വിജയം ഉറപ്പിച്ച് ഇടത് മുന്നണി; നരേന്ദ്ര മോദി സര്ക്കാരിനെതിരെയാ ഭരണ വിരുദ്ധ വികാരം തങ്ങള്ക്ക് അനുകൂലമാകുമെന്നും ഇത്തവണ പത്ത് മുതല് പതിനാല് വരെ സീറ്റുകളില് വിജയം ഉറപ്പാണെന്നും ഇടത് മുന്നണിയിലെ പ്രാഥമിക വിലയിരുത്തല്
നരേന്ദ്ര മോദി സര്ക്കാരിനെതിരെയാ ഭരണ വിരുദ്ധ വികാരം തങ്ങള്ക്ക് അനുകൂലമാകുമെന്നും ഇത്തവണ പത്ത് മുതല് പതിനാല് വരെ സീറ്റുകളില് വിജയം ഉറപ്പാണെന്നും ഇടത് മുന്നണിയിലെ പ്രാഥമിക വിലയിരുത്തല്. ആറ് മണ്ഡലങ്ങളില് വിജയം ഉറപ്പിച്ച മുന്നണി എട്ട് മണ്ഡലങ്ങളില് ശക്തമായ വിജയ പ്രതീക്ഷ വച്ച് പുലര്ത്തുന്നു. എന്നാല് ബൂത്ത് തലങ്ങളില് നിന്നടക്കം വിവര ശേഖരണം നടത്തിയ ശേഷം സംസ്ഥാന സെക്രട്ടറിയേറ്റ് കൂടിയ ശേഷമായിരിക്കും അന്തിമ വിലയിരുത്തലിലെത്തുക.
ശക്തമായ ത്രികോണ മത്സരം നടന്ന പത്തനംതിട്ട, തിരുവനന്തപുരം, തൃശൂര് മണ്ഡലങ്ങളില് വിജയം ഉറപ്പാണെന്ന് ഇടത് മുന്നണി വൃത്തങ്ങള് വിശദീകരിക്കുന്നു. എന്നാല് ഇതേക്കുറിച്ച് ഔദ്യോഗികമായി പ്രതികരിക്കാന് ഇടത് നേതാക്കള് ഇതുവരെ തയ്യാറായിട്ടില്ല. ഇത് സംബന്ധിച്ച പ്രതികരണം തേടിയ മാദ്ധ്യമങ്ങളോട് മുഖ്യമന്ത്രി പിണറായി വിജയന് മാറി നില്ക്കാന് പറഞ്ഞത് കല്ലുകടിയായി.
കേന്ദ്രസര്ക്കാരിനെതിരെ ശക്തമായ ഭരണ വിരുദ്ധ വികാരം ഉണ്ടായെങ്കിലും സംസ്ഥാന സര്ക്കാരിനെതിരെ വലിയ തോതില് എതിര്പ്പുണ്ടായില്ലെന്നാണ് ഇടത് മുന്നണിയുടെ വിലയിരുത്തല്. ഒപ്പം എണ്ണയിട്ട യന്ത്രം പോലെ പാര്ട്ടി സംവിധാനങ്ങള് പ്രവര്ത്തിച്ചതും, പ്രചാരണത്തിലോ സ്ഥാനാര്ത്ഥി നിര്ണയത്തിലോ അസ്വാരസ്യങ്ങള് ഉണ്ടാകാത്തതും പഴുതടച്ച പ്രചാരണവും ഓരോ വോട്ടുകളും ചെയ്യിക്കുന്നതിലെ ജാഗ്രതയും തങ്ങള്ക്ക് അനുകൂലമാകുമെന്നാണ് ഇടത് മുന്നണിയിലെ കണക്കുകൂട്ടല്.കോണ്ഗ്രസിലെ സംഘടനാ ദൗര്ബല്യവും ബി.ജെ.പി ശബരിമല വിഷയത്തില് മാത്രം ശ്രദ്ധകേന്ദ്രീകരിച്ചതും തങ്ങള്ക്ക് അനുകൂലമാകും. ന്യൂനപക്ഷ വോട്ടുകളിലെ വര്ദ്ധനവ് ഇടത് മുന്നണിക്ക് അനുകൂലമാകുമെന്നും നേതാക്കള് കരുതുന്നു.
ആലപ്പുഴ, ആലത്തൂര്, പാലക്കാട്, കണ്ണൂര്, വടകര, കാസര്കോട് എന്നീ മണ്ഡലങ്ങളില് വിജയം ഉറപ്പാണെന്നും ശക്തമായ മത്സരം നടന്നെങ്കിലും ആറ്റിങ്ങല്, ഇടുക്കി, ചാലക്കുടി എന്നിവിടങ്ങളില് നേട്ടമുണ്ടാക്കാനാകുമെന്നുമാണ് ഇടതുമുന്നണിയുടെ പ്രതീക്ഷ. ശക്തമായ ത്രികോണ മത്സരം നടന്ന തിരുവനന്തപുരത്ത് സി.ദിവാകരന് ഒന്നാമതെത്തും. കോണ്ഗ്രസിനുള്ളിലുള്ള മൃദുഹിന്ദുത്വം ശശി തരൂരിനുള്ള ന്യൂനപക്ഷങ്ങളുടെ വോട്ട് കുറച്ചുവെന്നും തീരദേശങ്ങളില് മുന്കാലങ്ങളില് ഉണ്ടായിരുന്നതിനേക്കാള് ഇടത് പാര്ട്ടികള്ക്ക് പിന്തുണയുണ്ടെന്നും മുന്നണി കണക്കാക്കുന്നു. കൊല്ലം, മാവേലിക്കര, കോഴിക്കോട് എന്നിവിടങ്ങളില് വിജയം പ്രതീക്ഷിക്കാമെന്നും മുന്നണി കരുതുന്നു. എന്നാല് ബൂത്ത് തലങ്ങളില് നിന്നുള്ള കൃത്യമായ കണക്കുകള് കിട്ടിയ ശേഷം വരും ദിവസങ്ങളില് തന്നെ സി.പി.എമ്മിന്റെയും സി.പി.ഐയുടെയും നേതൃയോഗങ്ങള് ചേരും. ഇതിന് ശേഷമായിരിക്കും അന്തിമ കണക്കുകള് പുറത്തുവരിക.
https://www.facebook.com/Malayalivartha
