കുറ്റവാളികള്ക്കെതിരെ കര്ശന നടപടി ; കാസര്കോട് പെരിയയിലെ യൂത്ത് കോണ്ഗ്രസ് പ്രവര്ത്തകരുടെ കൊലപാതകത്തിന്റെ പശ്ചാത്തലത്തിൽ സിപിഎം അക്രമത്തെ പ്രോത്സാഹിപ്പിക്കുന്ന ഒരു പാർട്ടിയല്ലെന്ന് വ്യക്തമാക്കി മുഖ്യമന്ത്രി പിണറായി വിജയൻ
കാസര്കോട് പെരിയയിലെ യൂത്ത് കോണ്ഗ്രസ് പ്രവര്ത്തകരുടെ കൊലപാതകത്തിന്റെ പശ്ചാത്തലത്തിൽ സിപിഎം അക്രമത്തെ പ്രോത്സാഹിപ്പിക്കുന്ന ഒരു പാർട്ടിയല്ലെന്ന് വ്യക്തമാക്കി മുഖ്യമന്ത്രി പിണറായി വിജയൻ. അക്രമത്തിന്റെ വേദന അനുഭവിച്ച പാര്ട്ടിയാണിത്. ഒരുപാട് ജീവനുകള് നഷ്ടപ്പെട്ട വേദന കടിച്ചമര്ത്തിയ പാര്ട്ടിയാണ്. ആരെയും കൊല്ലാന് നില്ക്കുന്ന പാര്ട്ടിയല്ല സിപിഎമ്മെന്നും മുഖ്യമന്ത്രി വാർത്താ സമ്മേളനത്തിൽ പറഞ്ഞു.
പെരിയയിലെ യൂത്ത് കോണ്ഗ്രസ് പ്രവര്ത്തകരുടെ കൊലപാതകത്തില് കര്ശന നടപടികള് ഉണ്ടാകുമെന്ന് മുഖ്യമന്ത്രി വ്യക്തമാക്കി. കുറ്റവാളികള്ക്കെതിരെ കര്ശന നടപടി സ്വീകരിക്കാന് ഉന്നത പൊലീസ് ഉദ്യോഗസ്ഥര്ക്ക് സര്ക്കാര് നിര്ദ്ദേശം നല്കിയിട്ടുണ്ടെന്നും അദ്ദേഹം പറഞ്ഞു. കാസര്കോട് കൊലപാതകത്തില് പാര്ട്ടിയുടെ നിലപാട് പാര്ട്ടി സെക്രട്ടറി കോടിയേരി ബാലകൃഷ്ണന് അര്ത്ഥശങ്കക്ക് ഇടയില്ലാത്ത വിധം വ്യക്തമാക്കിയിട്ടുണ്ടെന്നും മുഖ്യമന്ത്രി പറഞ്ഞു.
കാസര്കോട് നടന്നതുപോലെ ഒരു കാര്യം രാഷ്ട്രീയബോധമുള്ള ആരും ചെയ്യില്ല. അങ്ങനെയൊന്ന് ആസൂത്രണം ചെയ്യണ്ട കാര്യം പാര്ട്ടിക്കില്ല. അതില് ബന്ധമുള്ള ആളുകള്ക്കെതിരെ പാര്ട്ടിയും കര്ക്കശമായ നിലപാടുകള് എടുക്കുമെന്നും മുഖ്യമന്ത്രി പറഞ്ഞു. നാടാകെ എല്ഡിഎഫിന്റെ രണ്ട് ജാഥകളില് കേന്ദ്രീകരിക്കുന്ന സമയമാണ്. രാഷ്ട്രീയത്തിന്റെ ആദ്യാക്ഷരം അറിയുന്നവരാരും ഇത്തരത്തില് ഒരു കുറ്റകൃത്യത്തിന് തയ്യാറാകില്ല.
പ്രതിപക്ഷനേതാവ് കൊലപാതകത്തിന്റെ ഉത്തരവാദിയായി തന്നെ ചിത്രീകരിക്കുന്നത് തന്നെയാണ്. എന്തൊരു പറച്ചിലാണതെന്നും മുഖ്യമന്ത്രി ചോദിച്ചു. പാര്ട്ടി അക്രമത്തെ പ്രോത്സാഹിപ്പിക്കില്ല. അക്രമത്തിന്റെ വേദന അനുഭവിച്ച പാര്ട്ടിയാണിത്. ഒരുപാട് ജീവനുകള് നഷ്ടപ്പെട്ട വേദന കടിച്ചമര്ത്തിയ പാര്ട്ടിയാണ്. ആരെയും കൊല്ലാന് നില്ക്കുന്ന പാര്ട്ടിയല്ല സിപിഎമ്മെന്നും മുഖ്യമന്ത്രി പറഞ്ഞു. സാധാരണ നിലയില് പ്രവര്ത്തിക്കാനുള്ള സാഹചര്യമുണ്ടാകണം എന്ന് ശക്തമായി ആവശ്യപ്പെടേണ്ട ഘട്ടങ്ങള് മുമ്ബ് ഉണ്ടായിട്ടുണ്ട്. ആ ഘട്ടങ്ങളിലെല്ലാം ജനം എവിടെനില്ക്കുന്നോ ആ നിലപാടായിരുന്നു പാര്ട്ടിയുടേത്. ജനങ്ങള് എതിരാകുന്ന ഒരു പ്രവര്ത്തനത്തേയും പാര്ട്ടി അംഗീകരിക്കില്ലെന്നും മുഖ്യമന്ത്രി പറഞ്ഞു.
