അവര്ക്കൊപ്പം ഒരുമിച്ച് നില്ക്കാം; പുല്വാമയില് മരിച്ച ധീരജവാന്മാര്ക്ക് ആദരാഞ്ജലി അര്പ്പിച്ച് മോഹന്ലാല്
പുല്വാമയില് മരിച്ച ധീരജവാന്മാര്ക്ക് ആദരാഞ്ജലി അര്പ്പിച്ച് മോഹന്ലാല്. അവര്ക്കൊപ്പം ഒരുമിച്ച് നില്ക്കാം. സൈനികരുട മരണം വേദനിപ്പിച്ചുവെന്നും മോഹന്ലാല് ഫെയ്സ്ബുക്കില് കുറിച്ചു. രക്തസാക്ഷികളാകുന്ന സൈനികരുടെ കുടുംബത്തെക്കുറിച്ച് ആലോചിക്കാറുണ്ട്. അവരുടെ ദുഖത്തിനൊപ്പം നമുക്ക് ഒരുമിച്ച് ചേരാം. മരിച്ച സൈനികര്ക്ക് വേണ്ടി പ്രാര്ത്ഥിക്കാമെന്നും മോഹന്ലാല് ഫെയ്സ്ബുക്ക് കുറിപ്പില് പറഞ്ഞു.
മലയാള സിനിമയില് ഏറ്റവും കൂടുതല് പട്ടാളവേഷങ്ങള് ചെയ്തത് മോഹന്ലാലായിരുന്നു. ഇന്നലെ വൈകീട്ട് മൂന്നേകാലോടെയായിരുന്നു രാജ്യത്തെ നടുക്കിയ ഭീകരാക്രമണം നടന്നത്. മലയാളിയായ സൈനികന് ഉള്പ്പെടെ 44 പേരാണ് ആക്രമണത്തില് കൊല്ലപ്പെട്ടത്. 2547 ജവാന്മാരുമായിപ്പോയ വാഹന വ്യൂഹത്തിന് നേരെ സ്ഫോടക വസ്തുക്കളുമായി ചാവേര് കാര് ഓടിച്ച് കയറ്റുകയായിരുന്നു. സംഭവത്തിന് പിന്നാലെ പാക്കിസ്ഥാന് ഭീകര സംഘടനയായ ജെയ്ഷെ മുഹമ്മദ് ആക്രമണത്തിന്റെ ഉത്തരവാദിത്വം ഏറ്റെടുത്തു. മരണ സംഖ്യ ഉയരാനിടയുണ്ടെന്നാണ് വിവരം.അതേസമയം, പാക്കിസ്ഥാനെ ഒറ്റപ്പെടുത്തുമെന്ന് കേന്ദ്രധനമന്ത്രി അരുണ് ജെയറ്റ്ലി പറഞ്ഞു. പാക്കിസ്ഥാന് നല്കിയ സൗഹൃദ രാഷ്ട്ര പദവി പിന്വലിച്ചെ്ന്നും അദ്ദേഹം വ്യക്തമാക്കി. പാക്കിസ്ഥാന് എതിരെ നയതന്ത്ര സമ്മര്ദ്ദം കടുപ്പിക്കും. ആക്രമണത്തില് രാജ്യം തിരിച്ചടി നല്കും. യോഗത്തില് ഇത് സംബന്ധിച്ച ശക്തമായ തീരുമാനം എടുത്തിട്ടുണ്ടെന്നും അത് ഇപ്പോള് വ്യക്തമാക്കാന് കഴിയില്ലെന്നും മന്ത്രി വ്യക്തമാക്കി.പുല്വാമ ഭീകരാക്രമണത്തിന് പിന്നാലെ പാക്കിസ്ഥാന് താക്കീതുമായി ഇന്ത്യ. ഭീകരര്ക്കുള്ള പിന്തുണ നല്കുന്നത് നിര്ത്താന് പാകിസ്ഥാന് തയ്യാറാകണമെന്ന് വിദേശ കാര്യമന്ത്രാലയം ആവശ്യപ്പെട്ടു. എന്നാല് ആക്രമണവുമായി ബന്ധമില്ലെന്ന് പാകിസ്ഥാന് പ്രതികരിച്ചു.അടിസ്ഥാന രഹിതമായ ആരോപണമാണിത്. അന്വേഷണം നടത്താതെ ഇത്തരം ആരോപണങ്ങള് ഉന്നയിക്കുന്നത് ശരിയില്ല. പാക്കിസ്ഥാന് എന്നും ഭീകരതയ്ക്ക് എതിരാണെന്നും പാക്കിസ്ഥാന് വ്യക്തമാക്കി.
