ഹര്ത്താല് ദിനത്തില് അടച്ച രജിസ്ട്രാര് ഓഫീസ് തുറന്ന് കമിതാക്കള്ക്ക് സാഹസിക വിവാഹം
പെരിയയില് യുവാക്കള് കൊല്ലപ്പെട്ടതിനു പിന്നാലെ കോണ്ഗ്രസ് പ്രഖ്യാപിച്ച ഹര്ത്താലില് വലഞ്ഞത് മുഹൂര്ത്തം കുറിച്ച് രജിസ്ടര് വിവാഹത്തിനൊരുങ്ങിയ കമിതാക്കള്. ഹര്ത്താല് ദിവസം രജിസ്ട്രാര് ഓഫീസ് പ്രവര്ത്തകര് പൂട്ടിച്ചതോടെയാണ് മുഹൂര്ത്ത സമയത്ത് കല്ല്യാണം മുടങ്ങുമെന്ന സ്ഥിതിയായത്.
കാട്ടിലങ്ങാടിയിലെ വി.പി.സബിലാഷിന്റെയും പത്തനംതിട്ടയിലെ മെറിന് മേരിയുടെയും പ്രണയവിവാഹമാണ് ഇന്നലെ നടന്നത്. ഇന്നലെ മുഹൂര്ത്തം അനുവദിച്ചുകിട്ടിയെങ്കിലും തുറന്ന താനൂര് സബ്റജിസ്ട്രാര് ഓഫിസ് കോണ്ഗ്രസ് പ്രവര്ത്തകര് അടപ്പിച്ചിരുന്നു.
ബന്ധുക്കളുമായി കല്യാണവേഷത്തിലെത്തിയ ചെക്കനെയും പെണ്ണിനെയും കണ്ട ഹര്ത്താല് പ്രതിഷേധക്കാരുടെ മനസ്സുമലിഞ്ഞു. മണ്ഡലം പ്രസിഡന്റ് വി.പി.ശശികുമാര് താനൂര് എംഎല്എ വി.അബ്ദുറഹിമാനെ വിവരം അറിയിച്ചു. എംഎല്എ ഇടപെട്ട് ഓഫിസറെ തിരികെ വിളിപ്പിച്ചു. ഒട്ടേറെ കോണ്ഗ്രസ് പ്രവര്ത്തകരുടെയും നാട്ടുകാരുടെയും സാന്നിധ്യത്തില് വിവാഹ റജിസ്റ്ററില് ആഘോഷമായി ഒപ്പു വച്ചു.
https://www.facebook.com/Malayalivartha