എല്ലാം മാറി മറിയുന്നു... പുറത്താക്കപ്പെട്ട സിസ്റ്റര് ലൂസി കളപ്പുരയെ മഠത്തില് പൂട്ടിയിട്ടതായി പരാതി; പ്രാര്ത്ഥനയ്ക്ക് പോകാന് അനുവദിച്ചില്ല; പോലീസ് എത്തിയാണ് തുറന്ന് വിട്ടത്; സഭയില് നിന്ന് പുറത്താക്കപ്പെട്ട സിസ്റ്റര് ലൂസി കളപ്പുര മഠം വിടണമെന്ന ആവശ്യം വഴിത്തിരിവില്
ഫ്രാന്സിസ്കന് ക്ലാരിസ്റ്റ് സന്യാസി സമൂഹം (എഫ്.സി.സി) പുറത്താക്കപ്പെട്ട സിസ്റ്റര് ലൂസി കളപ്പുര വലിയൊരു പരാതിയുമായി രംഗത്ത്. തന്നെ മഠത്തില് പൂട്ടിയിട്ടതായാണ് അവര് പരാതി ഉന്നയിക്കുന്നത്. രാവിലെ ആറരയോടെ മഠത്തിന് സമീപത്തെ പള്ളിയില് പ്രാര്ഥനക്ക് പോകാനായി പുറത്തിറങ്ങാന് ശ്രമിച്ചപ്പോഴാണ് വാതില് പൂട്ടിയിട്ട നിലയില് കണ്ടത്. വിവരം അറിയിച്ചതിനെ തുടര്ന്ന് വെള്ളമുണ്ട പൊലീസ് സ്ഥലത്തെത്തി പള്ളിയില് നിന്ന് മഠത്തിന്റെ ചുമതലയുള്ള മദറിനെ എത്തിച്ച് വാതില് തുറപ്പിക്കുകയായിരുന്നുവെന്ന് സിസ്റ്റര് ലൂസി പറഞ്ഞു.
തന്നെ തടങ്കലിലാക്കാനാണ് ശ്രമിച്ചതെന്ന് സിസ്റ്റര് ലൂസി ആരോപിച്ചു. പള്ളിയില് പ്രാര്ഥനക്ക് പോകുന്നത് തടയുന്നതിന് വേണ്ടിയാണ് പൂട്ടിയിട്ടതെന്നും അവര് പറഞ്ഞു. അതേസമയം, സംഭവത്തോട് മഠം അധികൃതര് പ്രതികരിച്ചിട്ടില്ല.
സഭയില് നിന്ന് പുറത്താക്കപ്പെട്ട സിസ്റ്റര് ലൂസി കളപ്പുര മഠം വിടണമെന്ന് ഫ്രാന്സിസ്കന് ക്ലാരിസ്റ്റ് സന്യാസി സമൂഹം കഴിഞ്ഞ ദിവസം ആവശ്യപ്പെട്ടിരുന്നു. മഠം വിട്ടിറങ്ങണമെന്ന് ചൂണ്ടിക്കാട്ടി സിസ്റ്റര് ലൂസി കളപ്പുരയുടെ മാതാവ് റോസമ്മക്ക് സന്യാസി സമൂഹം കത്ത് നല്കുകയും ചെയ്തിരുന്നു.
ഇതിന് പിന്നാലെ മഠത്തില് നിന്ന് പുറത്താക്കിയ നടപടിക്കെതിരെ സിസ്റ്റര് ലൂസി കളപ്പുര വത്തിക്കാന് പരാതി നല്കിയിരുന്നു. വത്തിക്കാന്റെ ന്യൂഡല്ഹിയിലുള്ള പൗരസ്ത്യ തിരുസംഘത്തിനാണ് ലൂസി കളപ്പുര പരാതി നല്കിയത്.
സിസ്റ്റര് ലൂസി എത്രയും വേഗം മഠം വിട്ടുപോകണമെന്ന് സന്യാസസഭ നിര്ദേശം നല്കിയത്. മകളെ കൂട്ടിക്കൊണ്ടുപോകണമെന്ന് ലൂസിയുടെ അമ്മയ്ക്ക് സഭ കത്തയച്ചു. കന്യാസ്ത്രീസമരത്തില് പങ്കെടുത്തതടക്കമുള്ള പ്രശ്നങ്ങള് ഉന്നയിച്ചായിരുന്നു നടപടി.
ബിഷപ്പ് ഫ്രാങ്കോ മുളയ്ക്കലിനെതിരെ സമരം ചെയ്ത കന്യാസ്ത്രീകള്ക്ക് ശക്തമായ പിന്തുണ നല്കിയതിന്റെ പേരിലാണ് സിസ്റ്ററിനെ സഭയില് നിന്ന് പുറത്താക്കിയത്. മെയ് 11 ന് ചേര്ന്ന ജനറല് കൗണ്സില് യോഗത്തിലാണ് ലൂസി കളപ്പുരയെ സഭയില് നിന്ന് പുറത്താക്കാന് തീരുമാനിച്ചത്.
കാരണം കാണിക്കല് നോട്ടീസിന് ലൂസി കളപ്പുര നല്കിയ വിശദീകരണം തൃപ്തികരമല്ലെന്നായിരുന്നു സഭയുടെ വിശദീകരണം. നിരവധി തവണ താക്കീത് നല്കിയിട്ടും ലൂസി കളപ്പുര ഇവയെല്ലാം അവഗണിച്ചതും പുറത്താക്കലിന് കാരണമായി സഭ പറഞ്ഞു.
സഭയുടെ നടപടിയ്ക്കെതിരെ സിസ്റ്റര് ലൂസി നേരത്തേയും രംഗത്തെത്തിയിരുന്നു. താന് വലിയ പാപങ്ങള് ചെയ്തിട്ടുണ്ടെന്നാണ് സഭ പറയുന്നത്. സഭയ്ക്ക് ആ നിലപാടില് നിന്ന് മാറാനും സാധിക്കില്ല. അതിനാല് സഭ അതിന്റെ നിലപാടില് മുന്നോട്ട് പോകട്ടെ എന്നും സിസ്റ്റര് ലൂസി കളപ്പുര പറഞ്ഞു.
സഭയെ താന് കുറ്റപ്പെടുത്തി എന്ന് കത്തില് എഴുതിയിട്ടുണ്ട്. അത്തരത്തില് താന് സഭയെ അപമാനിച്ച ഒരു മാതൃകയെങ്കിലും കാണിച്ചു തന്നിരുന്നെങ്കില് നന്നായിരുന്നു. വിരല്ത്തുമ്പില് എല്ലാ സാങ്കേതിക വിദ്യയും ലഭ്യമാവുന്ന ഇന്നത്തെ കാലത്ത് ചാനലുകളില് പോയിരുന്നാല് മാത്രമല്ല സ്വന്തം അഭിപ്രായം പറയാനാവുകയെന്നും സിസ്റ്റര് ലൂസി കളപ്പുരപറഞ്ഞു.
https://www.facebook.com/Malayalivartha
