മുഴുവന് സര്വകലാശാലകളിലും ആദ്യവര്ഷ ബിരുദ, ബിരുദാനന്തര ബിരുദ ക്ലാസുകള് ജൂണില് ആരംഭിക്കും
സംസ്ഥാനത്തെ സര്വകലാശാലകളിലെ അക്കാദമിക് കലണ്ടര് ഏകീകരിക്കാനുള്ള സര്ക്കാര്ശ്രമം ഫലം കണ്ടു. മുഴുവന് സര്വകലാശാലകളിലും ആദ്യവര്ഷ ബിരുദ, ബിരുദാനന്തര ബിരുദ ക്ലാസുകള് ജൂണില് ആരംഭിക്കും. കേരള, എംജി, കലിക്കറ്റ്, കണ്ണൂര്, മലയാളം, സംസ്കൃതം സര്വകലാശാലകളില് ബിരുദാനന്തര ബിരുദ ക്ലാസുകള് ജൂണ് 17നും ബിരുദ ക്ലാസുകള് ജൂണ് 24നും ആരംഭിക്കും.
മുഖ്യമന്ത്രി പിണറായി വിജയന്, ഉന്നതവിദ്യാഭ്യാസ മന്ത്രി കെ ടി ജലീല് എന്നിവരുടെ നേതൃത്വത്തില് സര്വകലാശാല വിസിമാര്, പ്രൊ വിസിമാര്, രജിസ്ട്രാര്, പരീക്ഷാ കണ്ട്രോളര് തുടങ്ങിയവരുടെ യോഗങ്ങള് മാസംതോറും വിളിച്ച് കാര്യക്ഷമത വര്ധിപ്പിക്കല് തീരുമാനങ്ങളുടെ ഫലപ്രാപ്തി നിരന്തരം പരിശോധിച്ചിരുന്നു.
മാര്ച്ചില് പരീക്ഷ കഴിഞ്ഞാല് ഏപ്രിലില്ത്തന്നെ ബിരുദ, ബിരുദാനന്തരപരീക്ഷകളുടെ ഫലം പ്രഖ്യാപിക്കണമെന്നും നിര്ദേശിച്ചിരുന്നു. എംജി, കണ്ണൂര് സര്വകലാശാലകള് റെക്കോഡ് വേഗത്തിലാണ് ഫലം പ്രസിദ്ധീകരിച്ചത്. കേരള, കണ്ണൂര്, സംസ്കൃത സര്വകലാശാലകള് ബിരുദ പ്രവേശനത്തിനുള്ള ഓണ്ലൈന് രജിസ്ട്രേഷന് നടപടിക്ക് തുടക്കമിട്ടു.
ബിഎ, ബിഎസ്സി, ബികോം തുടങ്ങിയ ആര്ട്സ് ആന്ഡ് സയന്സ് കോഴ്സുകളില് വിദ്യാര്ഥികളുടെ തള്ളിക്കയറ്റം തുടങ്ങിയതോടെ ഇഷ്ടവിഷയം ലഭിക്കണമെങ്കില് 80 ശതമാനത്തിലേറെ മാര്ക്ക് പ്ലസ് ടുവിന് ലഭിക്കണം. സര്ക്കാര്, എയ്ഡഡ് കോളേജുകളിലെ അധ്യാപക അനുപാതം പരിശോധിച്ച് അധിക സാമ്ബത്തിക ബാധ്യതകളുണ്ടാക്കാതെ പുതിയ കോഴ്സുകള് അനുവദിക്കുന്ന കാര്യവും സര്ക്കാരിന്റെ പരിഗണനയിലുണ്ട്.
പുതിയ അക്കാദമിക് വര്ഷത്തെ പ്രവേശന നടപടികള് ചര്ച്ചചെയ്യാന് ഉന്നതവിദ്യാഭ്യാസ മന്ത്രി 15ന് സര്വകലാശാലാ അധികാരികളുമായി വീഡിയോ കോണ്ഫറന്സ് നടത്തും. ഓരോ സെമസ്റ്ററിലും 90 അധ്യയനദിനങ്ങള് ഉറപ്പാക്കാനുള്ള പദ്ധതിയും ആവിഷ്കരിച്ചിട്ടുണ്ട്.
"
https://www.facebook.com/Malayalivartha