കെ.എസ്.ആര്.ടി.സി.ഇ.എ മുന് വര്ക്കിംഗ് പ്രസിഡന്റും സി.ഐ.ടി.യു നേതാവുമായ മുന് എം.എല്.എ കെ.കെ ദിവാകരനെ തള്ളിപ്പറഞ്ഞതിനാല് ഇനി എം.പാനല് കൂട്ടായ്മയെ സഹായിക്കേണ്ടെന്ന് കെ.എസ്.ആര്.ടി.സിയിലെ സി.ഐ.ടി.യു അനുകൂല സംഘടനയായ കെ.എസ്.ആര്.ടി.സി.ഇ.എയിലെ ഒരു വിഭാഗം
തിരുവനന്തപുരം: കെ.എസ്.ആര്.ടി.സി.ഇ.എ മുന് വര്ക്കിംഗ് പ്രസിഡന്റും സി.ഐ.ടി.യു നേതാവുമായ മുന് എം.എല്.എ കെ.കെ ദിവാകരനെ തള്ളിപ്പറഞ്ഞതിനാല് ഇനി എം.പാനല് കൂട്ടായ്മയെ സഹായിക്കേണ്ടെന്ന് കെ.എസ്.ആര്.ടി.സിയിലെ സി.ഐ.ടി.യു അനുകൂല സംഘടനയായ കെ.എസ്.ആര്.ടി.സി.ഇ.എയിലെ ഒരു വിഭാഗം. ഇന്നലെ ആലുവയില് നടന്ന യോഗത്തിലാണ് വൈക്കം വിശ്വനെ അനുകൂലിക്കുന്നവരും കെ.കെ ദിവാകരന്പക്ഷവുമായി രൂക്ഷമായ വാക്ക്പോര് നടന്നത്. എംപാനലുകാര്ക്ക് സ്ഥിരമായി കെ എസ് ആര് ടി സിയില് ജോലി കിട്ടണമെങ്കില് വിഷയം സര്ക്കാര് ഇന്ഡസ്ട്രിയല് ട്രിബ്യൂണലിന് വിടണമെന്നാണ് ഹൈക്കോടതി അഭിഭാഷകനായ അഡ്വ.ജോണ് മനയാനിയുടെ നിയമോപദേശം ചര്ച്ചക്കെടുത്തപ്പോള് ആണ് ദിവാകരപക്ഷം ഇനി എം.പാനലുകാരെ അനുകൂലിക്കേണ്ടെന്ന നിലപാട് എടുത്തത്.
കഴിഞ്ഞ ദിവസം സെക്രട്ടേറിയറ്റിനു മുന്നില് നടക്കുന്ന എം പാനലുകാരുടെ സമരത്തില് പങ്കെടുക്കാന് വി.എം സുധീരന് ഉള്പ്പെടെയുള്ള കോണഗ്രസ് നേതാക്കള് എത്തിയിരുന്നു. ഈ സമയമാണ് എം.പാനല് കൂട്ടായ്മയിലെ നേതാക്കള് ഇടതുനേതാക്കളെ തള്ളിപ്പറഞ്ഞത്. ഇടതുനേതാക്കള്ക്ക് ആത്മാര്ത്ഥതയില്ലെന്നും ദിവാകരനെ പോലുള്ളവര്ക്ക് സമരം അവസാനിപ്പിക്കാന് സാധിക്കുമെങ്കിലും സമരപ്പന്തലില് വെറുതേയെത്ത് അഭിവാദ്യം അര്പ്പിച്ചുവെന്നറിയിച്ച് മടങ്ങുക മാത്രമേ ഇവര് ചെയ്യുന്നുള്ളൂവെന്നുമായിരുന്നു എം.പാനലുകാര് കുറ്റപ്പെടുത്തിയത്.
ഇത് വിഷയം പരിഹരിക്കാന് മുന്നിട്ടിറങ്ങിയ സി.ഐ.ടി.യു നേതാക്കളെ ചൊടിപ്പിക്കുകയും ഇന്നലത്തെ ആലുവാ യോഗത്തില് ചേരിതിരിഞ്ഞ തര്ക്കിക്കുകയും ചെയ്യുകയായിരുന്നു. ഇന്നലെ എം.പാനലുകാര്ക്ക് ജോലി നല്കുന്ന കാര്യം യോഗത്തില് ഔദ്യോഗികമായി യൂണിയന് തലത്തില് പ്രധ്യാപിക്കാനിരിക്കെയാണ് തര്ക്കം മുറികയത്. ഇതിനിടയിലാണ് എംപാനലുകാര്ക്ക് സ്ഥിരമായി കെ എസ് ആര് ടി സിയില് ജോലി കിട്ടണമെങ്കില് വിഷയം സര്ക്കാര് ഇന്ഡസ്ട്രിയല് ട്രിബ്യൂണലിന് വിടണമെന്നാണ് ഹൈക്കോടതി അഭിഭാഷകനായ അഡ്വ.ജോണ് മനയാനിയുടെ നിയമോപദേശം ലഭിക്കുന്നത്. പാലയിലെ സെന്റ്റര് ഫോര് കണ്സ്യൂമര് എഡ്യൂക്കേഷന് മാനേജിങ് ട്രസ്റ്റി അഡ്വ. ജയിംസ് വടക്കന് ഗതാഗതമന്ത്രി എകെ ശശീന്ദ്രന് ഇന്നലെ തന്നെ ഇത് കൈമാറിയതോടെ മന്ത്രി അടിയന്തര നടപടികള് തുടങ്ങി.
https://www.facebook.com/Malayalivartha
