ക്കാര് നടപടിക്കെതിരെ സുപ്രീം കോടതിയെ സമീപിക്കുമെന്ന് വെള്ളാപ്പള്ളി നടേശന്
മുന്നാക്ക വിഭാഗക്കാരില് സാമ്പത്തികമായി പിന്നാക്കം നില്ക്കുന്നവര്ക്ക് സാമ്പത്തിക സംവരണം ഏര്പ്പെടുത്തിയ കേന്ദ്രസര്ക്കാര് നടപടിക്കെതിരെ സുപ്രീം കോടതിയെ സമീപിക്കുമെന്ന് എസ്.എന്.ഡി.പി യോഗം ജനറല് സെക്രട്ടറി വെള്ളാപ്പള്ളി നടേശന് പറഞ്ഞു. കേന്ദ്രസര്ക്കാരിന്റെ തീരുമാനം ഏകപക്ഷീയമാണ്. ഭരണഘടനയ്ക്ക് പുറത്തുള്ള ഒരു സംവരണവും അനുവദിക്കില്ല. നരേന്ദ്ര മോദി ബുദ്ധിപരമായ നീക്കം നടത്തിയപ്പോള് മുസ്ലീം ലീഗല്ലാതെ ഒരു പാര്ട്ടിയുടെയും നാവ് പൊങ്ങിയില്ലെന്നും അദ്ദേഹം കൂട്ടിച്ചേര്ത്തു.
സാമുദായിക സംവരണമാണ് പരമ്ബരാഗതമായി എസ്.എന്.ഡി.പി യോഗം വിശ്വസിക്കുന്നതും അംഗീകരിക്കുന്നതും. സാമ്ബത്തിക സംവരണം നടപ്പിലാക്കുന്നതിനോട് എസ്.എന്.ഡി.പി യോഗത്തിന് ഒരു യോജിപ്പുമില്ല. ഏകപക്ഷീയമായി സംവരണം നല്കാന് തീരുമാനിച്ചത് അങ്ങേയറ്റം വഞ്ചനാകരമാണ് ഭരണഘടനവിരുദ്ധമാണ്. അബേദ്കര് എഴുതിവച്ച ഭരണഘടനയുടെ ചട്ടക്കൂട്ടില് നിന്നുകൊണ്ടുള്ള ഭേദഗതിയല്ലാതെ മറ്റൊരു ഭേദഗതിയും നടപ്പിലാക്കാന് പാര്ലമെന്റിന് അധികാരമില്ല. ഇതിനെതിരെ തീര്ച്ചയായും സുപ്രീം കോടതിയെ സമീപിക്കുമെന്നും വെള്ളാപ്പള്ളി വ്യക്തമാക്കി.
അതേസമയം, സാമ്ബത്തിക സംവരണം നടപ്പാക്കിയതിന് കേന്ദ്രസര്ക്കാരിന് നന്ദി അറിയിച്ച് എന്.എസ്.എസ്. സാമ്ബത്തിക സംവരണം നടപ്പാക്കിയതിലൂടെ എല്ലാ വിഭാഗങ്ങള്ക്കും സാമൂഹിക നീതി നടപ്പാക്കാന് വേണ്ടിയുള്ള നീതി ബോധവും ഇച്ഛാശക്തിയുമാണ് നരേന്ദ്രമോദി നയിക്കുന്ന കേന്ദ്രസര്ക്കാര് തെളിയിച്ചിരിക്കുന്നതെന്നും എന്.എസ്.എസ് ജനറല് സെക്രട്ടറി സുകുമാരന് നായരുടെ കത്തില് പറയുന്നു.
സമുദായത്തിന്റെ ദീര്ഘകാലത്തെ ആവശ്യം അംഗീകരിച്ചതിന് നന്ദി അറിയിക്കുന്നുവെന്ന് മോദിക്ക് അയച്ച കത്തില് പറയുന്നു. 'നിലവിലുള്ള സംവരണ വ്യവസ്ഥകള്ക്ക് യാതൊരു മാറ്റവും വരുത്താതെ തന്നെ പതിറ്റാണ്ടുകളായി അവഗണിക്കപ്പെട്ട മുന്നോക്ക വിഭാഗത്തിലെ സാമ്ബത്തികമായി പിന്നാക്കം നില്ക്കുന്നവര്ക്ക് വിദ്യാഭ്യാസം, തൊഴില് എന്നീ മേഖലകളില് 10 ശതമാനം സാമ്ബത്തിക സംവരണം ഏര്പ്പെടുത്തികൊണ്ടുള്ള കേന്ദ്രസര്ക്കാരിന്റെ തീരുമാനം ചരിത്രപരവും അഭിനന്ദനാര്ഹവുമാണ്'- സുകുമാരന് നായര് കത്തില് വ്യക്തമാക്കുന്നു.
https://www.facebook.com/Malayalivartha
