ആശുപത്രിയിൽ രോഗികളുടെ പേഴ്സ് അടിച്ചുമാറ്റുന്ന മുണ്ടക്കയം സ്വദേശിനി നിഷയെ പോലീസ് പൊക്കി
ആശുപത്രിയിൽ തിരക്കുകൾക്കിടയിൽ രോഗികളുടെ പഴ്സ് കവർന്ന സംഭവത്തിൽ സിസിടിവി ദൃശ്യങ്ങളുടെ സഹായത്തോടെ യുവതിയെ അറസ്റ്റ് ചെയ്തു. പുഞ്ചവയൽ പാക്കാനം സ്വദേശി നിഷയെയാണ് പൊൻകുന്നം പൊലീസ് അറസ്റ്റ് ചെയ്തത്. കാഞ്ഞിരപ്പള്ളി ജനറൽ ആശുപത്രിയിൽ ഒപിയിലെ തിരക്കിനിടയിൽ രോഗികളുടെ പഴ്സ് കവർന്ന സംഭവത്തിലാണ് യുവതി പിടിയിലായത്. സിസിടിവി ദൃശ്യങ്ങളെ അടിസ്ഥാനമാക്കി നടന്ന അന്വേഷണമാണ് പ്രതിയെ പിടികൂടാൻ സഹായിച്ചത്.
ആശുപത്രിയിലേക്ക് പേരക്കുട്ടിയുമായി വന്ന വയോധികയുടെ പേഴ്സ് നഷ്ടമായതിനെ തുടർന്നാണ് അന്വേഷണം നടത്തി വന്നിരുന്നത്. സിസിടീവി ദൃശ്യങ്ങളുടെ സഹായത്തിൽ പ്രതിയെ പിടികൂടാനായെങ്കിലും ഇത്തരത്തിൽ കൂടുതൽ സംഭവങ്ങൾ നടന്നിട്ടുണ്ടോ എന്നും ഇതിന് കാരണം നിഷ തന്നെയാണോ എന്നും അന്വേഷിച്ചു വരികയാണ്. പുഞ്ചവയൽ പാക്കാനം സ്വദേശിയാണ് നിഷ. പൊൻകുന്നം പോലീസ് അറസ്റ്റ് ചെയ്തത് പരാതിക്കാർക്ക് വലിയ ആശ്വാസമാണ് നൽകിയത്. ഇവരെ കാഞ്ഞിരപ്പള്ളി ജനറൽ ആശുപത്രിയിൽ എത്തിച്ച് പൊലീസ് തെളിവെടുക്കുകയും ചെയ്തു. ഇവരിൽ നിന്ന് രണ്ട് പഴ്സുകളും കണ്ടെടുത്തതായും പോലീസ് വ്യക്തമാക്കി. കണ്ടെടുത്ത ഒരു പഴ്സിന്റെ പരാതി മാത്രമേ ലഭിച്ചിട്ടുള്ളതിനാൽ മറ്റൊരു പഴ്സിന്റെ അവകാശിയെ കുറിച്ചും പോലീസ് അന്വേഷിച്ചു വരികയാണ്.
വ്യാഴാഴ്ച രാവിലെയാണ് ഒപി വിഭാഗത്തിന് മുമ്പിൽ പേരക്കുട്ടിയുമായി ഇരുന്ന വയോധികയുടെ പഴ്സ് നഷ്ടപ്പെട്ടതായി പരാതിയുയരുന്നത്.ഇതിനെ തുടർന്നാണ് ആശുപത്രിയിലെ സിസിടിവി ദൃശ്യങ്ങൾ അധികൃതർ പരിശോധിച്ചത്. സിസിടിവി ദൃശ്യത്തിൽ വയോധികയുടെ സമീപമിരുന്ന യുവതി ഇവരുടെ പഴ്സ് കവരുന്നതായി കണ്ടെത്തുകയായിരുന്നു. തുടർന്ന് പൊലീസ് നടത്തിയ അന്വേഷണത്തിൽ യുവതി പുഞ്ചവയൽ സ്വദേശിനിയാണെന്ന് തിരിച്ചറിയുകയും അവരെ വീട്ടിലെത്തി കസ്റ്റഡിയിലെടുക്കുകയുമായിരുന്നു. ജനറൽ ആശുപത്രിയിൽ ഇതിനുമുൻപും രോഗികൾക്കും കൂട്ടിരിപ്പുകാർക്കും പണം നഷ്ടപ്പെട്ടിട്ടുണ്ട്. ഈ സംഭവങ്ങളിൽ പിടിക്കപ്പെട്ട യുവതിക്ക് പങ്കുണ്ടോയെന്നും അതോടൊപ്പം തന്നെ ഇതിന് കൂട്ട് പ്രതികൾ ഉണ്ടോ എന്നും പൊലീസ് അന്വേഷിച്ചുവരുകയാണ്.
ആശുപത്രികളിൽ ഇത്തരത്തിൽ പരാതികൾ മുൻപും പരാതികൾ ഉയർന്നിട്ടുണ്ട്. എന്നാൽ തന്നെയും പോലീസിന്റെ അതിവേഗ ഇടപെടൽ സാധാരണക്കാർക്കിടയിൽ പോലീസിനോടുള്ള വിശ്വാസം ഉയർത്തുകയാണ്. ഇതൊരു ഒറ്റപ്പെട്ട സംഭവം മാത്രമല്ല ഇത്തരത്തിൽ ഒത്തിരിയേറെ സംഭവങ്ങൾ നടക്കുന്നതായും ആശുപത്രികളിലെ അരക്ഷിതാവസ്ഥയിൽ കൂടുതൽ കരുതൽ വേണമെന്ന ആവശ്യം ആശുപത്രി അധികൃതർ കണക്കിലെടുക്കാനുള്ളതായും കർശനമായ നടപടികൾ മാത്രമേ ഇത്തരത്തിലുള്ള പ്രശ്നങ്ങൾക്ക് പരിഹാരം ഉണ്ടാകുകയുള്ളൂ എന്ന് പൊതുജനം ആവശ്യം ഉന്നയിക്കുകയും ചെയ്തിരിക്കുകയാണ്.
https://www.facebook.com/Malayalivartha