അതും തിരിച്ചു കൊത്തുന്നു... സിപിഎമ്മിന് ഏറെ ജനപ്രീതി നേടിക്കൊടുത്ത അഭിമന്യു ഇപ്പോള് തിരിച്ചടിയാകുന്നു; അഭിമന്യു വധക്കേസ് അന്വേഷണത്തില് വീഴ്ചയെന്ന് കുടുംബം; കോടതിക്ക് മുന്നില് ജീവനൊടുക്കുമെന്ന് പിതാവ്
25 JUNE 2019 12:05 PM IST
മലയാളി വാര്ത്ത
അഭിമന്യു കൊലപ്പെട്ടിട്ട് ഒരു വര്ഷത്തോളമായിട്ടും മുഴുവന് പ്രതികളേയും പിടികൂടാത്തതിനെതിരെയാണ് കുടുംബം പരസ്യമായി രംഗത്തെത്തിയത്. അന്വേഷണത്തില് വീഴ്ചയുണ്ടായെന്ന വിമര്ശനവുമായാണ് അഭിമന്യുവിന്റെ കുടുംബം പരസ്യ പ്രതികരണം നടത്തിയത്.
മുഴുവന് പ്രതികളേയും ഇതുവരെ പിടികൂടാനായിട്ടില്ല. പ്രതികളെ കണ്ടെത്തി ശിക്ഷിച്ചില്ലെങ്കില് കോടതിക്ക് മുന്നില് ജീവനൊടുക്കുമെന്നും പിതാവ് മനോഹരന് പറഞ്ഞു.
അഭിമന്യുവിന്റെ കഥ പറയുന്ന നാന് പെറ്റ മകന് എന്ന സിനിമയെ കുറച്ച് മന്ത്രി എംഎം മണി ഫെയ്സ്ബുക്കിലിട്ട പോസ്റ്റിനടിയില് അന്വേഷണത്തിലെ അതൃപ്തി അറിയിച്ച് അഭിമന്യുവിന്റെ അമ്മാവന് കമന്റിട്ടു. അഭിമന്യു മരിച്ച് ഒരു വര്ഷം ആകാനായി. ചില പ്രതികള് വിദേശത്തേക്ക് പോയെന്ന് പറയപ്പെടുന്നു. അന്വേഷണം എവിടംവരെയായി എന്നറിയില്ല. പോലീസുകാരെ മൊബൈലില് ബന്ധപ്പെട്ടിട്ട് അവര് പ്രതികരിക്കുന്നില്ല. മന്ത്രിയില് നിന്ന് മറുപടി പ്രതീക്ഷിക്കുന്നു എന്നുമാണ് അമ്മാവന് കമന്റ്.
കഴിഞ്ഞ വര്ഷം ജൂലായ് രണ്ടിനാണ് മഹാരാജാസ് കോളേജിലെ രണ്ടാം വര്ഷ ബിരുദ വിദ്യാര്ത്ഥിയായ അഭിമന്യു കൊല്ലപ്പെട്ടത്. കേസില് ഇരുപതോളം പോപുലര്ഫ്രണ്ട്, ക്യാമ്പസ് ഫ്രണ്ട് പ്രവര്ത്തകരെ പോലീസ് പിടികൂടിയെങ്കിലും അഭിമന്യുവിനെ കുത്തിയെന്ന് പറയപ്പെടുന്ന ഷഹലിനെ ഇതുവരെയും കണ്ടെത്തിയിട്ടില്ല.
എറണാകുളം മഹാരാജാസില് കൊല്ലപ്പെട്ട അഭിമന്യുവിന്റെ കഥ പറയുന്ന 'നാന് പെറ്റ മകനെ' എന്ന സിനിമയുടെ ആദ്യപ്രദര്ശനം കാണാന് അഭിമന്യുവിന്റെ മാതാപിതാക്കളും സിനിമയുടെ അണിയറപ്രവര്ത്തകരും തിരുവനന്തപുരം ലെനിന് സിനിമാസില് എത്തിയിരുന്നു. മന്ത്രിമാര്ക്കും എംഎല്എമാര്ക്കും വേണ്ടിയായിരുന്നു ചിത്രത്തിന്റെ പ്രദര്ശനം.
'നാന് പെറ്റ മകനെ എന് കിളിയെ' എന്ന അഭിമന്യുവിന്റെ അമ്മയുടെ തേങ്ങല് ഇപ്പോഴും കേരളം മറന്നിട്ടുണ്ടാകില്ല. എറണാകുളം മഹാരാജാസ് കോളേജില് കൊല്ലപ്പെട്ട അഭിമന്യുവിന്റെ ജീവിതം പറയുന്ന സിനിമ കണ്ടിറങ്ങിയ പ്രേക്ഷരുടെയും കണ്ണുകള് നിറഞ്ഞു. തീയേറ്ററിന് പുറത്തേക്കിറങ്ങിയ അഭിമന്യുവിന്റെ മാതാപിതാക്കള്ക്ക് വാക്കുകളുണ്ടായിരുന്നില്ല. മന്ത്രി എം.എം മണിയും സിനിമ കാണാന് തീയറ്ററിലെത്തിയിരുന്നു.
നൂറ്റൊന്നു ചോദ്യങ്ങളിലെ അഭിനയത്തിന് 2012 ലെ മികച്ച ബാല താരത്തിനുള്ള ദേശീയ പുരസ്കാരം കരസ്ഥമാക്കിയ മിനോണ് ആണ് അഭിമന്യുവായി അഭിനയിക്കുന്നത്. അഭിമന്യുവിന്റെ ജീവിതം നിറഞ്ഞ ആത്മാര്ത്ഥതയോടെ അവതരിപ്പിക്കാന് കഴിഞ്ഞതിന്റെ ചാരിതാര്ത്യമായിരുന്നു അണിയറ പ്രവര്ത്തകര്ക്ക്. റെഡ് സ്റ്റാര് മൂവീസ് നിര്മിക്കുന്ന ചിത്രം നവാഗതനായ സജി എസ് പാലമേല് ആണ് സംവിധാനം ചെയ്തത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
