മെസിയുടെയും നെയ്മറുടെയും റൊണാൾഡോയുടെയും സാന്നിധ്യത്തിൽ ഫുട്ബോൾ ആരാധകരായവർക്കു മാംഗല്യം
നിരവധി ഫുട്ബോൾ ആരാധകരെ നാം കണ്ടിട്ടുണ്ട് അവരിൽ നിന്നുമൊക്കെ വ്യത്യസ്തനാവുകയാണ് തുമ്പോളി സ്വദേശിയായ ഷിബു. കടുത്ത ഫുട്ബോൾ പ്രേമം നെഞ്ചിൽ കൊണ്ട് നടക്കുന്ന ഈ പ്രവാസി തൻറെ വിവാഹത്തിന് ഫുട്ബോൾ അന്തരീഷം കിട്ടുന്ന സെറ്റ് ഇടുകയായിരുന്നു.
വിവാഹത്തിന് പന്ത് കളിയുടെ ആരവം ഉണ്ടാകണം എന്ന തൻറെ ആഗ്രഹത്തിന് കൂട്ടുക്കാരും ചേർന്നപ്പോഴാണ് കല്യാണത്തിന് എത്തിയവരെ ഞെട്ടിച്ചും അമ്പരപ്പ് നൽകിയുമുള്ള കാഴ്ച്ചകൾ സമ്മാനിച്ചത്. വാടക്കൽ സ്വദേശിയായ വധു ജീനയും ഫുട്ബോൾ ആരാധികയാണ്.
മെസി, നെയ്മർ, റൊണാൾഡോ, ഇന്ത്യൻ താരങ്ങളായ ഐ.എം വിജയൻ, ബൈചുങ് ബൂട്ടിയ, സന്തേശ് ജിങ്കാൻ തുടങ്ങി ഇരുപതോളം കളിക്കാരുടെ കട്ട്ഔട്ടാണ് മണ്ഡപത്തിനു ചുറ്റുമിട്ടത്. വധു വരന്മാരെ മണ്ഡപത്തിലേക്ക് കയറ്റിയതും ഫുട്ബോൾ നൽകിയായിരുന്നു. 2018 ജൂലായിലായിരുന്നു ഇരുവരുടെയും വിവാഹ നിശ്ചയം നടന്നത്. എന്നാൽ മെസ്സിയുടെ കടുത്ത ആരാധകനായ ഷിബു അടുത്ത വർഷം ജൂൺ 24ലേക്ക് തൻറെ വിവാഹത്തെ നീട്ടി വയ്ക്കുകയായിരുന്നു. മെസ്സിയുടെ ജന്മദിനമായ അന്നു തന്നെ വിവാഹം നടത്താനായിരുന്നു ഇത്തരത്തിലുള്ള സാഹസികത്തിന് ഷിബു മുതിർന്നത്. തൻറെ പ്രിയതമൻറെ ആഗ്രഹം സഫലമാകാൻ എത്ര കാലം കാക്കനും ജീനയും തയ്യാറായിരുന്നു'
ഫുട്ബോൾ ഗ്രൗണ്ടിൻറെ മാതൃകയിലായിരുന്നു കല്യാണ കത്തും അച്ചടിച്ചത്. തൻറെ സ്വപ്ന വിവാഹത്തിന് കൂട്ടു നിന്ന എല്ലാവരോടും ഷിബു നന്ദി അറിയിക്കുകയും ചെയ്തു. കുട്ടിക്കാലം മുതൽക്കേ ഫുട്ബോൾ ഇഷ്ടമായിരുന്ന ഷിബു നിരവധി ഫുട്ബോൾ ക്ലബ്ബ്കളിലും അംഗമായിട്ടുണ്ട്.
മറഡോണ ആരാധകനായിരുന്ന ഷിബു മെസ്സി ടീമിൽ വന്നതിനു ശേഷമാണ് മെസ്സി ആരാധകനായത്. മനസിൽ നിറഞ്ഞു നിൽക്കുന്ന മെസ്സിയുടെ രൂപത്തെ ടീ ഷർട്ടുകളിലും മൊബൈൽ സ്ക്രീൻ സേവറിലുമൊക്കെ ഷിബു പകർത്തിയിട്ടുണ്ട്. തൻറെ പഴ്സിലും മെസ്സിയുടെ ഫോട്ടോകൾ കൊണ്ട് നടക്കുന്നു ഈ മെസ്സി ആരാധകൻ.
https://www.facebook.com/Malayalivartha