കഴിഞ്ഞ ദിവസം രാവിലെ വീട്ടില്‍ നിന്നും ഇറങ്ങിയ യുവതി വൈകിട്ട് സഹോദരിയെ വിളിച്ച്‌ 'എന്നെ അന്വേഷിക്കേണ്ടതില്ലെന്നും ഞാന്‍ എനിക്കിഷ്ടമുള്ള ആളിന്റെ കൂടെ പോകുകയാണെന്നും' അറിയിക്കുകയായിരുന്നു. പിന്നീട് മൊബൈല്‍ കാമുകന് കൈമാറി. 'യുവതി തന്റെ കൂടെ ഉണ്ടെന്നും ഞങ്ങളെക്കുറിച്ച്‌ അന്വേഷിക്കേണ്ടെന്നും' പറഞ്ഞ് ഫോണ്‍ കട്ട് ചെയ്യുകയും ചെയ്തു. സംഭവത്തില്‍ യുവതിയുടെ ഭര്‍ത്താവിന്റെ പരാതിയില്‍ ചിറ്റാരിക്കാല്‍ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

പതിനൊന്നും ഏഴും വയസ് പ്രായമുള്ള കുട്ടികളെ ഭര്‍തൃവീട്ടില്‍ ഉപേക്ഷിച്ചാണ് യുവതി കാമുകനോടൊപ്പം ഒളിച്ചോടിയത്. ചിറ്റാരിക്കാല്‍ പോലീസ് സ്റ്റേഷന്‍ പരിധിയില്‍പെട്ട മൗക്കോട് കുറ്റ്യാടിയിലെ 30 കാരിയാണ് കാമുകനൊപ്പം വീടുവിട്ടത്.