പ്രളയദരിതത്തില്‍ എന്ത് ചെയ്യുമെന്നറിയാതെ നൂറകണക്കിന് ആളുകള്‍ കഴിയുന്ന മലപ്പുറം ജില്ലയില്‍ സര്‍ക്കാര്‍ 23 ദുരിതാശ്വാസ ക്യാമ്പുകള്‍ നിര്‍ത്തലാക്കി. വീടുകള്‍ തകര്‍ന്നവരും ശുചിയാക്കാനുള്ളവരും ഇതോടെ വലിയ ആശങ്കയിലായി. 21 ക്യാമ്പുകളാണ് ഇപ്പോഴുള്ളത്. പിരിച്ചുവിട്ട ക്യാമ്പുകളിലുണ്ടായിരുന്നവര്‍ നിലവിലുള്ള ക്യാമ്പുകളിലേക്ക് മാറണമെന്നാണ് നിര്‍ദ്ദേശം. അതേസമയം ക്യാമ്പുകളില്‍ അടിസ്ഥാന സൗകര്യം പോലുമില്ലാത്തതിനാല്‍ പലരും വാസയോഗ്യമല്ലാത്ത വീടുകളിലേക്ക് മടങ്ങിയെന്നും ആക്ഷേപമുണ്ട്. സ്‌കൂളുകളില്‍ നാളെ മുതല്‍ ക്ലാസ് ആരംഭിക്കുന്നതിനാല്‍ ഇവിടുങ്ങളില്‍ മുന്‍ഗണന നല്‍കണമെന്നായിരുന്നു നിര്‍ദ്ദേശം. പക്ഷേ എല്ലാവര്‍ക്കും ഇപ്പേഴും വീടുകളിലേക്ക് മടങ്ങാനുള്ള സാഹചര്യമില്ല.

പലരുടെയും വീടുകളില്‍ ചെളി കെട്ടിക്കിടക്കുകയാണ്. അത് വൃത്തിയാക്കണമെങ്കില്‍ വലിയ തുക മുടക്കേണ്ടിവരും. ആദ്യഗഘുവായ 10000 രൂപ പോലും വിതരണം ചെയ്ത് തുടങ്ങിയില്ല. മറ്റ് ക്യാമ്പുകളിലേക്ക് പോകുന്നത് പലര്‍ക്കും പ്രയാസമാണ്. ഇവരുടെ വീടുകളില്‍ നിന്ന് ഏറെ അകലെയാണ് നിലവിലുള്ള ക്യാമ്പുകള്‍ പ്രവര്‍ത്തിക്കുന്നത്. ജില്ലയിലെ ശചീകരണ പ്രവര്‍ത്തനങ്ങള്‍ നടത്താനായി തിരവനന്തപുരം ജില്ലാ പഞ്ചായത്ത് ഞായറാഴ്ച 400 വോളന്റിയര്‍മാരെ അയച്ചു. മൂത്തേടം, ചാലിയാര്‍, പോത്തുകല്‍ എന്നീ പ്രദേശങ്ങള്‍ കേന്ദ്രീകരിച്ച് ശുചീകരണം നടത്തും. മന്ന് ജില്ലാ പമ്പ് സെറ്റ്, ജനറേറ്റര്‍, ശുചീകരണ വസ്തുക്കള്‍ എന്നിങ്ങനെ സര്‍വസജ്ജീകരണങ്ങളുമായാണ് വോളന്റിയര്‍മാര്‍ പുറപ്പെട്ടത്. മംഗലപുരം, നെടുമങ്ങാട്, വെള്ളനാട്, വാമനപുരം ബ്ലോക്ക് പഞ്ചായത്തുകളില്‍ നിന്നുള്ളവരും മംഗലപുരം, കരകുളം, പനവൂര്‍, പൂവച്ചല്‍, കാട്ടാക്കട, പുല്ലമ്പാറ ഗ്രാമപഞ്ചായത്തുകളില്‍ നിന്നുള്ളവരും ജില്ലാ പഞ്ചായത്ത് ഉദ്യോഗസ്ഥരും ഉള്‍പ്പെടുന്നതാണ് സംഘം.

പ്രകൃതി ദുരന്തങ്ങളെ നേരിടാന്‍ ശാസ്ത്രീയമായ മുന്‍കരുതലെന്നോണം 'മിത്രം' പദ്ധതി ആവിഷ്‌കരിക്കുമെന്ന് ജില്ലാ പഞ്ചായത്ത് പ്രസിഡന്റ് വി.കെ മധു പ്രസിഡന്റ് പറഞ്ഞു. ദുരന്തമുഖത്ത് അതിവേഗമെത്തി ദുരന്തനിവാരണ പ്രവര്‍ത്തനങ്ങളില്‍ ഏര്‍പ്പെടാന്‍ ഒരുസംഘം വോളന്റിയര്‍മാരെ സജ്ജരാക്കുന്ന പദ്ധതിയാണിത്. 400 പേര്‍ അടങ്ങുന്ന സംഘത്തെ ജില്ലാ ആസൂത്രണ സമിതിയാകും തെരഞ്ഞെടുക്കുക. ഇവര്‍ക്കുവേണ്ട പരിശീലനം, ആയുധങ്ങള്‍, മറ്റു സജ്ജീകരണങ്ങള്‍ എന്നിവ ആസൂത്രണ സമിതിയുടെ നേതൃത്വത്തില്‍ ഒരുക്കും. മുഖ്യമന്ത്രിയുടെ ദുരിതാശ്വാസ നിധിയിലേക്ക് 50 ലക്ഷം രൂപ ജില്ലാ പഞ്ചായത്ത് നല്‍കുമെന്നും വി.കെ മധു പറഞ്ഞു.