അതേസമയം യൂത്ത് കോണ്ഗ്രസ് പ്രവര്ത്തകര് കൊല്ലപ്പെട്ട വിഷയത്തില് പാര്ട്ടിയുടെ അറിവോടു കൂടി അവിടെ ഒന്നും സംഭവിച്ചിട്ടില്ലെന്ന് സിപിഐ എം സംസ്ഥാന സെക്രട്ടറി കോടിയേരി ബാലകൃഷ്ണന്. പാര്ട്ടി തീരുമാനത്തിനു വിരുദ്ധമായ വിധത്തില് ഏതെങ്കിലും പാര്ട്ടി പ്രവര്ത്തകന് ഉള്പ്പെട്ടിട്ടുണ്ടെങ്കില് അവരെ പാര്ട്ടി സംരക്ഷിക്കില്ല എന്ന് കോടിയേരി വ്യക്തമാക്കി. പ്രതികള് ആരായാലും നിയമത്തിനു മുന്നില്കൊണ്ടുവരണമെന്നും കോടിയേരി വാര്ത്താ സമ്മേളനത്തില് പറഞ്ഞു.
അക്രമ രാഷ്ട്രീയത്തിനെതിരെ സിപിഐ എം മുമ്ബെങ്ങും ഇല്ലാത്ത രീതിയിലാണ് നിലപാട് എടുത്തിട്ടുള്ളത്. പാര്ടി പ്രവര്ത്തകര് യാതൊരു അക്രമങ്ങളിലും പങ്കെടുക്കരുത് എന്നത് പാര്ടി തീരുമാനമാണ്. അത് ഉള്കൊള്ളാന് കഴിയാത്തവര്ക്ക് പാര്ട്ടിയില് സ്ഥാനമില്ല. അത്തരക്കാര്ക്ക് പാര്ടി ഒരു സ്ഥാനവും കൊടുക്കില്ല. ആക്രമങ്ങള് ആര് നടത്തിയാലും അത് ഒഴിവാക്കണം. ഈ കൊലപാതകം നടന്ന സ്ഥലത്ത് മുമ്ബ് പല അക്രമങ്ങളും നടന്നിട്ടുണ്ട്. അതേപ്പറ്റിയൊന്നും ഇപ്പോള് പറയുന്നില്ല. അതൊന്നും കൊലപാതകത്തിന് ന്യായീകരണമല്ല. കൊലപാതക രാഷ്ട്രീയത്തോട് ഞങ്ങള്ക്ക് യോജിപ്പേയില്ല. രാഷ്ട്രീയത്തിന്റെ പേരില് ഏറ്റവും കൂടുതല് പ്രവര്ത്തകര്ക്ക് ജീവന് നഷ്ടപ്പെട്ട പാര്ട്ടിയാണ് സിപിഐ എം. കേരളത്തില് ഇതിനകം എഴുന്നൂറില് പരം സിപിഐ എം പ്രവര്ത്തകര് തന്നെ കൊല ചെയ്യപ്പെട്ടിട്ടുണ്ട്. ഇവരില് ഇരുന്നൂറിലേറെ പേരെ കൊന്നത് ആര്എസ്എസാണ് . ബാക്കി ഭൂരിപക്ഷം പേരെയും കൊന്നത് കോണ്ഗ്രസുകാരാണ്.
ചില മാധ്യമങ്ങളുടെ സമീപനം ഇടപതുപക്ഷ വിരുദ്ധമാണ്. രാഷ്ട്രീയ കൊലപാതകങ്ങള് അവസാനിപ്പിക്കണമെന്ന് പാര്ട്ടി ഒറ്റകെട്ടായി തീരുമാനിച്ചാലും സിപിഐ എം മാറാന് പാടില്ല എന്ന ചില മാധ്യമങ്ങളുടെ രീതി അംഗീകരിക്കാന് കഴിയില്ല. പാര്ടി ഓഫീസുകളും പ്രവര്ത്തകരുടെ വീടുകളും ആക്രമിക്കുന്നവര്ക്കെതിരെ പൊതുമുതല് നശിപ്പിക്കുന്ന വകുപ്പില് കേസ് എടുക്കുമെന്നും കോടിയേരി പറഞ്ഞു.
https://www.facebook.com/Malayalivartha