തിരയില്‍പ്പെട്ട യുവതിയെ രക്ഷിക്കുന്നതിനിടെ കാണാതായ ജോണ്‍സന്റെ മൃതദേഹം കിട്ടി; തേങ്ങല് അടക്കാനാവാതെ സഹപ്രവര്‍ത്തകര്‍
ശംഖുമുഖത്ത് കടലില്‍ കാണാതായ ലൈഫ് ഗാര്‍ഡ് ജോണ്‍സന്റെ മൃതദേഹം ഇന്നലെ വിഴിഞ്ഞത്ത് എത്തിച്ചപ്പോള്‍ ഒപ്പം ജോലി ചെയ്തിരുന്ന ലൈഫ് ഗാര്‍ഡുകള്‍ വിങ്ങിപ്പൊട്ടി. തിരയില്‍പ്പെട്ട യുവതിയെ രക്ഷിക്കുന്നതിനിടെയാണ് ജോണ്‍സണെ കാണാതായത്.
ഒരുപാടു പേരെ രക്ഷിച്ച തങ്ങളുടെ ജീവന് സര്‍ക്കാര്‍ ഇനിയെങ്കിലും ഉറപ്പു തരുമോയെന്ന് ലൈഫ് ഗാര്‍ഡുകള്‍ വേദനയോടെ ചോദിച്ചു. ജീവന് പണയം വച്ച് അനേകരുടെ ജീവന് രക്ഷിക്കുന്ന തങ്ങളുടെ ജീവനു സുരക്ഷയില്ലെന്ന് ഇവര്‍ പരിതപിച്ചു.
കേരളത്തില്‍ ജോലിക്കെത്തുന്ന ഇതര സംസ്ഥാന തൊഴിലാളികള്‍ക്ക് പോലും ഇന്‍ഷുറന്‍സ് അടക്കമുള്ള ആനുകൂല്യങ്ങളും ജീവിത സുരക്ഷയും ലഭിക്കുമ്പോഴും തങ്ങള്‍ അവഗണിക്കപ്പെടുകയാണെന്ന് ലൈഫ് ഗാര്‍ഡുകള്‍ പരാതിപ്പെട്ടു.
ജീവിതത്തിന്റെ നല്ലകാലമത്രയും ഈ ജോലിക്കായി ഉഴിഞ്ഞുവച്ച തങ്ങളില്‍ പലര്‍ക്കും പ്രായമായി. മുന്നോട്ടുള്ള ജീവിത സുരക്ഷക്ക് സര്‍ക്കാര്‍ സഹായം വേണമെന്നാണ് ഇവരുടെ ആവശ്യം.
https://www.facebook.com/Malayalivartha