അതേസമയം ഇന്ത്യക്ക് പിന്തുണയുമായി അമേരിക്ക ഉള്പ്പെടെയുള്ള ലോകരാജ്യങ്ങള് രംഗത്തെത്തി. ആക്രമണത്തെ ഐക്യരാഷ്ട്രസഭ സെക്രട്ടറി ജനറല് അന്റോണിയോ ഗുട്ടിറസ് അപലപിച്ചു. ശ്രീലങ്ക, ഫ്രാന്സ്, ബ്രിട്ടണ്, റഷ്യ തുടങ്ങിയവരും പിന്തുണയുമായി രംഗത്തെത്തിയിട്ടുണ്ട്.ജമ്മുകശ്മീരിലെ പുല്വാമ ജില്ലയില് അവന്തിപോര പ്രദേശത്തുവെച്ചാണ് സി ആര് പി എഫ് വാഹനവ്യൂഹത്തിനു നേരെ ഭീകരര് ചാവേര് ആക്രമണം നടത്തിയത്. ആക്രമണത്തിന്റെ ഉത്തരവാദിത്തം പാകിസ്താന് ഭീകരസംഘടനയായ ജെയ്ഷെ മുഹമ്മദ് ഏറ്റെടുത്തു. പുല്വാമയിലെ കാകപുര സ്വദേശിയായ ആദില് അഹമ്മദാണ് ചാവേറായതെന്ന് പൊലീസ് അറിയിച്ചു. രണ്ടു പതിറ്റാണ്ടിനിടെ സൈന്യത്തിന് നേരെയുണ്ടായ ഏറ്റവും വലിയ ഭീകരാക്രമണാണിത്. ഗവര്ണ്ണര് സത്യപാല് മാലിക്ക് സംഭവസ്ഥലത്ത് എത്തി. ആക്രമണത്തിന്റെ പശ്ചാത്തലത്തില് പ്രധാനമന്ത്രിയുടെ ഔദ്യോഗപരിപാടികള് മുഴുവന് റദ്ദാക്കിയിട്ടുണ്ട്.പുല്വാമയില് ജെയ്ഷെ മുഹമ്മദ് തീവ്രവാദി നടത്തിയ ചാവേര് ആക്രമണത്തില് മരിച്ചവരില് വയനാട് സ്വദേശിയും ഉള്പ്പെട്ടിട്ടുണ്ട്. വയനാട് ലക്കിടി സ്വദേശിയായ വി വി വസന്തകുമാരാണ് കൊല്ലപ്പെട്ടത്. എണ്പത്തിരണ്ടാം ബെറ്റാലിയനില്പ്പെട്ട വസന്ത് കുമാര് അടക്കം 44 പേരാണ് ഇന്നലത്തെ ആക്രമണത്തില് കൊല്ലപ്പെട്ടത്. ബറ്റാലിയന് മാറുന്നതുമായി ബന്ധപ്പെട്ട് ലഭിച്ച അഞ്ച് ദിവസത്തെ ലീവിന് വീട്ടിലെത്തിയിരുന്ന വസന്തകുമാര് കഴിഞ്ഞ ഒമ്പതാം തിയതിയാണ് തിരിച്ച് ജമ്മുകശ്മീരിലേക്ക് പോയത്. അതേസമയം പാക്കിസ്ഥാനെ ഒറ്റപ്പെടുത്തുമെന്ന് കേന്ദ്രധനമന്ത്രി അരുണ് ജെയറ്റ്ലി. പുല്വാമയിലെ ഭീകരാക്രമണത്തിന് ശേഷം ക്യാബിനറ്റ് കമ്മിറ്റിയുടെ അടിയന്തര യോഗത്തിന് ശേഷം മാധ്യമ പ്രവര്ത്തകരെ കാണുകയായിരുന്നു അദ്ദേഹം. പാക്കിസ്ഥാന് നല്കിയ സൗഹൃദ രാഷ്ട്ര പദവി പിന്വലിച്ചെ്ന്നും അദ്ദേഹം വ്യക്തമാക്കി. പാക്കിസ്ഥാന് എതിരെ നയതന്ത്ര സമ്മര്ദ്ദം കടുപ്പിക്കും. ആക്രമണത്തില് രാജ്യം തിരിച്ചടി നല്കും. യോഗത്തില് ഇത് സംബന്ധിച്ച ശക്തമായ തീരുമാനം എടുത്തിട്ടുണ്ടെന്നും അത് ഇപ്പോള് വ്യക്തമാക്കാന് കഴിയില്ലെന്നും മന്ത്രി വ്യക്തമാക്കി.
https://www.facebook.com/Malayalivartha
