തിരുവനന്തപുരത്തെ എസ്.ബി.ഐ ട്രഷറി ബ്രാഞ്ച് ആക്രമിക്കുകയും മാനേജരെ ഭീഷണിപ്പെടുത്തുകയും ചെയ്ത കേസില് എട്ട് എന്.ജി.ഒ യൂണിയന് നേതാക്കള് ഒരോ ലക്ഷം ബോണ്ട് കെട്ടിവെച്ച് ജാമ്യം നേടി
തിരുവനന്തപുരത്തെ എസ്.ബി.ഐ ട്രഷറി ബ്രാഞ്ച് ആക്രമിക്കുകയും മാനേജരെ ഭീഷണിപ്പെടുത്തുകയും ചെയ്ത കേസില് എട്ട് എന്.ജി.ഒ യൂണിയന് നേതാക്കള്ക്ക് ജാമ്യം. ഇവരുടെ അക്രമത്തില് നശിച്ച വസ്തുവകകള് നശിപ്പിക്കുന്നതിന് ഓരോരുത്തരും ഒരു ലക്ഷം രൂപാ വീതം ജാമ്യത്തുക കെട്ടിവയ്ക്കണം. എല്ലാ ഞാറാഴ്ചയും കന്റോന്മെന്റ് സ്റ്റേഷനില് ഒപ്പിടണം എന്നിവയാണ് ജാമ്യ ഉപാധികള്. കഴിഞ്ഞമാസം ആദ്യം നടന്ന ദേശീയ പണിമുടക്കിനോട് അനുബന്ധിച്ചാണ് ഇവര് ആക്രമണം നടത്തിയത്.
സി.പി.എം അനുകൂല സംഘടനാ നേതാക്കന്മാരായ ഇവര്ക്കെതിരെ ഡി.സി.പിയായിരുന്ന ചൈത്ര തെരേസാ ജോണ് ശക്തമായ വകുപ്പുകള് ചുമത്തി കോടതിയില് റിപ്പോര്ട്ട് നല്കിയത് കൊണ്ടാണ് ജാമ്യം ലഭിക്കാന് വൈകിയത്. ഇവരുടെ ആക്രമണത്തിനെതിരെ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന് അന്നേ രംഗത്ത് വന്നിരുന്നു. ഇത്തരം പ്രവര്ത്തികള് പണിമുടക്കിന്റെ പ്രാധാന്യം നഷ്ടപ്പെടുത്തുമെന്നാണ് കോടിയേരി വിമര്ശിച്ചത്.
ഏരിയ കമ്മറ്റി സെക്രട്ടറി അശോക്, എന് ജി ഒ യൂണിയന് ജില്ലാ സെക്രട്ടറി അംഗം ഹരിലാല്, എന് ജി ഒ നേതാവ് പി കെ വിനുകുമാര്, തിരുവനന്തപുരം ജില്ലാ പ്രസിഡന്റ് അനില് കുമാര്, സംസ്ഥാന കമ്മറ്റി അംഗം സുരേഷ് ബാബു,യൂണിയന് നേതാക്കളായ ബിജോയ് രാജ്, ശ്രീ വത്സന്, സുരേഷ് കുമാര് എന്നിവര്ക്കാണ് ജാമ്യം ലഭിച്ചത്. സെക്രട്ടറിയേറ്റ് നോര്ത്ത് ഗേറ്റിന് അടുത്ത് സംയുക്ത സമരസമിതിയുടെ പന്തലിന് തൊട്ടടുത്തുള്ള ബ്രാഞ്ചിന് നേരെയാണ് ആക്രമണമുണ്ടായത്. റിമാന്ഡില് കഴിയുന്ന എല്ലാ പ്രതികളെയും സര്വ്വീസില് നിന്ന് സസ്പെന്ഡ് ചെയ്തിരുന്നു. അക്രമത്തില് ബാങ്കിന് ഒന്നരലക്ഷം രൂപയുടെ നഷ്ടമുണ്ടായെന്നാണ് കേസ്.
https://www.facebook.com/Malayalivartha
