പത്തു ഗ്രാം കൊക്കെയ്‌നുമായി യുവനടനെയും മോഡലുകളേയും കൊച്ചിയിലെ ക്ലബ്ബില്‍ നിന്നും പിടികൂടിയ സംഭവത്തില്‍ മലയാള സിനിമയിലെ പ്രമുഖനായ ഒരു യുവതാരവും കൂട്ടുപ്രതിയാണെന്നു സൂചന. യുവനടന്‍ വളരെ പെട്ടെന്ന് സിനിമയില്‍ പ്രസിദ്ധനായ വ്യക്തിയാണ്. ആദ്യ സിനിമ \'മുമ്പേ\' പരാജയപ്പെട്ടു. തുടര്‍ന്ന് ഏറെനാള്‍ സിനിമയില്‍ നിന്നും മാറി നിന്നു. പിന്നീട് സിനിമയിലെത്തിയപ്പോള്‍ രാശി തെളിഞ്ഞു. മലയാള സിനിമയിലെ ഒരു പ്രമുഖനുമായി യുവനടന് ബന്ധുത്വമുണ്ട്. യുവനടന്‍ കൊക്കെയ്ന്‍ ഉള്‍പ്പെടെയുള്ള ലഹരി മരുന്നുകള്‍ക്ക് അടിമയാണെന്ന് പറയപ്പെടുന്നു.
മലയാളത്തിലെ ന്യൂജനറേഷന്‍ സിനിമാക്കാരെല്ലാം പലതരം ലഹരികള്‍ക്ക് അടിമയാണ്. ഇവരില്‍ മദ്യപിക്കുന്നവരുടെ എണ്ണം വളരെ കുറവാണ്. എന്നാല്‍ ലഹരി ഉപയോഗിക്കുന്നവരുടെ എണ്ണം ആലോചിക്കാവുന്നതിലുമപ്പുറമാണ്. ഇവര്‍ക്ക് ഇതില്‍ വേദനയുമില്ല. തങ്ങളുടെ കഴിവ് നിര്‍ണയിക്കുന്നതില്‍ കൊക്കെയ്ന്‍ ഉള്‍പ്പെടെയുള്ള മയക്കു മരുന്നുകള്‍ക്ക് നിര്‍ണായക സ്വാധീനമുണ്ടെന്നാണ് യുവനടന്‍മാര്‍ കരുതുന്നത്.
പ്രമുഖനായ യുവനടന്‍ സ്ഥിരം മയക്കു മരുന്ന് ഉപയോഗിക്കുന്നു. കൊക്കെയ്ന്‍ ആണ് പ്രധാന വിനോദം.. കൊക്കെയ്‌നിന് ഒരു ഗ്രാമിന് 20,000 രൂപ വരും. പാടുപെട്ട് സമ്പാദിക്കുന്ന പണം മുഴുവന്‍ മയക്കു മരുന്നിനു വേണ്ടിയാണ് ഇയാള്‍ ചെലവാക്കുന്നതെന്ന് സിനിമാരംഗത്തുള്ളവര്‍ പറയപ്പെടുന്നു. ന്യൂജനറേഷന്റെ തള്ളിക്കയറ്റത്തിനിടയില്‍ പഴയ സിനിമാക്കാര്‍ തങ്ങളുടെ കരിയറില്‍ പിന്നാക്കം പോയിരുന്നു. ന്യൂജന്‍ കുടുങ്ങിയതോടെ ഇവരൊക്കെ തലയില്‍ കൈയമര്‍ത്തി പൊട്ടി ചിരിക്കുന്നു.
അഭിനയിക്കുന്ന വേളകളിലും ഇവര്‍ ലഹരിയുടെ ഒഴുക്കിലാണത്രേ. ഇവര്‍ക്ക് ആണ്‍പെണ്‍ വ്യത്യാസമൊന്നുമില്ല. ഇതിലൊന്നും ഇവര്‍ തെറ്റു കാണുന്നുമില്ല. വിവാദ വ്യവസായി നിസാം ഉള്‍പ്പെടെയുള്ളവര്‍ ഇവര്‍ക്ക്‌ കൊക്കെയ്ന്‍ എത്തിച്ചു കൊടുക്കുന്നുണ്ടത്രേ. കൊച്ചിയാണ് കൊക്കെയ്‌നിന്റെ തലസ്ഥാനം.. പോലീസ് വമ്പന്‍മാരെ തിരയുകയാണ്. എന്നാല്‍ അന്വേഷണത്തിന്റെ ദിശാസൂചി വമ്പന്‍മാര്‍ക്ക് നേരേ തിരിയുമ്പോള്‍ അന്വേഷണം അവസാനിക്കും. നേരത്തെ കൊച്ചിയില്‍ പിടിച്ച ഡിജെ പാര്‍ട്ടികള്‍ക്ക് ഇപ്പോള്‍ എന്തു സംഭവിച്ചെന്ന് അന്വേഷിക്കുന്നത് നന്നായിരിക്കും. ഡി.ജെ പാര്‍ട്ടികള്‍ നിര്‍ബാധം നടക്കുന്നു. ഇവിടങ്ങളില്‍ കൊക്കെയ്‌നെന്നു വേണ്ട സകലമാന മയക്കു മരുന്നുകളും ഒഴുകി നടക്കുന്നു. ഇവര്‍ക്ക് മയക്കുമരുന്ന് എത്തിക്കാന്‍ കാരിയര്‍മാരാകുന്നത് പെണ്‍കുട്ടികളുമാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha