വണ്ടിച്ചെക്ക് കേസില്‍ ആക്ടിവിസ്റ്റ് രഹന ഫാത്തിമയ്ക്കു തടവും പിഴയും. ഒരു ദിവസത്തെ തടവും പിഴയടക്കം 2,10,000 രൂപ കെട്ടി വയ്ക്കാനാനുമാണ് ആലപ്പുഴ സിജെഎം കോടതി വിധിച്ചത്. തിങ്കളാഴ്ച കോടതിയിലെത്തിയ രഹന ഫാത്തിമ പിഴയടച്ച് പ്രതിക്കൂട്ടില്‍നിന്ന് തടവുശിക്ഷ അനുഭവിച്ചു. 

ആലപ്പുഴയിലെ ആദിത്യ ഫിനാന്‍സ് ഉടമ അനില്‍കുമാര്‍ നല്‍കിയ പരാതിയിലാണ് നടപടി. രണ്ടു ലക്ഷം രൂപ വായ്പ നേടിയശേഷം വണ്ടിച്ചെക്ക് നല്‍കി കബളിപ്പിച്ചു എന്നായിരുന്നു പരാതി.