എന്.എസ്.എസ്- സി.പി.എം വാക്ക്പോര് തുടരുന്നു... സമുദായത്തെ വിമര്ശിക്കാന് സി.പി.എം സംസ്ഥാന സെക്രട്ടറി കോടിയേരിക്ക് ധാര്മിക അവകാശമില്ലെന്ന് ജി.സുകുമാരന് നായര് ആഞ്ഞടിച്ചു
എന്.എസ്.എസിനെ വിമര്ശിക്കാന് സി.പി.എം സംസ്ഥാന സെക്രട്ടറി കോടിയേരിക്ക് ധാര്മിക അവകാശമില്ലെന്ന് ജി.സുകുമാരന് നായര് ആഞ്ഞടിച്ചു. എന്.എസ്.എസിനെ രാഷ്ട്രീയം പഠിപ്പിക്കാന് കോടിയേരിയും സി.പി.എമ്മും അവരുടെ അണികളും വരേണ്ടെന്നും അദ്ദേഹം പറഞ്ഞു. ഇതോടെ സി.പി.എം- എന്.എസ്.എസ് പോര് കൂടുതല് രൂക്ഷമായി. അടുത്തകാലത്തെങ്ങും ഇത് അവസാനിക്കുമെന്ന് കരുതുന്നില്ല. വിശ്വാസസംരക്ഷണത്തിന് ആരുടെയും കാല് പിടിക്കാന് വരെ തയ്യാറാണെന്നും സുകുമാരന് നായര് പറഞ്ഞു. ഇക്കാര്യം കോടിയേരിയേയും മുഖ്യമന്ത്രിയേയും നിലപാട് അറിയിച്ചിരുന്നു. അത് തള്ളിയ കോടിയേരിക്ക് തങ്ങളെ രാഷ്ട്രീയം പഠിപ്പിക്കാന് ധാര്മികതയില്ല. ഒരു പാര്ട്ടിയുടെയും ആഭ്യന്തരപ്രശ്നങ്ങളില് എന്.എസ്.എസ് ഇടപെടാറില്ല. ശബരിമല വിഷയത്തില് ആരേയും ഭയപ്പെടുത്താനില്ല. നിഴല്യുദ്ധത്തിനില്ല. വിശ്വാസികള്ക്കൊപ്പം നിന്നത് മറ്റ് മാര്ഗമില്ലാത്തതിനാലാണെന്നും സുകുമാരന് നായര് വ്യക്തമാക്കി.
അടുത്ത നിയമസഭാ തെരഞ്ഞെടുപ്പില് ഇടത്പക്ഷത്തിന് മറുപടി നല്കുമെന്ന് സുകുമാരന് നായര് പറഞ്ഞതോടെയാണ് കോടിയേരി മറുപടിയുമായി ഇന്നലെ എത്തിയത്. എന്.എസ്.എസ് ഭയപ്പെടുത്താനോ വിരട്ടാനോ നോക്കേണ്ടെന്നും നിഴല്യുദ്ധം അവസാനിപ്പിക്കണമെന്നും കോടിയേരി ആവശ്യപ്പെട്ടു. രാഷ്ട്രീയത്തില് ഇടപെടാന് താല്പര്യമുണ്ടെങ്കില് രാഷ്ട്രീയ പാര്ട്ടി രൂപീകരിക്കുകയാണ് വേണ്ടത്. അല്ലാതെ സി.പി.എമ്മിന്റെ ആഭ്യന്തരപ്രശ്നങ്ങളില് ഇടപെടുകയല്ല വേണ്ടത്. മുമ്പ് എന്.എസ്.എസ് രൂപീകരിച്ച എന്.ഡി.പി എന്ന പാര്ട്ടി കേരളം കണ്ടതില്വെച്ച് ഏറ്റവും വലിയ അഴിമതി പ്രസ്ഥാനമായിരുന്നെന്നും കോടിയേരി ചൂണ്ടിക്കാണിച്ചു.
എന്.എസ്.എസിന്റെ കമ്മ്യൂണിസ്റ്റ് വിരുദ്ധനിലപാടുകള് പാര്ട്ടിക്കാരായ സമുദായ അംഗങ്ങളെ അണിനിരത്തി നേരിടുമെന്നും കോടിയേരി വ്യക്തമാക്കി. സുകുമാരന് നായര് പറയുന്നത് അണികള് പോലും കേള്ക്കുന്നില്ലെന്ന് എല്.ഡി.എഫ് കണ്വീനര് എ.വിജയരാഘവന് പറഞ്ഞതാണ് സുകുമാരന് നായരെ ചൊടിപ്പിച്ചത്. അതിന് മറുപടിയാണ് ഞായറാഴ്ച അദ്ദേഹം ചങ്ങനാശേരിയില് നല്കിയത്. തുടര്ന്നാണ് കോടിയേരി വിമര്ശനവുമായി എത്തിയത്. ഇന്ന് കോടിയേരിക്ക് മറുപടിയുമായി സുകുമാരന് നായരും എത്തി. ഇരുവരും കൊണ്ടും കൊടുത്തും നടത്തുന്ന വാക്പോര് ലോക്സഭാ തെരഞ്ഞെടുപ്പോടെ അവസാനിക്കുമെന്നാണ് കരുതുന്നത്. എന്നാല് ആചാരസംരണത്തിനായി കോണ്ഗ്രസും ബി.ജെ.പിയും വന്നാലും സഹകരിക്കും എന്ന നിലപാടിലാണ് സുകുമാരന് നായര്.
ഈ സര്ക്കാര് അധികാരത്തില് വന്നശേഷം എന്.എസ്.എസുമായി ഏറെ അടുപ്പത്തിലായിരുന്നു. അങ്ങനെയാണ് 10 ശതമാനം സാമ്പത്തിക സംവരണം ദേവസ്വം ബോര്ഡില് ഏര്പ്പെടുത്താന് സര്ക്കാര് തീരുമാനിച്ചത്. ശബരിമല വിധിയോടെ എല്ലാം തകിടം മറിയുകയായിരുന്നു. വിധി നടപ്പാക്കരുതെന്നും പുന:പ്പരിശോധനാ ഹര്ജി നല്കണമെന്നുമുള്ള എന്.എസ്.എസിന്റെ ആവശ്യം മുഖ്യമന്ത്രി തള്ളി. മുഖ്യമന്ത്രിക്ക് ദാര്ഷ്ട്യവും ധിക്കാരവുമാണെന്ന് സുകുമാരന് നായര് വാര്ത്താസമ്മേളനത്തില് ആരോപിച്ചു.
പാര്ട്ടിയില് ഭരണഘടന അനുസരിച്ചാണ് അദ്ദേഹം ഭരിക്കുന്നതെന്നും ആരോപിച്ചു. കണ്ണുരുട്ടലും വിരട്ടലും ഇവിടെ വേണ്ടെന്നും ഇത് സര്ക്കാര് വേറെയാണെന്നും അതൊക്കെ ചെലവാകുന്നിടത്ത് മതിയെന്നും മുഖ്യമന്ത്രി പിണറായി വിജയന് സുകുമാരന് നായരുടെ പേരെടുത്ത് പറയാതെ മറുപടിയും നല്കി. അന്ന് തുടങ്ങിയ പോര് എന്ന് തീരുമെന്ന് അറിയില്ല.
https://www.facebook.com/Malayalivartha
